حسبنا الله ونعم الوكيل وان لله وانا اليه لراجعون
وقسم بالله قهر ان هالحقير وامثاله يسرحون ويمرحون ويتلاعبون
بمشاعر البنات بدون حسيب ولا رقيب وبصراحة انا اضم صوتي
لصوت اخوي malaysian guy وان صاحب الموضوع
اذا كان من جد متاثر من اللي يسويه هالحقير فلازم يبلغ
الهيئة وهي ان شاء الله راح تاخذ بحق هالبنات منه الا اذا خشت
فيه الواسطة ومنعت حد الله
والله ياناس الموضوع ذا صار شي ماينسكت عليه هالذياب المسعورة
ملوا مجتمعنا والمصيبة من الجنسين لدرجة اني متاكد ان اغلبنا
يعرف انسان من هالعينة لا والادهى والامر انه حتى اللواط والسحاق بدى
ينتشر بين طلاب المدارس وبدى يشكل ظاهرة وحنا الى الحين
دافنين روسنا في الارض زي النعام ومانبغى نشوف اللي قاعد
يصير بين شبابنا وبناتنا واللي يحاول يناقش هالمواضيع على المستوى
العام والشعبي يتهمونه بتجاوز الخطوط الحمراء وانه يبغى
يشيع الفتنة ويتقول على مجتمعنا شي مو موجود فيه .
اجي الحين لاسباب انتشار هالضاهرة وهي
قلة التوعية ونقص التربية
وانتشار الفضائيات وبلاويها وقبل كل شي واهم شي التهاون في هالامور
من الجهات المسؤولة وكثرة الواسطات والشفاعات اللي عطلت شرع
ربنا وعطت بعض الناس حصانة من القانون والوقوع
تحت طائلة العقوبة .
والله هالشي اللي صاير ماراح يوقفه الا الضرب بيد من حديد وتشديد القوانين على
هالكـــلاب المسعورة والتشهير بهم في الجرايد ووسائل الاعلام
عشان يكونون عبرة لمن يعتبر خصوصا اننا مجتمع يخاف من الفضيحة
والعار .
ياسارا والله ما عاد به صغير والتوعية والتثقيف صار ينقال على التلفزيون علني
انا متوقعه لاخلفت وليدي ماراح يكمل 5 سنين الا وهو اللي بيثقفني
للاسف هذا اللي صاير الحين حتى طلاب الصفوف الاولية بالابتدائي
صار عندهم خبرة في هالامور وصاروا عارفين البير وغطاها .
الله يستر على على بناتنا وشبابنا ويبعدهم عن الفتن والوقوع في الحرام
وينتقم من كل ذيب بشري يستغل سذاجة الاخرين ويلعب بمشاعرهم
عشان يوصل لاغراضه الدنيئة ويدمر حياتهم
قولوا امين 
. 
زورو April 30th, 2007, 08:56 PM
LinkBack URL
About LinkBacks
April 30th, 2007, 05:00 PM
ما ادري من وين ابد أ في هذا الموضوع الي ضيق صدري من جد
هذي سالفه وقعت لي شخصيا اليوم في العمل
ذهبت لاحد الاقسام عشان اخلص بعض المعاملات وحصلت احد الزملاء من زمان ماشفته
وانا اذكره شاب راعي بنات زي مايقولون وراعي غزل وكل يوم في سوق يرقم بنات
المهم انا سألته قلت له انت الى هالحين على خبري اسواق ودوران
قال ايييييييه ولا عندي طاري لين ماتزوج
قلت الظاهر منتب عاقل لين تطيح في يد هيئه او واحد من اهل هالبنات الي تلاحقهم
ويكفرون فيك كفررررر وتعرف ان الله حق
قال ايه طيب خلهم يطقوني وانا اوريهم !!!
كل البنات الي اكلمهم لازم يرسلون لي صورهم سواء صورة الوجه او الجسم مع الوجه عريان
قلت له وشلون ؟ معقوله البنت ترضى بهالشي بسهوله ؟؟
ماتفكر ان صورتها تنتشر بين الناس وتوصل اهلها ويذبحونها ؟؟!!!
قعد يغني اغنية محمد عبده :
وهـــــــــــــــــــــــم كل المواااااااااااااااااعيد وهم
باسم الحب ،،،،، باسم الشوق ،،،، والصور عندي تزيييييييييد
ياحبيبي انا اعيشهم جو ماقد سمعوا فيه بحياتهم
شفت هالافلام والمسلاسلات الغراميه الي يشوفونها بالتلفزيون
انا اخليهم يعيشونها على ارض الواقع لين البنت تصير خاتم باصبعي وذيك الوقت اطلب منها الي تبي
وكله باسم الحب ياقلبي وغرضي شريف ترى لاتفكر تفكير ثاني !!!!!!
تصدق : اني الحين متعرف على وحده صغيره وعيشتها جوووو لين حبتني
وناصب عليها اني بتزوجها بس بشرط انها ترسل لي صورها
والبنت مسكينه اول مره في حياتها تكلم واحد
ومالها شهر مطلعه جوال كاميرا
البنت صارت ترسل له صورة وجهها بالبدايه عشان يشوفها الشوفه الشرعيه !!!
بعدين اصر انها ترسل صور من جسمها مع الوجه وهي عريانه لانه ويزعمه يقول لها
انتي زوجتي واذا ماشفت جسمك الحين بشوف جسمك بعدين بعد الزواج ان شالله !!!
وكل هذا ليش عشان يتزوجها لانه معيشها باحلام ووهم الزواج !!!!
جواله كله رسايل وسائط منها كله صور لها ولجسمها مع الوجه
والي يرفع الضغط ان ابو الشباب يرسل صورها لاخوياه على جوالاتهم وسائط عشان يعلمهم انه محد قده !!
وجواله من يد واحد ليد الثاني يتفرجون على هالمسكينه وهي مسكينه عايشه في احلام وامل انها بيتزوجها
كل زملائه بالقسم حفظوا وجهها وشافوا كل صورها والمسكينه مادرت عن شي
وهو يقولها أي صوره ترسلينها انا امسحها علطوووول ، انا اخاف عليك ياحبيبتي اكثر من نفسي !!!
والي يرفع الضغط بعد انها يكلم وحده ثانيه تحبه وتموت فيه وكان يقول لها لازم ترسلين لي صور لوجهك ولجسمك والا ترى ابسحب عليك والبنت خايفه مررره ورافضه انها ترسل له
عاد ابو الشباب راح ارسل صورة هالبنت الجديده وهي متعريه لخويته القديمه ويقول لها اني تعرفت على وحده جديده وابتزوجها لانها ارسلت لي صور لجسمها كامل مو مثلك ماشفت منك شي
عشان يقهرها ويخليها تندم وترسل صور لها ولجسمها عشان مايطير من يدها
وتبدا المنافسه الشريه بينهم من يسبق الثاني ويتزوجه
مسكينه هالبنت ،
بعد ماخلصت من ارسال جميع صور جسمها لحبيبها وزوجها مستقبلا
ارسلت له رساله تخلي الواحد يبكي من القهرررر
محتوى الرساله :
فلان حبيبي امي جت من السفر جيب امك اليوم وتعالوا اخطبوني
وهو يوريني الرساله ويضحك
قسم بالله اني قريت الرساله انه ضاق صدري مرررره
قلت له ياخي انت ماتخاف الله تنصب على هالمسكينه بالزواج
البنت صحيح انها اخطات وكلمة واحد وهي سمحت انها يصير لها زي كذا بس مهما كان مايجوز الغش
يعني لو اخطأ هذا الشخص وراح كلم وحده ويمكن حصل بينهم فحش برضاها يمكن يكون ذنبه اهون من انه يخدعها ويعيشها باحلام ووعد وزواج وبيت واولاد وحياة رومنسيه
خطا صغير ولا خطأ كبير
مثال بسيط في فرق بين شخص يشرب خمر ويسرق ويزني ويسوي عدة بلاوي وشخص اخر يشرب خمر بس
حرام الي قاعد يصير من البنات
صحيح ان الخطأ يقع على البنات والاولاد مع بعض لكن حنا في مجتمع مايرحم واللوم دائما على البنت لان الولد لو اخطأ مثل هالاخطاء الناس تنسى وزي مايقولوا بالمثل الشعبي الرجال يشيل عيبه ،،،
لكن البنت مسكينه اذا اخطأ جابت العار والفضيحه للعايله كلها وهذي عاده المجتمع بأكمله
اتمنى من الجميع نقل هالرساله سواء بنات او اولاد لانه لو مثلا بنت نقلت هالقصه عند خوياتها في مدرسه او كليه او عزيمه وممكن في وحده ناويه تسوي مثل هالبنت وترسل صور لحبيبها يمكن توقف وتعرف ان اكثر الشباب نصابين مايفكرون بالزواج هدفهم بس اشباع رغباتهم ونزواتهم فقط لاغير
والله يستر علينا وعليكم وجميع المسلمين
:gr_883:
منقووووووووول
هذا الموضوع للعضو a7ebha_7eel جزاه الله خير