الأعضاء الإشتراك و التسجيل

الملتقيات
ADs

الفرق بين الرجل والمرأه بعد الرجوع من العزيمة

الفرق بين الرجل والمرأه بعد الرجوع من العزيمة


NOTICE

تنبيه: هذا الموضوع قديم. تم طرحه قبل 5038 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ابو محمد الشمري
    ابو محمد الشمري

    مبتعث مستجد Freshman Member

    ابو محمد الشمري ماليزيا

    ابو محمد الشمري , ذكر. مبتعث مستجد Freshman Member. من السعودية , مبتعث فى ماليزيا , تخصصى LAW , بجامعة IIUM
    • IIUM
    • LAW
    • ذكر
    • KL, kuala lumpur
    • السعودية
    • Oct 2008
    المزيدl

    June 14th, 2010, 12:24 PM

    الفرق بين الرجل والمرأه بعد الرجوع من العزيمة






    أولاً : المرأه تتحدث مع أختها


    المرأه: يوووه فاتك نص عمرك.. توني جايه من العزيمة

    أختها: وش حطوا؟

    المرأه: يو يو يو ، حطهم يجنن، ما فيه شي ماحطوه ، أول شي الشاهي، فناجيلهم تجنن مزخرفه ومسكاتها ذهبيه ، بعدين القاتوه مدري من فين جايبينها طعمها يجنن وحاطينها في صواني خربزيه وفيها نقط صغيييره لونها أخضر ،والمكسرات تموووووت ، حاطين كل كسرة في كيس! والا العشاءياربيييييه يهبببببل
    (ويستمر وصف الاكل ساعة ونصف)

    أختها: جت نوف؟

    المرأه: ايوه جت، يالله لبسها يجنن، لابسه فستان وردي مطرز بكرستال بني ، لبسها من جد ياخذ العقل

    أختها: لايكون نفس اللي لبسته قبل 5 سنوات؟

    المرأه : لا لا هذيك المره لابسه فستان أحمر مو وردي ولا كان فيه كرستالات


    اختها: أجل شكلها لابسه فستان بنت عمها أريج لاني شايفه اللبس هذاعليها في عرس بنت خالتي
    .
    المرأه: ايو والله، يووووه يخزياه، والله انه ماتستحي ؟ لا وأريج تدرين ايش لابسه ؟ اليوم لابسه لبس يقررررف

    شكلها اشترته من محل أبو ريالين

    أختها: وجزمتها؟

    المرأه:ما أدري ماشفتها، تصدقين طول العزيمه وانا احاولاشوف جزمتها لكن ماقدرت، حتى اني يوم طفشت في الاخير رميت شنطتي تحت الكرسي حقها على بالي ما ادري ونزلت راسي اخذ الشنطة عشان اقدر اشوف الجزمة بس ماقدرت،الكلبة لبسها كان طويل مرة ومغطي رجولها
    اختها: اكيد جزمتها زي لبسها معفن .. هي دايم كذا ذوقها خايس ...طيب ومكياجها كيف كان؟
    المرأه: وععععع ، مكياجها مخليها اكبر من امها، تخيلي حاطة روج بني، شكله كأنه ديرما مو روج، والله المسكرة بعد يووووووووه مالها داعي، ما ادري مين النذلة اللي حاطه لها المكياج ، شكلها زوجة ابوها

    اختها: طيب وتسريحة الشعر

    المرأه:حقت مين؟ نوف والا اريج؟

    اختها: كلهم
    .
    المرأه: تسريحة نوف حلوة، حاطة شباصة فضية وبكلة وردية، ومشابك برونزية والشعر صابغته بلون كحكحي لكنه يهببببل،

    اختها: كحكحي؟ يعني ايش؟

    اختها:ماتعرفين الكحكحي يالمتخلفة ؟ هذا لون جديد للصبغات ، اذا شفتيه تجيك الكحه من زينه حتى سألتها وين مصلحه شعرها فيه ورفضت تعلمني النجسة، اما اريج تسريحة شعرها باييييخة، شفتي تسريحة خدامتنا جيناتا وهي تغسل المواعين؟ نفسها بالضبط
    اختها: على طاري الخدامة؟ خدامة اريج وش لابسه
    ..
    المرأه: الخدامة لبسها عادي، لكن جزمتها خقااااااااااااق ، تهبل ماكأنها جزمة خدامة، لونها اسود وعليها خيوط فسفورية

    اختها: صدق والله؟ هذي مو جزمة اريج؟

    المرأه: اي والله؟ وانا اقول وين شفت هذي الجزمة .. هذي جزمتها قبل عشرطعش سنة، اتذكرها شكلها عطتها الخدامة بدل ماتكبها في القمامة.


    ويستمر الحش إلى صلاة الفجر


    ----------------------------------------------------------------------------


    ثانياً: الرجل يتحدث مع أخيه

    الرجل: السلام عليكم، توني جاي من العزيمة وترا كلهم يسلمون عليك كثير السلام
    اخوه: الله يسلمك ويسلمهم

    انتهت المحادثة
  2. ههههههههههههههههههههههههههههههههههههههههه
    ليه ايش بنا يزينا القرقرة هههههههههههههههههههههه
    لا كمليها لو لقيت وحدة مضاربة معها كيف يوم يتقابلون عاد شوف الوصف اللي ما يخلص ..والنشبة لو تاني يوم جات الاخت التانية اللي ما سمعت السالفة عديها كمان مرة
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.