ما عندي ميووووول نهااائيااا لاي تخصص ارجوا المساعدة

السلام عليكم ورحمة الله وبركاته

يا جماعة الخير مشكلتي كالتالي
تخرجت من الثانوية هذي السنة ونسبتي في التراكمي الثانوي 87
القدرات 70
التحصيلي 71
وانا اساسا قررت من اول ثانوي اني اشتغل يعني ما اكمل دراسة والسبب بكل صراحة كثييييير معااهم دكتوراه وعاطلين باطلين يعني ادرس واكرف واخرتها عاطل؟؟
والمشكلة الوالد الله يصلحه يقول لازم تكمل دراسة وحجز لي سفره خارج المملكة في بريطانيا معهد لغة لمدة سنه ويبغاني اكمل جامعه هناك والسفره باقي لها اسبوع وشوي
ويقول اذا دخلت الجامعه معاك بس يا هندسة يا طب ولا ارقد في البيت
وانا والله ماني بحق دراسة وخرابيط حدي اشتغل وبس مدري كيف توفقت في الثانوية اساسا
و المعهد اللي دخلته ياخذ حدود 80 الف ريال بالسنة يعني بالله مو حرام؟ ما عندي ميول ولا فكرت يوم اسافر برا وواضح اني ما اقدر اكمل بالمعهد يعني لو رسبت بالمعهد ورجعت البيت بعد سنة بكون عالة على اهلي غير ال 80 اللي راحت مع الهوا
طيب لو حصل وصار وربي وفقني ودخلت جامعه هناك او حتى كلية لاني لو ادخل جامعه واخذ سنة تحضيريه بجيب العيد
وش ادخل هندسه ولا طب؟؟؟ بتقول ايش ميولك ؟ اقولك ما عندي ميول مررررررره ميووولي صفر
بتقول انت فهيم ولا حفيظ؟ اقولك ايوه انا حفيظ بس برضوا مو عشان حفظي قوي اصير انط ع الطب هذي ارواح ناس
وااسف ع الاطالة واللي يقدر يساعد لا يبخل علينا