محاوره بين شاعر وشاعره(ليلة الدخله)زاحفين

شاعر وشاعرة تتم خطبتهما ، فيتفقا على أن يكون الحديث بينهما شعرا
ينظمانه هما ، ولمدة ثلاثة أيام ، اعتبارا من ليلة الدخلة ، وبشرط أن
يكون لليلة الدخلة قافية مستقلة ، ولليوم الأول قافية مستقلة ، والثاني ،
والثالث كذلك . فإلى المرحلة الأولى :


أولا- ليلة الدخلة:
العريس يتم ادخاله على زوجته ، بحضور اقارب الطرفين من النساء
والضيفات المهمات ، وعليه أن يرحب بالحاضرات
العريس:
مرحبــــــا ضيفاتنا فالفــرح نوّر ياهلا ويامسهلا بالحاضـــراتي
ارقصن غنن ولا بي منكن اكثر انقضن سمر الجدايل مايلاتي
الفــــرح بوجودكن يزهـا ويفخر دامه الله نعمةٍ يالغاليـــــــاتي

يتجه العريس ويرحب بزوجته

الفرح فرحين وانتي الفــــرح الأكبر ياهـلا بك ياعروسي يا منــاتي
قبلة الترحيب ، هاتي الخد الايسر الشنب يخدش خدود مـوّرداتي
ربي جمّعنا ، وقـــــــول الله أكـبر شاعرٍمع شاعرة باحلى غناتي

العروس ترحب بالعريس

ياهـلا بك واحترم نفسك تـوّدر وانثبر ساكت ولا تشوف البنـــــاتي
فـارغ قلبك مثـل ذيبٍ تحـــدّر يلغف الخرفان في صمت وسكاتي
لا تفكر يعرفـن بالشعر الاحمـر ما يبن شعرك ، بناتٍ عاقـــــــلاتي

يبدأ الهمس بينهما:

مشاعر وأحاسيس الفرحة ، بالتبادل
العريس:
شينها من ليـلة يالوجه الاقشر اعقلي يابنت ، خوف من الشماتي
اضحكي قدامهن لو ضحكٍ اصفر ولا تفردّنا تشـــــوفي الطايلاتـــي
وين عقلك بالشعر راح وتنكــر وين كلمة حب ، وين المفرداتــــي
العروس:
تحسبن العرس يالانثى المذكـر مثل شعرك هرج ، صف القافيتي
العرس ، تدخل بعــالم مثل تقبـر ما مضى تنساه تحيا كالرفـاتي
المــره بالعنــق والاود تكبــــــر والعـــــوافي تعقبك في كل آتــي

تعليقه على مايراه من مناظر

شـوفي اللي لابسه فستانٍ اخضر ...... كنها لولب برقص المبدعاتي
وشـوفي امك كنها كيس مخصّــــر ...... وفرقي بين العجايز والبناتي
وشوفي المزيون راع الشعر الاشقر...... واهني الرجل في ريم الفلاتي

غيرتها عليه ، ومخاطبة امها للإسراع بالذهاب به بعيدا
لعنبـــــــو اصلك ترى لـو ما تـدّبر..... وتستحي يالشين تقعد في ثباتي
لاصفقك كفين ، اعذر من قد انذر..... واتركك وحدك وهج بلا عباتي
منت رجّـــــــــال ولكن ثـورٍٍ ازعـر.... لا حيا لا سمت من كل الجهاتي

العروس تلح عليه بالذهاب لغرفة النوم ، لتبعده
عن مناظر البنات وهو يبدي عدم رغبته في الذهاب
العروس:
هيّـا قم قامت عصبك ولا تأخــر ..... ناويه أعطيك درس في الصفاتي
العريس:
ماني قايم روحي لوحدك ولا اكثر ..... خايفً منك تجيبـي لي حمـاتي

اشعار متبادلة بينهما وهما في الطريق إلى غرفة النوم
العروس:
شخّص ببشتك وراسك فوق اكثر ...... ودنق عيونك ، ومشيك في ثباتي
وامسك بيـدي وتبسم ولا تنثـّـــر ...... ومن قرب حولك تردد "ياحيـاتي

العريس:
من سمع هرجك يقول ولا تحــــذّر ...... ظبي شارد ما خذه ضب نبـاتي
جعل منتي ذيك أم الشعر الاشقر ....... لا .. وتتشرط علي وجه الدباتي

العريس والعريسة في غرفة النوم :

العروس:
شف ترى مابي مشاكل أو كـدر ....خلنا نمرح قبل وقت الفواتـــــي
هدني الارهاق ولا احتاج السهـر ..... والصبح بدري يهجدوني خواتي
العريس:
مايصير ، اللي تقولي من عــــذر..... ما انـام إلا بحـل الواجبـــــــــاتي!

وش تقــــول امي إذا بان الخــبر ..... وش اقول لهم ، تلحفت بعباتي!ء
العروس:
لا تطــــــــــــــوّلها وفكـر بالامــر..... وش دخلهم في زواج الشاعراتي
وان رفضت ارميك في هذا الممر..... واقفل الغرفه وطوّل في سباتي

ويستسلم العريس ، كفا للشر ، فهو يعلم أنها ستكون أم عياله ، وحل الواجبات
سيتم إن عاجلا أو آجلا ، لتنتهي ليلة الدخلة بانتصار الشاعرة ، وفرض ما تريد على الشاعر