الأعضاء الإشتراك و التسجيل

الملتقيات
ADs

قصايد الشاعر بندر بن سرور رحمة الله عليه

قصايد الشاعر بندر بن سرور رحمة الله عليه


NOTICE

تنبيه: هذا الموضوع قديم. تم طرحه قبل 5623 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ابورغد العتيبي
    ابورغد العتيبي

    مبتعث مبدع Amazing Member

    ابورغد العتيبي المملكة المتحدة

    ابورغد العتيبي , ذكر. مبتعث مبدع Amazing Member. من السعودية , مبتعث فى المملكة المتحدة , تخصصى موظف بمستشفى , بجامعة الملك عبدالعزيز
    • الملك عبدالعزيز
    • موظف بمستشفى
    • ذكر
    • جدة, جدة
    • السعودية
    • Aug 2008
    المزيدl

    November 6th, 2008, 02:30 AM

    اخواني الاعزاء حبيت ان اجمع لكم بقدر الاستطاع قصايد الشاعر الكبير بندر بن سرور
    رحمة الله عليه
    وان شاء الله تحيز على اعجابكم
    وبالله التوفيق
    1- قصيدة : الله من عين لبندر بن سرور

    اللــه مــن عيــن تزايــد تلــفــها
    بـيَــن كــدها بالعــروق السـخيـفــه

    كــم واحــدٍ لــه حــاجـةٍ مـاصرفها
    يـصــد عن صـرافــها لايضيــــفــه

    يخــاف لايقــضب نــديـــم طــرفها
    قـلبــه صـدأ وأطـــراف جسـمه نظـيفه

    لــو كـان مـاهـا مايـلـيَـن ليــفــها
    سـيَـل بـها القــتــات وادي حنيــفـه

    واللـه خـلق بيــد الـذلول وعســـفـها
    للـي يـبي المنــهاج مــثـل القــطيفــه

    والفـضـل للـي مـدها مــا قصــفــها
    وأنـهـج من الــدار المحيــلـه للمــريفه

    وانصحــك ياللي غــرتــه مــاعرفــها
    شيــبٍ تشـيــب مـا يحـــول رديفــه

    رديفــها يركـض ويــركـــز هــدفها
    وقــتٍ يـقــص العـظم من حــدَ سيفـه

    وجـت بك الـدنـيا وجـــابك صــدفـها
    لاتـعـتـز بأهـل النفــــوس الضعيــفـه

    أنصـحــك نفســك لاتســقــط شرفها
    تـرى بعـض بيـض المجــالس أمجيفـه

  2. 2- قصيدة : أهل الونـيــت لبندر بن سرور

    يأهــل الونـيـــت اللي تزايـد عويـلــه
    مكينتـــه ذيــب النصـارى شغلـهـــا

    حــده وقود النـار وأبعــد مقيـــــلـه
    شاقـــه بعيــد العيـــن وادنـى جبلـها

    إليـــا لفـيـــت العيـن اخـذ لك دليلـه
    لاتبــدي الشكــوى على غيــر أهلـــها

    وأحــذر يغــرك من بســط لك شليلـــه
    كم واحــدٍ يبـي العــلا مـــاوصلــها

    علـيــك باللـي بالقـسى ينعـني لــــه
    اللي ليـا قــاد السفيــنـه عـــدلــها

    السـالميـــن اللي خطــاهم طــويــلـه
    وسعيــد زيـزوم البــلاوي فحـــلـهـا

    قـــل حـاجتـي يـابو مبارك ثقيـــــله
    ما كــل رجلٍ ينتــخي لـي حمــــلهـا

    وابــغــاك تــدركهــا بحــالٍ وحيلـه
    عســاك تـاجــد عند ربــك بـدلـــها

    و لا تـرى الدنـيا قــريــبٍ رحــيــله
    كــلٍ تـبي نفــســـه تلاقــي عمـلها
    7 "
  3. 3- قصيــدة : بحـر تسـعيـن لبندر بن سرور

    يـارب انـا لـي حــاجــةٍ صـكة القـوع
    بـقـصى بحــر تسـعيـن صكــة نـحـرها

    أصـعـب على المخـلـوق من عضـة الكـوع
    ولا على الخـالق بســـيــطٍ بــحــرها

    كـم واحـدٍ جــت لــه بسـاتيـن وأزروع
    تــراه مـايـدري مــن اللـي بــذرهــا

    أبن الـلـئـيم أمـشـارك الـكلـب بطبـوع
    عــيـنـه على حــرمـة قصــيره دورهـا

    مـادارهــا خــوف علـيـها مـن الجـوع
    خــوف تفــوتـه غـــرةٍ مــاسـبـرها
    7 "
  4. يا سلام على النقل الرائع
    وعن المنقول له

    بندر سرور الله يرحمه كان من افضل شعراء نجد
    لكن يدخل في بعض شعره الكلمات يصعب على الناقل قولها
    وله ايضا فالمقابل قصايد من اروع ما كتب فالشعر النبطي

    يا سخيف الذرعان ماني بمرجوج
    رجتني الايام غدرا وحيله
    يا بنت لولا اللي على تاسع الفوج
    تركت نجد وعزوتي فالقبيله
    ....
    ..
    الى اخر القصيده


    وايضا قصيده على قاف الطوابير بالصدر
    والدجاجي بالعجز

    والكثير من ابداعات بندر بن سرور

    تقبل مروري
    7 "
  5. المشاركة الأصلية كتبت بواسطة العمر واحد
    يا سلام على النقل الرائع
    وعن المنقول له

    بندر سرور الله يرحمه كان من افضل شعراء نجد
    لكن يدخل في بعض شعره الكلمات يصعب على الناقل قولها
    وله ايضا فالمقابل قصايد من اروع ما كتب فالشعر النبطي

    يا سخيف الذرعان ماني بمرجوج
    رجتني الايام غدرا وحيله
    يا بنت لولا اللي على تاسع الفوج
    تركت نجد وعزوتي فالقبيله
    ....
    ..
    الى اخر القصيده


    وايضا قصيده على قاف الطوابير بالصدر
    والدجاجي بالعجز

    والكثير من ابداعات بندر بن سرور

    تقبل مروري


    الله يسلمك على مرورك ويعافيك ربي من كل سوء

    بندر بن سرور رحمة الله عليه من الشعراء القداماء ومن افضلهم على حسب اعتقادي يشيد له كل من سمع قصايده وانا هنا بإذن ربي
    ان اجمع عدد كبير من قصايده اللي في غاية الرووووعه
    واطلب من الاخوان اللي عنده أو حافظ له بعض القصايد ان ينزلها هنا لكي نتساعد في جمع بعض قصايده.
    7 "
  6. 4-قصيدة : دواليـــب الــدهر لبندر بن سرور

    يالله يـاجــال الامـور المهمــــــــه
    تجلا وهـج قلب بـرا حـال راعيــــــه

    البـر دجـتــه والبحـر رحـت يـمــــه
    اسعـى ورى رزق عســى اللـه يهـيـــه

    يــوم ان ولــد اللاش رزقـه على أمـــه
    رزقــي على اللي ميـــت القشـع يحيـيـه

    يــامل قـلــب كــل مـا مـات همـــه
    دارت دواليــــب الدهــر ليـن تحـيـيـه

    فـرَاق شــمـل النـاس عيَــا يلـمَـــه
    وقــتٍ يشــيـب الرأس من شـايـةٍ فـيـه

    أحــدٍ يــنام وحـط رأســــه بكمـــه
    وأحـدٍ يخـــم النـوم عيــنـه وتخـطيـه

    أحـدٍ يحـاول بالــردا بنـــــت عـمه
    وأحـدٍ يحاول سـتـر عـذراء عـوانيــه

    مـانـي وأنا بنـدر ببيــاع دمــــــه
    يقطعـــك يا بيــاع دمـه ومهـفـيـه

    الـلي يبـيــع لابـســـات الأزمــــه
    ثـورٍ يــبا بيــض الرعـابيـب تغـنـيـه

    يـزعـل ليا جــــت ليلــة الـدور يمـه
    يرضـى بسـوق المـال فخـره وفـــا بيـه

    خطــو البخــيـل اللـي يكبــــر معمـه
    يقـرأ الكتــاب وواجـــب اللــه يخـليـه

    امـــا هـــرج لـك في رفيقــه بنمــه
    ولا عــطا وأمـــــه أتضيـع هقـاويـه

    أنشـــدك ياللـي كــل فـرض تـتـمـه
    تقـرأ الكــتاب وكل فـرض تصــليـــه

    ويـش القليـب اللــي غميـــق مجمــه
    مـا فـاد غـرسـه مـاه عـطـش سوانيـه

    تخــالف الانظــار شـــرق ويمـــه
    وكـل هـدف رآيـه مـن النـاس مرضيـه

    ســمَ الســبب ياعـــارفٍ عنـه سـمـه
    ســمَ الســبب ياعــارفـه قبــل أسمـه
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.