LinkBack URL
About LinkBacks
ااااااااااسلوب رااااااااااااااااااااااااائع
ممكن تكتب سلسله روايات
7 " ممكن تكتب سلسله روايات
الإشتراكيـة الأعـرابيـة القصه الي حصلت على مليون ريال <--- ترى مو اشاعه نوبل
الإشتراكيـة الأعـرابيـة القصه الي حصلت على مليون ريال <--- ترى مو اشاعه نوبل
July 4th, 2010, 10:46 AM
اخباركم
عساكم بخير
عاملين ايه
^^^
خلصنا انت وجهك وش عندك <--- سامج
المهم انا جالست ادور ادور ادور وين اكتب موضوعي هذا وين احطه
زين الحمد الله اني لقيت له مكااان <--- بشر امك
قلت دامه اول موضوع لازم تسوي اشاعه وحركات
هذا اول موضوع لي في منتدى مبتعث <---- بشر امك طيب
وارجو ان ينااال على اعجابكم والي مايعجبه يكتب لي ( م.س ) موضوع سامج
الموضوع :- فكاهي
العنوان :- الإشتراكيـة الأعـرابيـة
في مجلس عائلي تكلم أصغر اخواني ( 15 عام ) وقال سائلا : تدرون وش أبي ؟ فكان الظن أنه سيقول أريد السيارة الفلانية أو أريد طير ( صقر ) لأنه من المهتمين بتربية هالحيوان
ولكن كان الجواب : أبي لي غرفة لحالي محد يدخلها ولا أحد ياخذ أغراضي – كلمة حق والله يا هو مضطهد
# نظام إشتراكي #
ليس النظام الإشتراكي الشيوعي و إن كانت قريبا منه
تدعو هذه الدعوة الإشتراكية الأعرابية لأن لا يكون هناك ملكية خاصة بين أفراد الأسرة , وأن لا يملك كل فردا منها أغراض شخصية , فلإخوانه الأشقاء و أبناء العمومة الحق في إستخدام ممتلكاته الشخصية بدون سابق إنذار ولا إستأذان , مع بقاء الأولوية له فإن طالب و أصبح نذل و بخيل و رخمة كما يحلو للإشتراكين تصنيف ذلك الشخص فله الأحقية في إسترجاع حاجته تلك . وطبعا هذه العادة تبطل عندما يتزوج الشخص و يكون له بيت مستقل – هذا الشرط في الإشتراكية الحديثة أم الإشتراكية التقليدية فليس لك ملك خاص إلا زوجتك – , فلا نامت أعين العزاب
وتقوم الإشتراكية الأعرابية على قاعدة يقول أساسية وهي :
واخوي ياللي يوم الاخوان فلات **** من خلقته ماقال ذا لك وذا لي
# صـور إشتراكية #
خلوني من الفصحى شوي خلوني أفضفض
ما فيه شئ مستثنى , كم من مرة أدخل غرفتي والمشكلة أن الغرفة خاصة – نوعا ما – ما ينام فيها إلا أنا و مكتبتي و أغراضي الكثيرة فيها , ولكن يا كثر ما أدخل و ألقى واحد متمدد على فراشي , فأحاول أقومه بإلي هي به لكن لا حياة لمن تنادي , و بعض الأحيان يعصب علي ويهاوشني ويلقى له من يناصره , وش فيك أنت ما عندك إحساس أخوك راقد وتقومه من النوم رح أرقد في أي مكان
و كم من مرة احجر لي واحد و أفصخه ثوب النوم إلا بين بعض أخوان الواحد يحجر الثاني يفصخة الثوب العادي , كم مرة أحجر لي واحد و أخليه ينزل الغترة و الثاني أكفشه لابس الطاقية فأفصخهم الثنين , والله يا أخوان إني قبل حول يومين أو ثلاثة رجعت في وقت متاخر ونزلت شماغي وكان فيه طاقيتي و نمت , أنا قمت الصبح ما لقيتها إلى اليوم , يعني أبي أعرف انا نمت الساعة 12 و قمت الصبح وين راحت والله حست الدنيا ما لقيتها إلى اليوم
الجوال يا عالم تنام جمب راسك تقوم ما تلقاه لازم تدتدق عليه يالله تلقاه , مفتاح السيارة ليته المفتاح , سيارتك الخاصة تقوم تلقاها مهيب برا و تجلس تدق على واحد أو ثنين لين تكفش إلي ماخذ السيارة ثم يقولك وبكل برودة وجه أنا بعيد دبر نفسك ولا بأجيك عقب ساعة . هنا تضطر أنك تسرق سيارة واحد ثاني فتتشابك خيوط القضية أكثر و أكثر
و أكثر ما يقهرك هالعادة في الشتاء , يالله يا أنك تنغبن , يكسرك البرد و تدور بشتك ولا فروتك ولا جكيت , ولا تلقاه تجي بعد مدة تلقى أحد الحبابيب جاي من برا لابسه , يا مسلم ليش ماخذه ؟ والله معزوم و ودي أكشخ بشتك أكشخ ولا فروتك أكشخ , هذا غير أنك تجي تدور الدفاية تلقاها في المجلس ولا في الصالة الشباب يحمصون عليه خبز خخخخ
خلوا الملابس على جنب , أنا اطلع من الغرفة الكمبيوتر على الطاولة و أموري طيبة , أرجع الكمبيوتر أصبح في عداد المفقودين , يمين يسار تلقاه في يد واحدو إلي يقهرك تجي تلقى برامج مثبته و الله يستر لا يكون إيميلك مفتش .
خلوا الكمبيوتر و السيارة والجوال , يا ناس والله هذولا أخوان انثنين اعرفهم هالأثنين يقربون لي , أخوان يتشابهون , واحد منهم و هو الصغير يقوم ما يلقى بطاقته ( بطاقة الأحوال ) يدور يدور في الأخير يلقاها مع اخوه لأن بطاقة أخوه ضايعة بكل بساطة ولازم يطلع ببطاقة
و أخوه هذا عسكري و الصغير لا فإذا كان يبي يسافر ياخذ جواز أخوه و يطلع
يا عالم ما فيه شي سلم عندي إلا شيئن كتبي و عدة الصوتيات لانهم ما يحبون ذا الشغلات مع ان كتبي ما سلمت من ولد عمي الله يهديه , بالله اسمعوا طلب مني كتب وخذاها و قهرني وفقع قلبي لين رجعها , ويوم رجعها إلا رجع ثنين مدري ثلاثة والباقي ما رجعلها ولكنه رجع لي كتب ثانية مدري من وين جايبها قال خذ ذي , هذي الكتب إلي عنديو إلى يومكم كتبي مفقوده , يعني الفرنسيين غرقوا في المحيط في محييييط يا عالم لقوهم , كتب في غرفه ما لقيناها ؟ شي عجيب والله
يحدثني أحد الثقات عن والده يقول أن والده حفظه الله أيام شبابه كد و كرف لين شرى له سيارة , في يوم من الأيام جا يدور السيارة يمين يسار ما لقاها المهم اكتشف أن أبوه شغل السيارة و باعها في المعارض عشان يزوج أخوة
قال أيش قال و أخوي يوم الأخوان فلات من خلقته ما قال ذا لك وذا لي يا عمي طيررر بس
شوفوا صراحة يعني عشان الأمانة التدوينية صراحة أصبحت من أصحاب هذا الطبع , ولكن نسأل الله أن يتوب الله علينا بتزوجينا حتى نأمن على حاجتنا و نضطهد غيرنا <– أمحق توبة
وفي الحقيقة تحس بطعم الأخوة في مثل هذه المواقف و التلاحم , واشياء لا أستطيع شرحها , بس أنها رغم مرارتها إلا أنها حلوه لا تقولون كيف عشان ما تحرجوني
أعطونا ما عندك يا إشتراكيون