الأعضاء الإشتراك و التسجيل

الملتقيات
ADs

أنا .. وجدتي .. والإبتعآث .. مقفله من كل جهه

أنا .. وجدتي .. والإبتعآث .. مقفله من كل جهه


NOTICE

تنبيه: هذا الموضوع قديم. تم طرحه قبل 5522 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية E's-soul
    E's-soul

    مبتعث مجتهد Senior Member

    E's-soul الولايات المتحدة الأمريكية

    E's-soul , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى Finance , بجامعة A University
    • A University
    • Finance
    • ذكر
    • Chicago, Illinois
    • السعودية
    • Jan 2008
    المزيدl

    February 15th, 2009, 10:01 AM

    السلام عليكم ورحمه الله

    وشلونكم كل أبوكم

    أنا بصراحه جايكم من أقصاي أمشي 5000

    أدور لي عندكم بعآرين غدت بالشعيب

    << لآيكثر

    أنا اليوم جاي أخذ رأيكم في موضوع شاغلني وشاغل بالي عيني عليك ياغالي
    ولا غير هواك يحلالي حبك غير لي أحوالي
    << كلمآتي ابد ماهيب كلمات أليسا

    الله يقدرني وأنزل الموضوع يارب

    أنا موضوعي مع جدتي

    هالأنسانه مقدر عليهآ
    أحن علي من أمي وأبوي
    من درت عن هالبعثه وهي تغيرت علي

    شوفو كيف صارت تصرفاتها معي

    طبعآ أول وحده أصبح عليها بالخير هي أصلا هي أول وحده تصحى
    أحس أحيانا انها تواصل

    أول تقابلني بكل ترحيب
    عآد بمآ أني آخر العنقود فلي معامله خاصه يعني وكذا

    تقول ياهلا بولدي ياهلا بالغالي يابعد أمي وأبوي
    أقول وهـ ياجدتي احرجتيني ولعنتي خيري

    الحين أقول صبآح الخير ياحلـوه
    تقول انقلع ورآك لامحطك بالعصا
    تسوي نفسهآ زعلآنه علي
    وماتبي تكلمنـي

    كنت بشكل شبه دائم أخذها العصريه هي وأمي وأمشيهم


    الحين لاقلت يالله مشينآ تقعد
    وآرجولي مافيني حيل أقوم
    جدتي بلا نصب توك قمتي تصلين مابتس خلآف

    تخيلو تحاربني بكل شي بكل شي تقدر عليه تبي تكرهني بالبعثه
    تبيني أجلس بي طريقه وانا والله ماأقوى زعلهآ ياحبني لهآ
    لا ومره
    دخلــت غرفتي مالقيت اللابتوب
    على طول عرفت انها ماخذته جدتي

    جيتها وقلت لها وشلون القمر اليوم ؟

    تقول الحمد لله زينه
    اقول جدتي تلفزيوني مدري وينه ( عاد هي تسميه تلفزيون ماهوب لابتوب )
    تقول وش يدريني انا

    شوفو لأأي درجه
    ماتبيني أروح

    الصراحه ماعانيت أقنع الا هي
    الوالده عندي إنسانه متعلمه ومثقفه رغم انها متحفظه لكن فتره العطاله اللى واجهتها كانت

    لصالحي يعني خلاص لين متى عآطل

    الوالد عندي هذا لحاله
    الناس يمين وهو ماسك الدايري الله يطول بعمره

    جيته آخر مره بالمزرعه قلت أبد يابوي أنتظر الفيزا وبسافر قريب
    بشتاق لك يابعد كل من لي
    يقول أيه خلآص يابوي رح شغل المكينه

    أخواني عاد حدث ولا حرج كلهم أكبر مني
    عاد شوفو نصايحهم
    وآحد يقول أي وربي رووح تكفى بقول لأخوياي ان أخوي بأمريكا

    قلت يعني ذا اللى همك انقلع بس

    جيت أخوي اللى أكبر مني على طول
    قلت خلآص بسافر ياقلبي بشتاق لك

    قال تمام بيع موترك وعطني الفلوس استثمرها لك
    قلت اقول الخلاء بس

    أكبر أخواني مثقف ومتعلم لأبعد حد
    يوم درا جا وألقى على محاضره حسيت أني في منتدى الاستفسارات

    كلهم شجعوني وساعدوني

    إلا جدتي عجزت عنهآ والله

    تروح تسأل الخدامه عني تقول هو تغدا هو تعشى هو طلع هو زعلان هو فرحآن
    ماخذها على خاطرها لاتجي وتسولف معي

    تشن على أعنف حرب نفسيه
    تبيني أترك البعثه بأي طريقه

    جيتها آخر مره
    طبعآ تركت الإستهبآل على جنب

    كلمتها بكل شي عن الدراسات العليا وكيف ان البعثه حلم يتمناه الكثير
    وكيف اني عانيت من فتره العطاله رغم اني دافور بالدراسه وجايبن معدل يقول أنا

    وأمريكا تعتبر من اجمل البلدان للدراسه << صدقوني قلت لها تعتبر

    لما غلقت كلامي طالعت فيها أبتسمت قلت بس الحين تقول الله يسهل لك

    طالعت فيني شوي

    قالت روح أحسن خلهم يذبحونك


    طبعآ نزلت موضوعي ذا بسمع آرائكم ووش بتقولون

    لآني عآنيت معها الصراحه هالحرمه

    ومشكووورين على وقتكم فديتكم
  2. هههههههههههههههههههههههههههههههههههههههههههههههههه هههههههه

    الله يخلي لك اهلك وانا اخيك !! ما شاءالله والله يطول بعمر جدك ويعطيها الصحة والعافية !!

    ما شااءلله اعجبني طريقك بصياغة الموضوع كاني عايش معك وانا اقراه !!

    لاكن شف انكانة على جدتك الله يخليها لك !! بالعكس هذا دافع لك انك تدرس !!

    شف وانا اخيك قسم بالله اذا طلعت برى مع الايام تهلوس!! يوم تقول وش الي جابني هنا ويوم تشتاق وتحن .. ويوم تقول الحمدلله على النعمه يوم قبلوني بالبعثة !! ويوم تسحب على الجامعة وتهيون بالدراسة !!

    لاكن اذا ذكرت ان فيه ناس تتشفق لشوفتك وقاعدة على جمر وتحسب الدقايق وتفكر فيك !!

    تبي تقول بنفسك وش قاعد اسوي انا!! ما والله ارجع الا وانا رافع روسهم !! << وكل شي له ضريبة وانا اخيك وما فيه شي يجي سهلات !!

    ما اقول الا الله يوفقنا وياك ويعينا ويثبتنا ورجعنا سالمين غانمين !!

    مشتهي لبن
    7 "
  3. هههههههههههههههههههه


    يا شيخ عليك اسلوب سالفة لحاله


    نرجع لسالفتك


    والله جداتي ما عنايت منهن أي شيء


    أصلا السؤال الوحيد اللي يسؤلونياه


    متى تبي تطس وتفكنا تراك عاطل لك أكثر من 8 شهور ؟ ههههههههههههه


    الله يطول في عمرهن


    أما عن جدتك طول الله في عمرها على طاعته


    فأنا أنصحك تجيها من بابها يعني من باب العاطفة


    يعني تبينها إنك إذا ما رحت تبي تزعل و تكدر وكذا ان شاء الله ترضى


    شكرا
    7 "
  4. المشاركة الأصلية كتبت بواسطة مشتهي لبن
    هههههههههههههههههههههههههههههههههههههههههههههههههه هههههههه


    الله يخلي لك اهلك وانا اخيك !! ما شاءالله والله يطول بعمر جدك ويعطيها الصحة والعافية !!

    ما شااءلله اعجبني طريقك بصياغة الموضوع كاني عايش معك وانا اقراه !!

    لاكن شف انكانة على جدتك الله يخليها لك !! بالعكس هذا دافع لك انك تدرس !!

    شف وانا اخيك قسم بالله اذا طلعت برى مع الايام تهلوس!! يوم تقول وش الي جابني هنا ويوم تشتاق وتحن .. ويوم تقول الحمدلله على النعمه يوم قبلوني بالبعثة !! ويوم تسحب على الجامعة وتهيون بالدراسة !!

    لاكن اذا ذكرت ان فيه ناس تتشفق لشوفتك وقاعدة على جمر وتحسب الدقايق وتفكر فيك !!

    تبي تقول بنفسك وش قاعد اسوي انا!! ما والله ارجع الا وانا رافع روسهم !! << وكل شي له ضريبة وانا اخيك وما فيه شي يجي سهلات !!

    ما اقول الا الله يوفقنا وياك ويعينا ويثبتنا ورجعنا سالمين غانمين !!


    مشتهي لبن
    أهلآ وسهلآ حبيب الكل مشتهي وش اسمه لبن

    ثانك يو والله على الكومبليمينت احرجتني

    وتسلم على مرورك فديت قلبك

    وكمل بالمنتدى ترا صايرن مشهور

    حتى امس دق علي واحد من الصين قال لي قول
    لمشتهي لبن تراه صار مشهور وعندنا يعرفونه << عآد لو تجيب مريض نفسي ماصدق
    7 "
  5. يالله حي عمشووووووووووووووووووووووز

    حبيب قلبي المجرم السفاح السيريال كيلر

    [/quote]





    متى تبي تطس وتفكنا تراك عاطل لك أكثر من 8 شهور ؟ ههههههههههههه


    [/quote]

    بسم الله عليك أم انت

    اللى يسمعك يقول هالوظايف تدق علي ويشحدوني امرهم اتوظف

    خلآص هآنت يآبعدي كلها كم يوم وأنقلع

    اشوف حظي بدربي دميجتي مع هالخلق لين ماصل للجامعه

    ليتهم مايدبغوني بالمطآر

    مشكوور حبيب قلبي على مرورك ياعسل وخلنا نشووفك
    7 "
  6. ههههههههههههههههههههههههه
    اسلووبك في الطرح رااائــــع والله اني حبيت جدتك في الله
    الله يحفظها ويعافيها والله يعطيها طولة العمر في طاعتو ياااارب وتشوفك متخرج وعريس كمان يارب

    اخويا شوف انا اقولك

    ابدأ معاها من باب العاطفه زي ما قالولك الاخوان
    وقولها انا مضايق ياجدتي ونفسي افضفضلك شوي من الي في قلبي
    اصحابي كلهم مناصبهم ماشالله كبيره وانا عاطل ولا قادر اسوي شي
    ونفسي يا جدتي لما يقولو اسمي قدامك ترفعي راسك وتقولي هذا ولدي وحفيدي
    ابغاكي تفرحي اذا شفتيني راجع بشهادتي وماسك عملي الجديد ان شاءالله

    قولها جدتي انتي تحبيني واكيد تحبي اكون مبسوط وفرحان وقولها انا عارف فرحي من فرحك وراحتي من راحتك لاني ولدك وانتي امي..
    انا نفسي في البعثه واحس انها فاتحة خير عليا ان شاءالله وكلها سنه جدتي وانا راجعلك متخرج بإذن الله

    << اذا انتا ماستر ان شاءالله ما تزيد اكثر من سنتين واذا لغتك تمام ان شاءالله سنه
    حمسها انو سنه وحده وفيها اجازات وتقدر تزورها في الاجازات

    واللــــــــــــــــــــــــــه يوفقني ويوفقك ويوفق الجميع يـــــــــــــــــــــــــــــاااارب

    ان شاءالله اكون ساعدتك ولو بالقليل

    اختك
    7 "
  7. هههه انا اقوول خذها معااك هه لايعني بس اقترح عليها واهي اكيد ماراح تجي بس قولها طيبة خاطر وكأنك انت هم زعلان لانك تبي تفارقها وانا معاهم هم تعال لها باسلوب العاطفه الجداات قلبهم رقيق ومايتحملون هه وقولها انك اصلا زعلان اكثر منها وانك حتى لو رحت كل يوم بتكلمها اهناك ووترسل صورك لاهلك عشان تشووفهم ووانها كلها فتره قصيره وترجع ومن هالكلام طيب بخاطرها وورها انت انت هم متأثر بهالشي وماودك بس عشان ترجع ترفع راس الكل بشهادتك وتربي اجيال من احسن الاجيال وووالله يعينك ويخليلك جدتك ووويلين قلبها عليك!
    7 "
  8. عساها على القوى هالجدة,,,,

    شوف في طريقة تخليها تقولك روح والقلب داعيلك

    اول شي خذ لك ورقة واطويها وجب ظرف ولونة بالوان مائية وارسم عليه طيارة
    وجيب من عند المكتبة ورقة زرقاء<<<<<<<<<<<<< بريال


    ادخل عليها بجدية وحزم وارمي الاوراق الي فوق عند رجولها

    وقلها :- ياجدة هذي تذاكـــــرك لازم تروحين معي وعطها الورقة ام ريال وقول هذي الفيزا وانك كلمت اوباما شخصيا علشان تدخلك امريكا ووزارة الدخلية السعودية هي الي بترعاك هناك وانهم سو لها جواز سفر دوبلوماسي
    ووزارة الشؤون الجتماعية والضمان بيرسولون لك وفد بين حين واخر للاطمئنان عليك <<<<<كثر من اللغة العربية عشان ترعبها
    ووزير الصحة شخصيا راح يتابع حالتها
    وقول وزارة التعليم العالي متأملة فيك ترجعين بشهادة الزمالة وانك بترفعين راس الوطن في المحافل الدولية

    وخلي ملامحك صارمة واصر ولزم عليها انها لااااازم تروح معك ........
    وهي<<<<<<<<<<

    وقتها ماراح تفكر الا في نفسها اشلون تنفــــذ من هالمسؤلية الدولية الي القيت على كاهلها الكهل<<<<<<<<<<<<

    صدقني راح تندس بغرفتها وتستناك متى تروح وتفارق<<<<<


    لاتنسى ترسم جنب الطيارة راس هيكل عظمي وعلية اكس بالاحمر<<<<<بس خلة اكبر من الطيارة عشان تشوفة زين


    وصلى الله وبارك ,,,,,,,,,وتروح وترجع بالسلامة

    والله يطول بعمرهاا,,,,
    7 "
  9. 888

    ههههههههههههههههه

    لا حراام مايسير كده تنفجع بعدين
    والله اخوي صدقني بالسياسه والعااطفه

    وضيف زياده على الكلام الي كتبتو فوق
    انو يا جدتي ان شاءالله بعد سنه اتخرج واتوظف واسير جاهز عشان تدوريلي عروسه

    << ترا الجدات يحبو مواضيع الزواج

    بالعكس بتفرحلك وتقولك روح وبتعد الايام عشان ترجع وتزوجك ان شاءالله

    والله يحفظها يارب ليك وتشوف تخرجك وتشوف عيالك يارب
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.