كل مايخص قدرات الجامعيين .. مرحله 12

السلام عليكم.. انا كل ما احاول أسجل في الاختبار المواعيد اللي تظهر مرة بعيدة اقرب موعد يوم ٥ جانوري و هو يوم اللي يسكر التسجيل احد يقدر يفيدني كيف الحين ؟ كلمت قياس قالوا مافي مواعيد هذا الشهر.

مالك إلا تحدثين بإستمرار أحيانا يضيفوا مواعيد زيادة فجأة ، أنا موعدي ما تصدقين كيف حجزته كان مافيه إلا بعد اسبوعين و قعدت ساعتين كل شوي أسوي تحديث و فورا حجزت لأن السيستم حقهم غبي و لا يلغي مواعيد اللي ما دفعوا أول ما تنتهي المهلة، و فيه ناس تكنسل و ناس تعدل الموعد .. فما تدرين

أو حل ثاني تختبرين في مدينة قريبة منك ..


آخر حل احجزي حق ٥ جانيوري، أذكر العام مددوا فترة التقديم .. و فيه احتمال ما تكون النتيجة مطلوبة وقت التقديم ( اتصلت و سألت ما نفت لي المعلومة أو اكدت موظفة الوزارة )
خصوصا إن فيه ناس كثير تفاجأوا بشرط القدرات هذا و المواعيد فللت بسرعة و أكيد بيراسلون الوزارة
و أنصحك ترسلين لهم بعد ، كثر الدق يفك اللحام

اي.. الف الحَمدلله سويت زي ما قلت و دوبني شفت موعد الخميس🏻 شكرًا شكراً .

اختي لو سمحتي كيف اتواصلتي مع الوزارة؟

تعبت ما لقيت رقم لوكالة شؤون الابتعاث كلها غلط

الحمممممدلله
الله يوفقك يا رب
ادعيلي تطلع علامتي زينة و فوق ال٨٠

اتصلت على هالرقم ١٩٩٩٦
و بالخيارات طلبت ادارة الابتعاث أو شي زي كذا

الغريب جيت بعطيك رابط فيه ارقام مسؤولين بإدارة الإبتعاث لقيت أغلب الصفحات غير موجودة ! كان فيها فوق ٢٠ رقم
و كان موجود صفحة خاصة بوظيفتك و بعثتك و بشروطها و الجامعات المميزة الحين كلها يطلع غير موجودة
يطلع لي ( الصفحة التي تحاول العثور عليها قد تم حذفها أو استبدالها، أو أن عرضها غير ممكن حاليا! )

مدري وش اخرتها مع هالوزراة

أتوقع تحديث للموقع لأنه كان ملخبط جدا معلومات من المرحلة السادسة موجودة و حقت المرحلة ١١
عساهم بس يوضحون كثير من تساؤلات الناس

لقيت ونيس انا الساعة ١١ وانتي ؟!

شكرا لك،، جزاك الله خير

مين اختبر قدرات
الثلاثاء اللي فات
و نزلت درجته ؟؟
إلى الآن ما نزلت درجتي

حتى يوم الاربعاء مانزلت مدري ايش عندهم

انا قبل اسبوع كان الثلاثاء ونزلت لي 1 الظهر يوم الاحد

كل تأخير لخير إن شاء الله