الى من عاش طفولته في الثمانينات ادخل وامسح دموعك وانت مبتسم

كما قيل في المثل (الصورة ابلغ من الحديث)..صورة وقفت عندها كثيرا
جلست انظر فيها وارى نفسي ماذا كنت واين وصلت

هيجت مشاعري...اغرورقت عيناي بالدموع ..تذكرت الماضي وحنينه...

كم تذكرت ايام طمسها غباار التاريخ ..وذهبت ملامحها الجميله>>تتعب على الاسلوب ياطقعان

لم استطع النوم..جلست افكر وافكر ..ايام ياليتها ترجع ..ولكن لن ترجع

هذه الصوره اهديها لكل من كانت طفولتهم في الثمانينات حيث البراءة واللعانه في نفس الوقت

يشكلان العامل الرئيسي في تكوين الطفل في تلك الحقبه من الزمن>>ترا منب سهل

عزيزي القارئ اوصف لي شعورك عند مشاهدة هذه الصوره؟؟ماذا ستفعل؟؟هل ستمر عليها مرور الكرام؟؟

لاااا ارجوك فهذه الصوره تستحق منا الكثير>>اقول اخلص بس ولا يكثر



انظر ومتع عينيك المغمصتان







نعم انه هو (اتاري)...او كما يلقب (مكيف الزامل القديم)..نظرا للتشابه الكبير بينهما

بشكله الانسيابي..وازراره الفضيه ...وتماسك بنيانه..

عزيزي القارئ تمالك نفسك واشرب لك كأس من الماء البارد يطفي لهيب الشوق في قلبك

فأعلم انك في لحظة اشتياق ممزوجة بحرقة في المعده



هذا الشعار اللذي اسر قلوب الاطفال ..اتاري اسم رنان في عالم الطفولة والهبال

اتاري الرأي والرأي الاخر...اتاري لادموع بعد اليوم

وش ينفع بلاي ستيشن ؟؟

اذا اتاري مغطي السوق كله...

اتاري عبّر عن دلاختك

اتاري عيشي حياتك

حياتك من غيري اتاري

يبيله اتاري...ابو راشد اكس بوكس ولا اتاري

اتاري تمتع ودعهم يتمتعون..

اتاري حلو مررره...اتاري قوة العبور الى الغد

>>>قلبها دعايات<<<


وصدق الشاعر المخضرم حينما قال

وهو من اللذين ختموا باك مان اربع مرات

اياليت الشباب يعود يوما....فأخبره بما فعل الاتاري

يجئ يوما ويذهب يوما...وانا لم اذهب الى الملاهي


عزيزي القارئ هل تتذكر هذه الاشرطه

آآآآآآآه كم تذكرت حينما اذهب واتهاوش مع بزارين الحاره فأخذ شريطين من هذه الاشرطه واكسرها على روسهم ثم ارجع واشغلها وعادي الوضع ...


آآآآآآآآآآآه كم تذكرت حينما كان يعلق علي فأصبخ به صبخة بالجدار تقوم على اثرها ام عزيز جارتنا من النوم

آآآآآآآآه كم تذكرت حينما تفصل اختي الصغيره الفيش ابو أربع رجول على شكل + ..فامسكها مع شوشتها واجرجرها من الصاله مرورا بالمقلط حتى اصل عند والدتي في المطبخ فتصكني على دمجتي بملاس الرز ..فاذهب مقهورا وامزع الدجاج في الحوش على دخلة ابي من العمل فيشاهدني واذا بعقاله الملكي يطير في الهواء محلقها بسررعه الصوت ويلزق في ظهري..

آآآآآآآآه كم تذكرت حينما اسهر الى الساعه التاسعه مساءا ماقدرت افوز بشريط الكوره

آآآآآآآه كم تذكرت حينما اتبادل انا وعيال المدرسه الاشرطه فيصيدني المدير ويلعن خيري..
آآآآآآه كم مره كسر المدرس الشريط برجله تقول بيفقع علبه سن توب وعاااادي اخذ القطعه الخضراء وتشتغل زي اللووووووووووز



أأأأأأأأه ياباك مان كم عشقتك انت وزوجتك كم كنت اسهر علشان اخليك تهرب من الاعداء


عاد لازم تاكل النقط الكبيره اللي بالزاويه علشان انت اللي تلحق الاعداء


سباق السيارات ..تطلع روحك ماتفوز لو وش تسوي انت الاخير يعني انت الاخير



آآآآآآة يارامبو من منا لم يلعب في هذه اللعبه الوسيعة الصدر

كنت لازم تراقب القارب وتروح عند العدو في الجهه الثانيه وتقتله علشان تاخذ الرشاش اللي فوق..ولا العن شي اذا جاتك الهيليكوبتر ولعنت خيرك وذبحتك..



هذولا ياحبيلهم اللي يقطعون الشارع ..بس المرحله الثانيه العن شي يسرعون عيال الكلب ياشيخ تحلف انه طريق الدائري الشرقي عند مخرج 13 بالرياض




لعبة المطافي ..ياني كنت اتمنذل واخلي الحمار اللي فوق يحترق من النار ..فاضين حنا نطفي حرايق


هذي البطه اللي تناقز ياهي ترفع الظغط


انت لايفوتك الالوان بس..كانه فستان شغالة اذا راحت لعرس



تاز أحبك ياتاز اذا جلست تحوس وتبرم



عاد اهم شي كرتون الاتاري اذا جاك فيه دعايه لرامبو..تناقز مكانك..لا .. ويكتبون لك ان فيه خمسين الف مليون لعبه ..وبالاخير تطلع الالعاب كلها خمس والباقي مكررات





هذا الرجل اللي ينقذ الأميره الطيبه اللي ساكنه بجنب الشيطان ولا تنسون المطرقه اللي بالدور الرابع تأخذونها...والظاهر اني كاسر الشريط على راس ولد جيراننا



هذي يازينها الطيارات..اهم شي عداد البنزين اللي فوق

هذا منقول من ايميلي مع بعض التعديلات اللغويه


وختاما....
(هذا تعليقي)
مع بعض الأقوال المأثوره

(فليخسأ البلاي ستيشن والاكس بوكس وليعيش الاتاري)

(متع يديك فإن الركب مرتحل دون الأتاري تأخذها وترتحل)

(مع الأتاري من دون فيش تخسأ ما تقدر تعيش)


أتمنى أشوف تعلقاتكم واللي تخنقه العبره لا يستحي

فضفض هنا

تحياتي لكم....