تريد محرم وأريد بعثه = زواج ؟!

آآعجبني هالتعليق..واؤيده بشدهـ

اقول كيف الحال !!

اخوي المهندس ..

من وجهه نظري ..

الله سبحانه و تعالی راح ييسر امور زواج اي شخص ولو انه طفران علی الحديده ولكن تكون نيته نيه زواج و تكوين اسره هذا المبتغی الاساسي ومن ثم تكمله الدراسه برا ..

اخوي من رايي اولا تستخير الله .. ثانيا تطلع برا بدون زواج وتشوف وضعك اول كم شهر .. اذا حسيت نفسك بتفلح و بتمشي امورك ..

فقل لاهلك شوفوا لي بنت الحلال .. و سو زواج مختصر ما يكلفك شي واطلع برا ..

وبعدين ونا اخوك لا تقول انك بتعيد من اول و جديد .. في شي اسمه معادله مواد .. يعني الجامعه الي بتدرس فيها بتعادل جميع موادك .. و ممكن يقولون لك بعد اللغه سنه ونص او سنتين وانت مخلص ..

بس بقولك كلمه حطها بين عيونك دايما .. لا تتزوج بنت الناس وتاخذها من بيت اهلها معززه مكرمه لاجل فقط انك تخليها مرافقه لك لا اكثر او انك تبي ترضي اهلك بس !!

الزواج ان ما كان عن قناعه تامه منك شخصيا .. او حتما ولا بد راح يفشل !!

شف لك دوله الالحاق بالبعثه يكون سلس و سريع .. علی سبيل المثال من وجهه نظري اشوف استراليا الانسب ..

اغلب الي يجون ما يكملون شهرين او ثلاثه الا وهم ملتحقين بالبعثه !!

ووقتها اذا التحقت بالبعثه و ضمنت راتب شهري يمشي لك !! ابد تزوج ونا اخوك .. وابشر بالي يفرح بك بزواجك و يحضره و نساندك بالي نقدر عليه ..

مع احترامي الشديد لاهلك وهم علی راسي من فوق .. ولكن انت رجال ولك كلمتك .. ادرس الموضوع زين ولا تتسرع ..

لان هذا زوااج .. سهل تقوله .. لكن صعب معناه .. يحتاج تفكير ..

بغض النظر عن علاقاتك الحاليه !! الي بالاساس مالها سنع مع احترامي لك !! انك تتعرف علی وحده و ثنتين و ثلاث واربع !! طيب والنهايه !!

الله ييسر لك ونا اخوك .. و يوفقك .. و يكتب لك الخير .. و ييسر لك الزوجه الصالحه الي تسعدك و يرزقك بالذريه الصالحه ..

واعتذر ان اسات بكلامي ..