-
استفسار عن المحرم
السلام عليكم و رحمة الله و بركاته
اخواني و اخواتي أتمنى من الجميع يساعدني و يتجاوب مع موضوعي..
عندي استفسار عن المحرم..
ناوية اقدم و اخد اخويا كمحرم بس المشكلة انو ما كمل 18 سنة بالميلادي لكن كملها بالهجري.. بس لو أراد الله و جاني القبول حيكون مكملها يعني وقت ما حيسافر حيكون 18.
هل اقدر اقدم و ادخل بيانات انو هوا المحرم ؟ و اذا قبلو كمحرم هل دا الشي يعيقو من التقديم في جامعات المملكة و القبول فيها؟
و اخر شي لو ربي أراد وسافر معايا هل في إمكانية انو يدرس و يقبل في اي تخصص في دولة الابتعاث؟
يعني لو مثلا جاني قبول في دولة من دول الابتعاث لتخصص ألطب هل هوا كمان يقدر يدرس الطب بعد سنة اللغة و الا الموضوع صعب؟
لان اخويا ناوي قدم طب في المملكة و معدلو كويس ما شالله و لو قدم هنا قد يقبل في أفضل الجامعات فخايفة اعطلو لو جا معايا كمحرم..!
عذرا على كترة الكلام و لكن فعلا احتاج احد يساعدني و يجاوبني على دي الأسئلة .. و جزاكم الله خير مقدما.
-
رد: استفسار عن المحرم
اول شي ما دام كمل ١٨ بالهجري خلاص استوفى شرط العمر. يروح والدك او المسؤول عنك ويسويلو وكالة عشان البعثة.
طبعا المحرم يحق له الدراسة على حساب الملحقية ولكن بعثته مرتبطة فيكي، يعني لا قدر الله بعد سنة رجعتي هو ما يقدر يكمل ولازم يرجع معاكي، (مصيركم واحد)..
بس عادي اذا اتخرجتي وهو أتم ٧٠٪ من دراسته يقدر يستمر الين التخرج..
بالنسبة لتخصص الطب، اذا لقي قبول ونسبته تأهله لدراسة الطب (٩٠٪ وفوق) عادي يقدر يدرس ويكمل
بالتوفيق لكم
-
رد: استفسار عن المحرم
يعطيك العافية د.محمد ع الرد الاكتر من كافي.
ربي يجزيك بالجنة.
-
رد: استفسار عن المحرم