مذكــــــــــــــــــرات مغتربات

ودعت أهلي وبكيت بقوة ...أول مرة اشعر بهذا الشعور!! خصوصا لما ودعت أمي..قمت اصيح بحرارة لما حضنتني ...وزاد البكاء لما سمعتها تصيح..


اييييييييييييييه متى اخلص وارجع الديرة...زهقت مرة ....حنيني زايد والله..أبغى أشوف أهلي ..


لما كلمتها البارحة، سكت فترة طويلة ما ابغى صوتي يتغير..لان الغبنة"يعني الصيحة "في حلقي عالقة..ما ابغى ابكي..اضاهرت اني ما اسمع..قالت لي امي انتبهي لنفسش وراحت..

ياااااااااااااااه اماه لو تدري اني مشتاقه لش قد وشو.. ياليتش جنبي .الله يخليش ويحفظش،

كلمني بعدها اخويي..والله اكتب والدمعة في عيني ...اماه متى ارجع بس..


نعود من البداية..من بداية رحلتي ..
طلعت من البيت ورحنا المطار واني في السيارة دموعي على خدي والله كلما تذكرت امي و خواتي وزوجات اخوتي وأختي يوم قامت تصيح على حضن أمي..مشهد حزين جداً..الكل يبكي وكأني ميتة يودعوني..

وصلنا مطار الدمام ...وزنا العفش وكان العفش زايد 33 كيلو يعني ندفع 2500 ريال لان الكيلو الواحد ب90 ريال..

الله لطيف بعباده ..سبحانه..شفنا واحد من معارفنا يشتغل هناك هذا مشى لينا العفش دفعنا بس عن خمسة كيلو 300 ريال..-الحمدلله.-.

طبعا بعد ما بهدلونا وعفسنا الشنطات وطلعنا الأغراض لان في البداية ما رضوا الا لازم ندفع 2500 ريال فقمنا وشلنا من الشنطات بعض الاغراض ..المهم بعد ما شفنا الرجال اللي يشتغل قال انه يقدر يمشي لينا ودخلنا الاغراض مرة ثانية في الشنطات وعفستهم عفسة وبالغصب تقفلت الشنطة..واللي ما رضي يدخل في الشنطة صفرية صغيرة مع كلينكس....وطبعا اخوي اللي اكبر مني معاي فهو اللي حمل الصفرية وكان شكله مضحك والله ..يعني ما فيه الا هو في المطار عنده صفرية يتنقل بها من مكان لمكان..والله فشيلة!

بعدين رحنا علشان نركب الطائرة ...مشينا ..أخوي -المرافق- عطى الللي يشتغل على الكونتر جوازه وختمه..اني عطيته جوازي وقال لي وين التصريح؟!!!!!..قلت أي تصريح –طبعا أختكم أول مرة تسافر خارج المملكة يعني جوازي جديد خخخ-..وقف قلبي..قال وين ابوك؟!!

للعلم أنه ما بقى شي على وقت الرحلة الا ربع ساعة بالتمام والكمال

أصبت بخيبة أمل ..كان شكلي كذه **! زي اللي يطلعوا بأفلام الكرتون ..


نكمل في الحلقة القادمة..رجعنا البيت للتصريح لو طارت الطيارة لو ركبت الطيارة لو شنو؟!!
هذا ما سنعرفه في الحلقة القادمة

في الإنتظااار....

ليلى أعلم ويش صار

بصير ملقوفه خخخخخخ

اليوم طبخك حلو بس مافي ملح ولحم خشن شوي كل يوم نذوق طباخك خخخخخخخخخ سلمت يمناك

بسم الله الرحمن الرحيم
الله يعين على الغربة
المهم لا تفوتنا الحلقة الاخيرة
والقصة جميلة في تشويقها. الله يوفق الجميع .

في انتظار البقيه منششششش^^^^

يالله احنا نستناش

الله يعطيكم العافية أختي، عجبتني الطريقة البسيطة والمؤثرة لطرح الموضوع برغم إن البداية حزينة، لكن شكله الموضوع مشوق وفي أكشن.

وممكن تطلعوا على الموضوعين هذي فيها شرح وهي:

سلامٌ عليكم جميعاً ..

اشكركم لنبل حضوركم هنا..
ولك الشكر الجزيل اخي الكريم "شاكو ماكو" للروابط ..-الحمدلله كانت فترة بسيطة وعدت^^-..

أقول دانة..أعقلي لا أطلّع الفضايح ..

وفقكم الله جميعا..

مذكرات حلوه انك تكتبيها لكت انصحك انك تكثري التفاصيل والتعليق
كذا رح تخلينها مسلسل خليجي خخخخخخخخخخخخخخ
ربي يوفقك انا بالانتظار