الأعضاء الإشتراك و التسجيل

الملتقيات
ADs

من ارشيـف هليل ورسايله الـغراميـه الي حصــه >>امين تعال اضـحك بس

من ارشيـف هليل ورسايله الـغراميـه الي حصــه >>امين تعال اضـحك بس


NOTICE

تنبيه: هذا الموضوع قديم. تم طرحه قبل 6314 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية طاش ما طاش
    طاش ما طاش

    محظور

    طاش ما طاش غير معرف

    طاش ما طاش , تخصصى حارس مرمي , بجامعة TASH MA TASH
    • TASH MA TASH
    • حارس مرمي
    • غير معرف
    • الرياض, MALISYA
    • غير معرف
    • Jul 2006
    المزيدl

    December 16th, 2006, 12:26 AM

    والله لولا الحياء وأخشاء وأخاف الملامة .. لأمشي وراك وأتبعك وازرع في قلبي ابتسامة ..
    آهـ يا حصة .. لو تعملين كم أحبك حب ماحبة قيس لليلاءُ .. ولا عنترة لعبلة ..
    حصة .. تذكرين يومنا على جال الغدير ومغطسة رجلينك وتطلع شهبا عقب الطين .. تذكرين يوم كنا في بيت عماني الشعبي وكنتي لابسة قميص اصفر محبب من كثر الغسيل وشفاف غصب! .. وجيتيني وقلتي يا قلت لك ياهليل لبية احسبك تبين تقولين لي كلمة حلوه ولا طاقتك في هالقايلة اخرتها صرتي تبيني احك ضهرك .!!

    تذكرين يوم تنشبين لي في حوش بيتنا وتقولين خلني اركب السيكل واقولك مايصير عيب البنت تركب سياكل العيال .. قلتي ماعلي ابي العب يوم جلستي خمس ساعات على المرتبة.. ونزلتي الى المرتبة منعفطة .!!

    تذكرين ايام ماكنت اجي وأطق عليكم الباب وردت علي امك انحشت من الخوف .. لانها دايم تطردني من بيتكم !!
    تراني كنت اجي علشانك مهوب عشان أخوانك هالشيون اللي مايدرون وينها معه .!!
    تذكرين يوم كنا نلعب كل ظهرية بعد المدرسة وانتي لابسة المريول الكحلي .. وأنا طاق الفنيلة العلاقي ومطلع عضلاتي .. في هذيك اللحظة حسيت انك نظجتي ياعمري وبديت ابكي من الفرح مثل بكاء طفل عجوز.!!


    تذكرين يوم تلقيني منبطح بالحوش وقاعد احارش النمل .. وتقولين لعبني امزاكي وش عشاكي مريقيقة ولا كبدة حاشي .. يوم شقلتك وطقت عروقي وجاني مشع بظهري من سبتك .. تراني الحين امشي على جنب كله من امزاكي ذاك اليوم .!! > اللـيور ملتـوي

    تذكرين يوم كنا نجمع قفول الطبلون حقت العمارة اللي جنبنا ونقعد نلعب فيها كانها كاميرا .. وانتي تدفدفيني تقولين لا لا تطلع وجهي .!!

    تذكرين يوم أكشخ قدامك ذاك اليوم وأحط السحلي داخل افمي يقالك فتوة ويعض لساني وتطقني اللتغه عقبها ليومك صرت انظق الراء هاء ..!!


    تذكرين يوم ترسليني للبقالة عقب ماكبرتي وصرتي تلبسين مخنق وتقولين جبلي بفك وعصير طمام الساعه 4 الفجر يوم رجعت للبيت ويلعن ثواي أبوي .!!

    أيام حلوة مرينا فيها ياحصة ماتنسي .. حصة مازلت الى هذا اليوم وأنا مغرم بك وبمفاتنك .. صدقيني لو بغيتي اشرطة بشير كلها مستعد اعطيك اياها .. بس ارجعي من العليا وتعالي لمرتعك الأساسي...

    مازال في مخليتي لك ياعزيزتي طعوس من الذكريات .. لايسعها لا ورقة ولا مرسم ..
    ومازلت امتلك من الذكريات ذالك المنديل اللذي تبقى منه كثبانك اليابسه .. و******ك .. وشهـابتـك النـادره ..!! >اخـس يالـزين هالحيـن انت ياهليل

    تذكرين ياحصة يوم تشترين لي كرتون حلاو بقر وعسكريم تلعبين علي حاااطتلي كراش بكيس لحم وتقولين عسكريم أنا أول مره أشوف عسكريم سايح

    تذكرين يوم نروح لملاهي الخيمة ويودينا أخوك على الجمس الأزرق وناطلنا بآخر المرتبه ومع طول الطريق من الشفا الين حي الورود نمت ونسيتوني ورا وأنتي نزلتي وخليتيني لحالي يالزلابة والعرق يصبصب ماقمت الا يوم الجمعه ..

    تذكرين يوم تشترين لي كنادر كابتن ماجد وشراب الأتحاد وتذليني عليها حتا بالبيت تقولين خلك زي عيال الشيوخ...

    غاليتي ,,, ومقلة عيني... حصه انني أكتب لكي رسالتي المتواضعة واللتي تحمل أطلق معاني الحب الفاحش ..
    معشوقتي هذا أنا من جديد أتوسل لك أن تعودي الى عشك الأحمر بالتنكلوجيا
    وعلى قولة المثل الصيني ذكر الكنغر بعيالة يفتح جيبه

    تذكرين يوم يجون بنات خالتك من الديرة وتتنيفشين عندهم يقالك انك بنت الرياض اللي مابعدها احد اللي في وقتنا الحالي طاقة اللثام والكحل ماخذ لفة كاملة على راسها ... < اكيـد فـلانه بنـت فـلان اّل فــلاني خخخ
    والشدو مختلط مع نص عينها .!! ويسئلونك وين تدرسين فيه قلتي لهم ادرس بالشيراتون .!! ماتدرين أن الشيراتون مدرسة عيال اصلا .!! > وبالاخيــر فنـدق خخخ

    تذكرين يوم نطلع للبر ونقعد ناكل شري .. لين غدت بطونا كبر كيس الشعير عشان ننام في المستشفى وتتبرعين لين بكلية ولا اتبرعلك بطحال.!!
    اخرتها كسرو عيني وسوولي غسيل معده لحالي وانتي ماحرك فيك ساكن اللهم طقك السهال ذاك اليوم ...

    تذكرين يوم تقول غط علي بعباتي خلني ********* مشــفـر مـن قبـل الاداره

    كم تمنيت اني اصير زي فريد شوتسي ولا بليغ حمدي واعيش زيهم لاكن لاحياة لمن تنادي ..



    مازلت ابحث عنك ياحصة .. ليت اللذي وداك يازين جابك .. تشوف عقبك كيف الأيام سوت .. شرق مشيت وغرب وقتي مشالك .. والقلب ماله لايم فيك لأول ,,,

    ومازلت على وعدي لك بالزواج العرفي مكتوب على مقفى كرتون منديل الملحق ... وشهر العسل اسبوع في جيان ولا الهــرم عشـان التخفيضـات

    لاكن للأسف ياحصة ... رحلتي ... ورحل كل الحب معكي ولكي ..
    ذالك الحب العذري الطفولي القـذر

    حصة انني مازلت ابحث عنك في القلبان ولم أجدك ..
    اخرجي عليك الأمان ايتها السبهه,,,


    امين > شفت النـذل كيف ههههههه

    هليل> اجـل حصـه ها > فاطـس ضحـك
    هههههههههههههههههههههههههههههه

    طش طش (المسافر)


ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.