هههههههههههههههههههههههههههه والله فله اخوي بالله كمل والله انواع الظحك
7 " احتاج لكـ عاد من نيويورك ( الجزء الأول )
احتاج لكـ عاد من نيويورك ( الجزء الأول )
تنبيه: هذا الموضوع قديم. تم طرحه قبل 5361 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- هلابك اخوي amercom <<<< انا اقراها ارامكو هع هع7 "
جاري تكملة الأجزاء الباقيه
وخصوصاً مقابلتي مع كونداليزا رايس <<< والله ياوجهها مقرف من قريب تقول طفاية زقاير لعزوبيه
اشكرك ع التواصل
- رووووووووووووووووووووووعه.... و الله موضوعك وناااااسه....7 "
تكفى كمل... - اما كونداليزا راايس..7 "
وش كااانت لابسه سوداء اليمامه - الحمدلله على السلامة7 "
طرح رائع - الحمد الله على سلامتك نحن في الانتظار7 "
- ووووووووووييييييين التكمله نحن ننتظرررررر7 "
- الحمد لله على سلامتك ياسانشيروووو7 "
وربي انك رهيب كمل لافض فووووووووووووك
August 20th, 2009, 06:42 AM
اعود اليكم من جديد بعد غياب استمر 14 يوم
وكا عادتي السنويه اقضيها متنقلاً بين بلدان العالم <<< يارجال حدك الثقبه وكورنيش الخبر ويخب عليك
وكنت متواجد في مدينة التفاحه الكبيره كما يسمونها
الا وهي
نيــويورك
اولاَ : الحمد لله ع سلامتي
ثانيا: ابشركم اني سليم من انفلونزا الخنازير والبعارين وحتى الجرابيع
............
الرحله كانت ع الخطوط الكويتيه او بالأصح ( الأزيرق ) بوينج 777 18 ساعه طيران
تصدقون ياجماعة الخير 20 ساعه كلها نهار ؟ شلوووون مدري ؟!!
يعني مامر علينا ليل هع هع هع ( قسم لحسة مخ )
عاد من زين طيارتهم , قسم تقول جيب شاص لبدوي وراعي نياق , قرقعه و ازعاج وتنسيم هواء .
اوما اا اثاث الطياره تقول صندقة هنود منتهيه اقاماتهم .
بداية الرحله من مطار الملك فهد الدولي بالدمام الى مطار الكويت تقريبا يوم كامل في الكويت وبعدها الى لندن
لابارك الله فيهم ولا في مطارهم 3 ساعات اجراء تفتيش وفي الأخير تم مصادرة البودي شور والشامبو ومعجون الأسنان
معطر جسم وجل الحلاقه واللي فاقع مرارتي انه بنقالي بس مو مثل البنقال اللي عندنا هذا بنقالي والله العالم ان امه روسية
عليه شفه تقول شفة نانسي عجرم
المهم مالكم بالطويله
وبعدها 8 ساعات طيران الى مطار جون اف كندي في نيويورك
اول ماوصلنا آآآآآه من اول ماوصلنا
هاتك تحقيق ومرمطه وجاوب ع قد السؤال
رحت اعمل اجراءات الدخول عند واحد خال ( اسود لماع ) خشمه تقول فص ثوم ويدينه تقول جدار مدرسه من كثر الكتابات اللي فيها
انواع الذكريات مكتوب فيها وقعدت اطالع في يدينه ادور شي افهمه لكن عجزت وقلت في نفسي الحمدلله والشكر .
المهم قالي : اول مره تزور امريكا
قلت : نعم اول مره
قالي : كم معك مبلغ نقدي ؟
قلت : معي 3 الاف دولار
قال : هل معك بطاقه ائتمانيه .
بغيت اقوله وش دخل امك في البطاقه ؟
بس تعوذت من ابليس وقلت : ايه معي بطاقة ائتمانيه
حط بجوازي كرت ابيض وهو كرت خاص في حالة عودتي يسحبونه مني
وقالي : الحقني
وبعدها رحت لمكتبهم
وقالي : خل عفشك برا واقعد ع الكرسي لين تسمعهم ينادونك
قلت : اوكي
وبعدها بربع ساعه سمعت واحد يتمتم بكلمات غريبه لكن بصوت عال
ابدووووللله ابدوووولله <<< عبدالله
اثاريه كان يناديني
قلت : يس
رحت له واول ماشفته تذكرت رامسفيلد
قلت : سم يابووو ؟ <<< ايه هين
وسألني عدة اسأله :-
اسمك ؟
عبدالله
اول مره تزور امريكا ؟
نعم
كم معك معك مبلغ نقدي ؟
3 الاف دولار
كم ناوي تقعد في امريكا ؟
من اسبوعين الى شهر
اين ستمكث ؟ << بالله تأكدو من كتابتها صح ؟
قلت : عند اخوي
قال : سجل عنوانه .
وسجلت عنوانه بالكامل حتى اسمه جاره كتبته لهم. وهو اصلن في ولايه غير ولاية نيويورك . بس يقالي اني نصبت عليهم << ماهوب هين
وبعدها اخذ بصماتي على شاشه صغيره << قلت رحنا ملح شكلهم بيلفقون فيني تهمه
وبعدها جاب كاميرا مثل كاميرا الويب حقت المسن وقالي انظر اليها
وبحلقت النظر فيها على بالي مسابقة ( اتحداك ماتخلي عينك ترمش )
وبعدين ارسلني لمكتب ثاني
ونفس الأجراءات ونفس الأسئله
وبعدها كتب لي على الكرت الأبيض 32 يوم ( يعني لايحق لي البقاء اكثر من 32 في امريكا )
وبعدها خلصت وطلعت من المطار مع العلم ان اللي معي ماسوو معهم مثل ماسوو معي <<< يمكن علشان اطخم وفي روايه اخرى احلى واحد في اصدقاني ؟
المهم طلعنا من المطار ماندري ربي وين حاطنا
ونطلع برااا ومانشوف الا التاكسي على قفى من يشيل.
ونركب مع تاكسي صومالي امريكي عربي مدري وش سالفة اصله
المهم قلنا على منهاتن يابو الشباب وكان اتفاقنا على 50 دولار
يوم وصلنا منهاتن عجبتنا التمشيه بالسياره وقلنا له كمل لف على الشوارع << متعودين على الهياته اخر الليل
وراح نزيد اجرك
المهم لفينا اكثر من ساعتين على شوارع منهاتن كلها والسكوير تايم والسنترال بارك والفايف افينيو
في الأخير لفينا ع اكثر من 18 فندق ومالقينا حجز فندق . <<< سعودييين ع كثر فلوسكم بس ماحد يبيكم
والله لو لاقين بألف دولار الليله كان اخذناها وحنا مغمضين مزود التعب اللي فينا 18 ساعه طيران ؟
قلنا عاد تدري ؟
رجعنا للمطار بنتبطح في صالا ت المطار . نبي نجرب التبطح في الصالات الدوليه
ورجعنا للمطار واعطيته 100 دولار
قالي : وات از ذسسس !!!
قلت : قلت شوفة عينك << طبعا قلتها بالعربي
ذس اززز 100 دولار
قال : لاااااا . اجري اكثر من كذا ؟
قلت : كم يعني
قال : 300 دولار
قلت : بالمشمش
قال : وات دازت ميننق مشمش ؟
قلت : ذس از فروت سيم سيم ابل << ينعن ام اللغه اللي براسك
قال : بتصل بالشرطه الأن
قلت لخوياي اللي معي : قسم لو يجيني ظابط خفر مايشوف غيرها <<< متعود ع دوريات السعوديه
قالوا : خوياي يابن الحلال عطه وفكنا . ماحنا ناقصين مشاكل
قلت : خلوه يتصل واذا عنده رقم اوباما خلوه يدق عليه .بالمره نبي نبارك له على الخلافه <=== يقالك ماهوب خايف .
وانا اصلاً قامط العافيه وبغيت اطقها بكوه واقول شكلنا الليله بننام في زنزانة
وبعد 3 دقايق بالظبط . وصلت الشرطه
الا وهو نفس الخال اللي قابلني اول مره . بس هذا بدون كتابه على يده . قلت لا والله جبنا العيد في نيويورك.
جاني الشرطي وقالي : ستوووووببببببب <<< نعنبو حيه والله يابراطمه ترفرررر من شدة الصوووت
وقالي :وش السالفه
وشرحت له السالفه كلها
وسأل سواق التاكسي وقال نفس كلامي بالظبط
وسأله مره ثانيه وقاله : هل شغلت العداد ؟ ( عداد الكيلو متر )
قال السواق : لا
قال الشرطي: هذه غلطتك المفروض تشغل العداد .
وسألني كم ناوي تعطيه ؟
وخوياي يقولون لي بصوت خافت 150 واللي يقول عطه 300
قلت وبكل ثقه <<< قصدك وبكل رجفه وخوف
بعطيه 100 دولار
فاابتسم لي الشرطي ابتسمه لدرجة اني شفت نوع العلكه اللي كان يعلجها تقول بقره تاكل برسيم
وقال : اوكي . قو هيد
وعطيته الفلوس
وقالي : اكمل طريقك واذهب .
و راعي التاكسي كان زعلان مره
والحمدلله افتكينا من شره واللي شفع لنا بعد الله انه ماكان مشغل عداد الكيلو مترات .
وبعدها دخلنا صالة المطار .
ونفرفر ونفرفر ونفرفر لحد مالقينا فندق هوليدي ان والحمد لله لقينا حجز وسكنا فيه ونمنا نومة اهل الكهف .
الى هنا يا اصدقاني انتهت قصة المغادرة من اراضي مملكتنا الغاليه حتى وصولنا الي نيويورك
وراح اكمل لكم باقي ايامنا في الأيام القادمه ولكن <<< حط خطين تحت لكن
اللي يبيني اكمله يرسلي رسالة وفيها طلب التكمله مع صورة شخصية مقاس 4 م × 3 م <<< مقاس ستارة مجلس
وتصبحون ع خير