مبتعث جديد New Member
الولايات المتحدة الأمريكية
سي السيد , ذكر. مبتعث جديد New Member. من الولايات المتحدة الأمريكية
, مبتعث فى الولايات المتحدة الأمريكية
, تخصصى Biology
, بجامعة UCLA
- LA, CA
- الولايات المتحدة الأمريكية
- May 2010
المزيدl February 17th, 2011, 05:28 AM
February 17th, 2011, 05:28 AM
السلام عليكم
كيفكم اخواني الاعضاء .. ان شاءالله مبسوطين
شرايكم نغير جو المنتدى المعروف. ونسولف بمواضيع حلوه شوي
قبل كل شي حاب اعرفكم بنفسي
انا صالح, واحد من الشباب السعودي الطيبين. أدرس في آخر سنة في جامعة الملك سعود. وكالعادة مغرز بالدراسة لكن الفترة الاخيرة شغلت الدبـل ابي اخلص من الدراسة بأسرع وقت. مليت وابي اتوظف
ترتيبي بين اخواني الثاني واصغر من خمسة. عندي اختي سحر اكبر مني بثلاث سنين متزوجة وعندها بزرين ريمـا و زياد ياحبيلهم هم وبجاماتهم اذا تذكرتهم ودي آكلهم الله يحفظهم.
أصغر مني اخوي عبدالله في ثاني سنة بالجامعه والولد دافور بس مفهي
تجي بعده اختي نجود بأول سنة في الجامعه تدرس انجليزي وطايحه تستعرض علينا هاليومين مسويه انجليش ليدي ..
يجي بعدها اختي نوره هاديه وحبوبه تدرس بأول ثانوي ما نحس فيها تستحي بقوه من كل شي
يجي بعدها اختي لمياء بأول متوسط انواع اللعب ماكله حق نوره بكل شي ياحبيلها بس كريمه .. يجي عقبهم القعده حمودي بخامس ابتدائي اعتبره مثل ولدي دايم اصفقه بس احبه واشتريله كثير آيسكريم بس بعد ما يهمزني حياتي مثل حياة أي واحد بنفس عمري, اروح لربعي بالاستراحة كل ويكيند (سواليف بلوت طائرة سوني وفلت حجاج) وسط الاسبوع اطلع مع ربعي بالجامعه او ربع الاستراحه نتعشى او نتقهوى جميع,
كل يوم خميس فيه اجتماع اسبوعي في بيت خوالي يجون كل خوالي وخالاتي رجال وحريم وبزارين وعندنا اجتماع واحد بالشهر مع اعمامي طبعا العايله كلها تروح .. والحمد لله مبسوط اخر وناسه الله يديمها ولا يغيرها علينا من نعمه المهم قضينا المقدمه بقولكم سالفتي
بأحد الايام كان الاربعاء وكنت طالع لم ربعي بالاستراحه. شفت اخوي حمودي الله يصلحه يلعب بالحوش وطبعا يحتري يوم الخميس علشان يروح لخوالي. مثل العادة خليته يمسك حارس وانا اشوت عليه كم بلنتي وبعدها امشي.
طلعت ومشيت فكرت بيني وبين نفسي ورجعت للحوش وقلت لحموي ودك تجي معي للاستراحه .. تفاجئت انه على طول نط وقال "ايييييييييييييييييه ياحبيلك تكفى" والله لو فزت بلكزس جديد ما فرحت مثله قلت "طيب رح قل لأمي انك بتجي معي وتعال بسرعه".. المهم ثواني والولد راكب جنبي .. وانا بالطريق دقيت على اربعه من ربعي وقلت لهم يجيبون اخوانهم معهم واحد اعتذر لان اخوه طالع والباقين جابوا اخوانهم .. دخلت الاستراحه وجلست انا وربعي وطلع اخوي اخوانهم مع بعض وحنا مثل عادتنا ما تغير علينا شي جلسنا بالخيمه (سواليف وقهوه وشاهي وبلوت) , حمودي واللي معه جلسو مع بعض لعب كوره وطائرة ويروحون للبقاله وبالاخيـر اشترينا لهم معنا عشاء
لما رجعت للبيت اخوي بالطريق كان نصه نوم وما جاب خبري .. بعدها جلس اخوي يترجى فيني اسبوع يبغى يجي معي يوم الاربعاء للاستراحه , ولما وافقت لو تشوفون فرحته لو عطوني لكزس و وظيفه وعروسه معهم ما فرحت مثل فرحته
اكون صريح معكم فرحته اثرت فيني بقوه ولو اقولكم غيرت حياتي كلها . وما ابالغ اذا قلت لكم غيرت حياتي وحياة بيتنا بالكامل . ممكن ما تصدقون .. بالليله هذيك ما قدرت انام من التفكيـر
وتفكيري ما كان على حمودي بس, كان على باقي اخواني وخواتي جلست افكر بنفسي .كيف بحركه بسيطه ما كانت على بالي قدرت افرح اخوي . بديت افكر بباقي العايله تذكرت قبل شهرين وناسة اختي سحر لما كلمتها وقلتلها "ابتقهوى عندك بعد المغرب" ياناس اخبر كيف كانت مبسوطه اني جيت عندها مع اني اجيها مره بالشهر او الشهرين
بعد اليوم هذا قررت اني احاول اسوي شي بسيط بعايلتي اخليهم يفرحون مثل فرحة حمودي
والحمد لله قدرت فعلا اتغير ولو اقولكم ان الشي هذا سهل واسهل من شرب الماء. بس ما كنت افكر في اهلي قبل
سحر اختي : صرت ازورها بالاسبوع مره واجي ولازم معي حلاوتين لبصابيصها ريما وزياد ياحبيلهم كلهم يطيرون من الفرحه اذا زرتهم .
نجود ونوره ولمياء: صرت كل يوم أربعاء يخلص دوامي بدري في الجامعه .. اروح أمر خواتي من مدارسهم وبعدها نروح نتغدى في احد المطاعم المشهورعند بنات المدارس مثل ابل بيز وفرايديز وغيرها وبرضوا صرت يوم الاثنين اطلع معهم بعد العشاء نروح د.كيف نتقهوى وناخذلنا فرتين بالشوارع ونتعشى ونرجع ... هذي حركات بسيطه . اكتشفت منها ان خواتي محرومات وعلى نياتهن ومن جد ما شافوا دنيا,, ربي يحفظهم ,, وعلى فكره البنت لما تحصل عطف من داخل البيت ,, مستحيل تدور على العاطفه خارج البيت (ربي يحفظ بناتنا وبنات المسلمين) .. من جد تغيرت نفسيات خواتي صارو يفرحون اذا صار اليوم الاثنين او الاربعاء ,, وحنا بدكتور كيف اختي لمياء تقولي من الصبح وانا احتري بس يجي الليل علشان نطلع .. خواتي يسمعون زميلاتهم يتكلمون عن الاشياء الجديده وخواتي ما يدرون وش السالفه كله بسبب اني ناسيهم والحين صرت كل ما ارجع للبيت بالعصر اجيب معي كم حبة آيسكريم او شيبس او دونات او غيرها
عاد امي وابوي حقهم فوق راسي صرت احرص على جلسة القهوه معهم واشوف وش ناقصهم واسعى لخدمتهم ..
واخوي عبودي المفهي ما تغيرت معاه . لأني بالاساس اجلس معه واجد ياناس اكتشفت اني اناني قبل وما افكر الا في نفسي .. كم حركه بسيطه غيرت حياتي اخواني كلهم. مع ان الاشياء البسيطه هذي ما غيرت روتين حياتي .. جلستي عند ربعي ما تغيرت وطلعاتي ودخلاتني نفسها لكن حياة اهلي تغيرت بدل ما كان عندهم يوم واحد حلو بالاسبوع صار ثلاث ايام وانا معهم صرت افرح
والحين صارلي على هالحال سنة كامله والله من جد فرحانين صرت اجلس معهم اكثر ونسولف ونسوي مسابقات
اذا سافرت خواتي ينشبون في حلق اخوي يسوي فيهم مثلي. واخوي حمودي صار يجمتع مع اخوان ربعي كل يوم اربعاء. قلت الكئابة عن البيت صار البيت فيه حركه ووناسه
نهاية موضوعي
ياشباب احرصوا شوي على اهل بيتكم
اذا كان الشاب ممكن يغير بلد كامل فما بالكم بيت صغير اهله طيبين
ربي يحفظنا ويحفظكم
ياحليـــــــــــلك
اناقررت من ورا كلام اتغير على اخواني
لاني شوي عصبيه بس>> طيب قلبي
انشاء الله ابي ابدا من اليوم { تدري بكره احسن <<بدا التصريف
يالله يسمعونك الشباب يتغيروا شوي
حاسه بمعانة صديقاتي البنات اللي عندهم خوان اكبر منهم
الله يوفقك
abo0ora February 17th, 2011, 06:42 PM
7 " يعطيك العافية تتجربة مفيده ومشكور على المشاركة الله يخليكم لبعض موفق
عطرني بأنفاسك~| February 18th, 2011, 08:56 AM
7 " احيي فيك هذا العقل المنفتح
انا مثلك بس الفرق اني اصغر واحد في اخواني,, لكن خواتي الكبار قبل لايتزوجون كنت مااقول لهم لا
انا من طبعي ديموقراطي,, وماادخل باي شي يخص اخواني لاني اعتقد لكل شخص خصوصيته
الوالد و الوالده دائماً امزح معهم ومخصص وقت للجلوس معهم,,, ومن قوة المزح بعض الاحيان اذا قالوا نكته اقولهم بايخه ههههه
الحياه حلوه بس نفهمها
king the world1 February 18th, 2011, 03:01 PM
7 " لك احلى تحية ياشيخ ,,
ياريت كل الشباب زيك ,,
ساهــ.M.ـر الليــل February 19th, 2011, 04:33 PM
7 " الله يكملك بعقلك ويخليك لأهلك ويخلي أهلك وعزوتك لك
صحيح اصبحنا في زمان حتى الاهل غير مترابطيين
ولكن بيد كل شخص انه يعيش بترابط مع اعز الناس له اهله
احترامي وتقديري
ooola February 19th, 2011, 04:45 PM
7 " ماشاء الله ماشاء الله كفو وأنا أخوك الله يكثر من أمثالك تجربتك فعلاً درس وتجربة يجب أن تنشر ليستفاد منها وأنت بإذن الله لك الأجر .
فعلاً أغلب معاناة الأسر من الشباب الله يصلحهم فيه تباعد وحاجز بين الكثير من الشباب وأخواتهم وهذه مصيبة .
فلو كان الشاب قريب من أخواته وحدث لأحدهن مشكلة لاقدر الله فلن تتردد في البوح له .. والعكس خلاف ذلك .
شاعرمهاجر February 19th, 2011, 09:58 PM
7 "
February 17th, 2011, 05:28 AM