صينية بطاطس بالفرن (ايدام) بس غييييير

المهم يا ساده يا كرام

بما انه منعطف خطير طلب طبخه معينه

ودعوة للتواصل ومافيه طلعات وخرجات زي الايام العاديه

اعزم ربعك عندك واكسب فيهم اجر او ريح شريكتك هالليله

لذلك كلامي سوف يكون موجه لعزيزي ادم

عزيزي ادم

هاذي صينية بطاطس بس غير

ترا القربعه بعض المرات بالمطبخ تفيد

وترى معظم الشباب يطبخون طبخ خطير لكن الهواش دايم يكون من يغسل الادوات المستخدمه بالطبخ


الموهم نبدا بالمقادير

لحم مفروم
بصل مفروم
بقدونس مفروم
شرائح بطاطس
ثوم مفروم حسب الرغبة
بهارات


الصلصة

طماطم
ملح
قليل ماء
معجون طماطم






الطريقة

نضع اللحم المفروم مع البصل والبقدونس
والبهارات في زبدية كما في الصورة



اخي العزيز ادم لا تفلسف زي وتفرم البصل بالبشاره تراك بتبكي حاول استعارة ادوات حواء واذا مافيه عاد الله يعينك على البكاء



بعدين لاهنت غسل ايدينك جيدا واعجنهم مع بعض لين ما تصير كذا




والصينيه حتى لا تتعب وانت تغسل بعدين غلفها بقصدير كما هو موضح عزيزي ادم


الان سوي كور وحتى اسهلها لك بحجم كرات تنس الطاوله <<<<< متعوب على هالتشبيه اللي يسمعه يقول صيني فايز ببطولة العالم لتنس الطاوله

المهم انها كور صغيره ورصها في الصينيه كما هو موضح




عزيزي ادم هاذي الكور تسمى كفته في اللغه العربيه فانت تسمع بالكفته يعني ممكن بنفس الطريقه تحطها باصياخ وتشويها على الفحم


بعدين رص شرائح البطاطس بين الكور زي ماهو موضح



طبعا خلالها انت تكون مجهز الصلصه وترا ما يبي لها شغل قربع المقادير كلها مع بعض بقدر وخليها على النار لمدة ربع ساعه على بال ما تجهز الصينيه

لاسف ما صورت الصوص

الموهم انه بعد ما يجهز انثرها على الصينيه كما هو واضح



بعدين نقفل الصينيه بقصدير كما هو موضح



نخليها 45 دقيقه في الفرن على حرارة متوسطه حولي 200



بتكون كذا بعد 45 دقيقه



بعدين اذا تحب ممكن تخليها في الشوايه لمدة 10 دقايق على بال ما يجهز الرز الابيض اذا تحب معاها او خبز يكفي

قبل التقديم



وشكل التقديم



وبالعافيه يا صديقي


ولا يهون راس معسل بعدها



عزيزي ادم الذي لم يجرب المطبخ ولا الكشتات وطلعات البحر وبهذله العزوبيه فاريد ان اوضح لك انك ما عشت حياتك ابد وجربها وبتدعي لي
ولا تخاف من المطبخ بكره ام العيال تزعل عليك تروح وطي

ههههههههه

والطبق من الذ ما اكلت مع انه لك على الشكل ههههههه

نبي تقييم اذا الطبق اعجبك