يا لعنبو زقارتن تجيك بصيف ....راعيها هادي ومودزدن لهبــها

تنبيه: هذا الموضوع قديم. تم طرحه قبل 6237 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

&&ABDULAZIZ&&
مشرف سابق على الملتقى الرياضي

اليابان
&&ABDULAZIZ&& , ذكر. مشرف سابق على الملتقى الرياضي. من اليابان , مبتعث فى اليابان , تخصصى network engineering , بجامعة 東海大学
東海大学

network engineering

ذكر
東京, 大阪

اليابان

Oct 2006
المزيدl
March 28th, 2007, 03:19 PM
March 28th, 2007, 03:19 PM

يا لعنبو زقارتن تجيك بصيف ....راعيها هادي ومودزدن لهبــــها
ولياجاك المعسل على الكيف ....وابو هنود واقف يظبط فحمها

هذي بيتين خربوطيه ....لاضافة نكهه حميميه .... للموضوع اللي يحبونه الشله السربوتيه

اعزائي المبتعثين والمبتعثات

موضوعنا اليوم عن الافه المسماه بــ(الدخان ) او (الشيشه) ......مالهما وما عليهما ؟؟!!!!

قال الله تعالى ( ولا تلقوا بانفسكم الى التهلكه))

طبعا كلنا مر علينا رجال يدخن او مرأه تدخن او على قولتهم ((يتتن)) وانا منهم والعياذ بالله

ولا اخفيكم سرا اني ودي <<اني ودي اجل !..ايه كمل كمل الله يستر عليك ويخليك لاميمتك

اني ابي اتركه ...طبعا الحمد لله تركنا المعسل وهذي خطوه جيده وصعبه ايضا ...ولا يقدرها الا ربعي المدخنين امثالي

اييييييييييييييييييييييييه<<<تنهيده بعنف

أنا قدر الله علي ودخنت .....وليتني ما دخنت

المهم قصة بدايتي مع هذه الافه الملعونه المسماه بالدخان ...

وقبل لابدى ابيك تطفي النور وتبتسم وتكون مسرور ...والحياه دور (دنيا وآخره)

الوكاد مرتن من المراتيت ....وانا ماشي مع السرابيت ....سالم وبخيت
هم ناس كفو ورجال طيبين بس مشكلتهم يدخنون ...

مرره كنا جالسين ببيت واحد من الجماعه ....هو ما يدخن ولا انا .....المهم كانت ايام اول ثانوي
ننتظر مدرس يجينا كل يوم على الساعه 8بالليل كذا وبعده واحد وبعده واحد ...الين 11بالليل <<<دوافير

مدرسين تقويه عشان ناخذ نسبه ونرفع راس اهلنا فينا ^_^

جينا جلسنا وانا كان ضايقن صدري ....منفوخن بطني مدري وش ماكل ....الوكاد متضايق

قال لي واحد من الربع وش فيك ...ماهي عادتك ..من عرفتك وانت بس تضحك وتسولف ولا تسكت ...

قلت له : والله مادري وش فيني ؟؟!!!!

قال : شكلك تحب يا ولد ....اللي ماخذ عقلك يتهنابه

قلت : اي والله احــــــــــــب

قال : منهي مقرودة الحظ ...قصدي سعيدة الحظ

قلت : الرياضيات ..والكيمياء والفيزياء

قال : هذا حب مصاريه <<مدرسين يعني

قلت : لا والله لا احب ولا هم يحزنون ....بس متضايق شوي

قال : ماعاش من يضايقك يا بعدي

قلت : تسلم ...لا لا ماهو واحدن منكم ...لو انه منكم انام بمردامه هنا <<<قوي

قال : تبي تروق وتعدل هالدمجه

قلت : اي والله

قال : امش معاي

قلت : على وين يا مسهل ...الحين التونسي يجيك <<مدرس الرياضيات ومن قرادتنا تونسي

قال : انا اتصل عليه وأأجل الحصه ...بس انت تروق اهم شي

قلت : عشت يابو من طيب اصلك
عاد اليوم من جد ماني رايق له ...مادري اترجم كلامه والا احاول افهم رياضيات والا وش اسوي !!

قال : يلله بس

مشــــــــينا ولا عادت من مشيه

اخذني لمقهى ليلي
قصدي مقهى معسل وحركتات ...تشم ريحة المعسل قبل المقهى بكيلو

قال : الحين تروق <<<مسوي يفزعلي هو ووجهه

دخلنا ونادى ابو هنود
ثلاثه معسل
وابريق شاي ثقيل واسود ...اسود من وجهك <<<ثقيل يعني مع ام كلثوم يا سلاااام ...جو

اخذتلي سحبه ...سحبتين ...وهاتك يا كحه ومعاطس <<معاطس ؟؟؟؟

الوكاد اخذناها عاده
كل خميس بالمقهى .....صار جزء لا يتجزأ من حياتنا المهنيه

انا عاد قلت طيب ممكن انا انخرم لي على راس كذا بس يكون الوقت مو مناسب والاش
يمكن اشتهيها الفجر !!<<<عادي راعي كيف باي وقت ماهي مشكله عنده

قالو : بسلامة الدخان
خذلك باكيت وريح راسك ....قلت طيب فيه بطعم المعسل
قالوا : لا لا

قلت : طيب ممكن الدخان يكشفوني اهلي ^_^ اصلا هم كل خميس يشمونها معاي وانا اتعذر بكم ^_^
اقول لهم اروح مع الشباب واشوف مباريات والا ش

المهم انا طعتهم بعد برهه من الزمن <<<برهه عنده ماهي قليله ^_^

صرت ادخن مالبورو ابيض <<حق خوال
ما يقعد معاي الباكيت يوم واحد ...زقاره بظهر زقاره

~~~~~~~~~~~~~~~~~~~~~~~~~~~~~~~~~~

دارت الايام وانا على هالمنوال ....حسيت بنفسي تغيرت ...وجهي صار اسود شوي مع اني ابيض ^_^
براطمي (شفايفي لغير الناطقين بالاوردو) صار كحليات

قلت يا ولد خلني اتركه مالي به مصلحه ....حتى صرت اتعب بسرعه ووزني زاد وصرت اخفف روحات للرجال مع الرجال ...صارت جلساتي شبابيه بس عشان اخذ راحتي
كلللللللللللـــــــه من الدخان

قبل العب كوره ساعه ساعتين عادي الحين نص ساعه واتهلس <<<اتهلس مثلا يقول لك شايب متهلس يعني قمة التعب

قلت ابي اتركه مابها مجال

يمكن ارجع مثل اول

للعلم تركته صعبه جدا جدا ....دايم اللي يقول لك تقدر تتركه وبسهوله هذا كذاب ولا جربه ولا شي بس يخرط من عنده

لان النيكوتين اذا صار بالدم ما تقدر تبعده الا اذا خففت منه شوي شوي حتى يروح تأثيره
مثل مدمنين المخدرات بالمصحات العلاجيه .......

المهم
انا مره من المرات تركته كذا .....فجأه ....بدون سابق انذار

صارت نفسي بخشمي ....الاخلاق تجاريه زففت ...ولا قدرت اتحمل حياتي .....طبعا مالي الا اني ارجعله ....

رجعت له ...

لان الطريقه السليمه لتركه ((للي بيتركونه مثلي ان شاء الله )) انك اول شي اذا كنت تعسل بالاسبوع مره <<<خفيف يعتبر
خلها بالاسبوعين مره
بعدين بالشهر ....بالثلاث شهور ....شوي شوي تحس انك تركته ((( ولا عااد تحس برغبه فيه)))
لان اللي يتركه غصبن عنه او بسرعه وفجأه بيشتاق له وبيرجع العن من اول ....

انا طبقت هالطريقه وتركت المعسل الحمد لله ....

بعد 6شهور كذا .......

جينا للدخان .....

طبعا اللي يصحى الصبح اول شي يدوره الزقاره
ما يقول فوتت صلاة الفجر باصليها
ما يقول اذكار والا شي

لا

زقاره ...زقاره ....يدورها لو ايييش ماكان .... تعال شفنا برمضان
قسم بالله المدرسه بالغصب كنا نروح ....

~~~~~~~~~~

مرتن من المراريت صحيت الصبح .....الباكيت فاضي ...البقاله القريبه مسكره ...مافيه سياره <<<ترو عادي عندنا تسوق بدون رخصه ...حافظين اماكن نقط التفتيش كلها اربعه او خمسه
انا ما معاي رخصه

المهم ما لقيت سياره مداومين الناس وانا كنت ببداية العطله الصيفيه مو فيه ناس ما جت الاجازه حقتهم الى الان
مالكم بالطويله

وش اسوي ....

اقرب مكان القى فيه دخان سوبر ماركت تمشي على رجليك 45دقيقه او ساعه

طبعا مشيت
بهالحر والمغثه ...وصلت وشريت ورجعت ^_^

يعني وش اقول لكم معاناااه

بس لو انها صلاة جماعه والمسجد بعيد ما رحنا مثل هالمشوار
الله يعين ويهدي ان شاء الله

~~~~~~~~~~~~~~~~~~~~~~~~~~~~~~~

عاد اقول لكم الدخان تركته صعبه بس ماهي مستحيله
ومن مصلحتك ...وانا بعد ^_^

طيب الطريقه اللي اتبعتها كيف ؟؟

انا اقول لكم

اول شي غيرت النوع من مالبورو ابيض ( نيكوتين 0،6) (قطران 0،5) الى دافي دوف (نيكوتين 0،1)ا(قطران 0،1)
اخف وارحم من الاول

مشيت حالي بالغصب عليه ....لين تعودت ...وحبيته من اول نظره :104: ...
اخذت وقت يعني مو لعبه ...شهور ...الحين صرت متعود على هالنوع

عاد جا رمضان
اييييييييييييييييييييييه ي رمضان

الناس تفطر وانت بس تبي تخل بسرعه عشان تلحق حبيبتك اللي مشتاق لها من 16ساعه ما شفتها
((الزقاره))

طبعا تجي والا الريحه تهفهف منك وبيدرون اهلك لان بعد الفطور تلاقيهم مجتمعين كلهم اكيد ....على طاش وسمبوسه <<<سعوديين !!

تجلس تفغش معاهم <<<تفغش يعني تاكل بعنف

من هالسمبوسه لانك ماكلت زين بالفطور طبعا وتضحك على ناصر وعبدالله وبعدهم يجيك هزار (طاعون يشق بطنك) و(يامال الضارب) وانت هاتك يا ضحك ....

ومن تخلص الناس تروح للمسجد وانت ورى البيت تشب الزقاره وتسمع على جيرانكم

ايييييييه والله حاله

المهم نرجع لموضوعنا

تكون انت تشرب دافي دوف لانه اخف شي <<<يسوي دعايه ^_^
عاد كل فتره تخفف شوي

يعني بدال باكيت باليوم يصير 15زقاره
للعلم الباكيت 20زقاره ...للي ماعندهم ثقافه تدخينيه

أنا الحمد لله وصلت مرحله متقدمه

يعني تركت المعسل
ووصلت لمرحلة 10زقاير باليوم

^
^
صفقوله

وان شاء الله بتنتهي هالازمه على خير ....يعني سنه بالكثير <<<ماهو بمستعجل ابد

~~~~~~~~~~~~~~~~~~~~~~~

والدخان بعدين ما يجي من وراه الا غضب الام
عاد الام ما تحب ولدها يدخن

ٍٍٍ ٍ ٍ ٍ ========ٍ ٍ ٍ ٍ
نكته خارجيه

عجوز راحت تخطب لودها
قالو لها يدخن هو؟
قالت لا والله بس اذا صار سكران

ٍ ٍ ٍ ٍ ٍ ٍ ======ٍ ٍ ٍٍ ٍ ٍ

عاد مثل ما قلنا الام تغضب على ولدها اذا كان يدخن
عاد مافيه احد يخش الجنه
لو كانت اعماله وحسناته كبر هالارض كلها
بس امه غاضبه عليه

عاد اذا ماتحب تتركه بكيفك
هذا انا سويت اللي علي
ونصحتك يا اخي الكريم

وانت بكبفك

بعدين لحظه بقول لك شي اذا ماكان ببالك

ترى كل ما زدت تعلق بالدخان
تزيد نسبة النيكوتين بجسمك وتكون متشبع منه
عاد تبي اللي تأثيره اقوى
ومالك الا الحشيش والمخدرات _الله يبعدنا عنها _

بعدين يطلعون عليك نكت
بدال ما يقولون فيه محشش يقولون مره فلان سوا كذا وكذا ^_^

~~~~~~~~~~~~~~~~~~~~~~~~~~~~~~

وهذي نصيحه مني لكم من واحد يدخن وبيتركه ان شاء الله

واسمحولي المره هذي ماكان فيها طابع كوميدي

لكن كل شي وله وقته
وانا معطي الضحك 90%

خلونا نحلل هال10% ^_^

والسلاااام ارررررررررررهب ختام

جميع الحقوق محفوظه mbt3th ......
يبيلك قعدة انت ..
انا قريت الموضوع .. وبرجع
واعلمك سالفتي مع الدخان وكيف تركته ..
انتظرني ماني مطول ..
salih_inter
March 28th, 2007, 07:44 PM
7 "
تسلم يا عزوز................

مع ان موضوعك بااااااااااااااااااااااااااااااااااااااااااااااااا اااااااااااااااااااااايخ جدا على المدخنين....................
الكاسر
March 28th, 2007, 09:27 PM
7 "
صالح / تبي ترجع يعني ؟
ايه هين ...
اقص يدي ....

الكاسر / وش هالتحطييييييييييييييييييييييييييم
والله تعبت على الموضوع
كتبته اول شي بورقه وقلم
بعدين كتبته بالمنتدى

يعني من باب النصيحه
والا لو انه خرااط فاضي
تلقى الردود 4صفحات
&&ABDULAZIZ&&
March 29th, 2007, 10:18 AM
7 "
عزوز موضوعك يتناول مأسات الكثير من شبابنا
ويبغالوا تركيز عشان كده خلني اولع زقاره لووول

ربنا يهون عليك ويساعدك انك تترك هالتتن
لأن بكرة لمن تتزوج ان شاء الله راح تعرف المعاناة الحقيقية من ورا هالتتن
انا متأكد انه ما في بنت في الدنيا تحب زوجها يكون مدخن ولو استمريت في التدخين ويوم انك تخلف اولاد اكيد حيصيروا مثلك لأنك قدوتهم
و و و و و . . . . . .
معاك ولاعة خليني اولع هالزقارة لوول
جنرال المحبة
March 29th, 2007, 10:45 AM
7 "
اصلا ابوي يدخن ......
وكل الشعب الكريم ...

يعني من يوم انيي صغير كنت اشم ريحة الدخان افرح ..مادري ليش

لأن بكرة لمن تتزوج ان شاء الله راح تعرف المعاناة الحقيقية من ورا هالتتن

انا مو عشان الزواج وما الزواج
المرأه توطى على خشمها ما عليك منها

انا قصدي الصحه والحاجات هذي
واللي تبيني كذا حياها .....
واللي ما تبي الباب الله لا يهينها
انا متأكد انه ما في بنت في الدنيا تحب زوجها يكون مدخن ولو استمريت في التدخين ويوم انك تخلف اولاد اكيد حيصيروا مثلك لأنك قدوتهم

وانا اصلا كذا

معاك ولاعة خليني اولع هالزقارة

اثرك تتن <<<<اول جمله اسمعها من شخص اول مره يعرف اني ادخن
&&ABDULAZIZ&&
March 29th, 2007, 12:48 PM
7 "
دخان

اموت وأعرف الناس ليه تدخن؟؟

انا اذا أحد دخن في البيت اللي بجمبنا اموت من الصداع

سؤال لكل مدخن ,, ليه تدخن ليييه لييييييييييييييييييييييييه

بصراحة ماأدري طعم الدخان حلو ولا مالح ,, لكن والله مامنه الا القرف

على كل حال ترى انا عندي هواية أكسر الزقاير
UNKNOWN
March 29th, 2007, 02:36 PM
7 "
لا هنت يا عزوز انا امزح معك وفعلا والله المنتدى هذا ما عليهم من الموضوع يطالعون في الكاتب.........................
الكاسر
March 29th, 2007, 06:03 PM
7 "
دخان

اموت وأعرف الناس ليه تدخن؟؟
بلوى بلوى
الله لا يبلا الجميع

انا اذا أحد دخن في البيت اللي بجمبنا اموت من الصداع
افاااا
يعني بالملتقى صدعت مني ؟

سؤال لكل مدخن ,, ليه تدخن ليييه لييييييييييييييييييييييييه
والله شوف
انا بتكلم عن نفسي
من يوم اني صغير واهلي يدخنون ...ابوي وخالي وخالي
يعني
عاد صرت احب ريحته
وطحنا به

بصراحة ماأدري طعم الدخان حلو ولا مالح ,, لكن والله مامنه الا القرف
والله بالنسبه لنا
انه يرووووقك

على كل حال ترى انا عندي هواية أكسر الزقاير

هع
تكسير زقاير اجل
وانا عندي هوايه تكسير الكراعين

لا هنت يا عزوز انا امزح معك وفعلا والله المنتدى هذا ما عليهم من الموضوع يطالعون في الكاتب.........................

عارف انك تمزح ترى
وانا امزح بعد

وكلها مزووح تجي وتروح ولا تخلي بالقلب جروح
&&ABDULAZIZ&&
March 30th, 2007, 04:56 PM
7 "
نصيحه حلوة للمدخنين .. تسلم ياعزوز والله ..

~~~~~~~~~~~~~~~~~~~~~~~~~~~~~~~~~~~

اييييييييييييييييييييييه ي رمضان

الناس تفطر وانت بس تبي تخل بسرعه عشان تلحق حبيبتك اللي مشتاق لها من 16ساعه ما شفتها
((الزقاره))

ياخي في مثل هالمواقف .. انا صراحة مادري .. هو المدخن يبي يضحك علينا ولا يضحك على نفسه .. يعني بالله عليك ..

قدر يترك الدخان 12ساعة كاملة مكملة إن مازادت .. ويجيك يقولك أنا ما اقدر اصبر على الدخان !! ..

وشلون ماتقدر تصبر عليه وإنت تاركه اللحين لك 12ساعة ؟!! .. صراحة أعتقد إنه يضحك على نفسه ..

واللي يقولك الدخان يروق ومادري كيف .. هذا شخص اقل مايمكن وصفه به إنه شخص ~ شخص موهوم ~ ..

~~~~~~~~~~~~~~~~~~~~~~~~~~~~~~~~~~~

يلله .. إن شاء يجي يوم وتقولنا إنك كرهت الدخان ^_^ ..
Ghost Rider
March 30th, 2007, 07:39 PM
7 "