LinkBack URL
About LinkBacks
وعليكم السلام
عندك الان ستي بلازا عاملين تخفيضات جدا حلوة
7 " عندك الان ستي بلازا عاملين تخفيضات جدا حلوة
ما أفضل المحلات لشراء الملابس الرجالية في الرياض
ما أفضل المحلات لشراء الملابس الرجالية في الرياض
تنبيه: هذا الموضوع قديم. تم طرحه قبل 5812 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- ههههههههههههههههههههههههههههههه بالله هذا سؤال وبعدين اش دخل قسم استراليا بالملابس7 "
على العموم اخوي الله يوفقك بس اعذرني بارك الله فيك انت موجود في الرياض وتسأل عن المنتدى افضل مكان ملابس كنك تقول في منتدى امريكا وش افضل خياط رجالي في جده
does not make sense - حسستني إنك اول مرة تشتري ملابس7 "
بصراحه ما اعرف الرياض
بس احب انبهك على شيء
لا تشتري ماركات غالية وتخسر نفسك
ترى هنا لو تمشي عااري محد يقولك شي
وهم شعب يلبسون لبس عاادي
انا ما اقولك اشتر شي رخيص
بس شي معقول وحاول تكثر من الشتوية لانه البرد كل يوم يزداد
وبالتوفيق - مرحبا شباب ..7 "
تصدقون عاد إني ما قد لبست جنز في حياتي . ولا تي شيرت .. فعلشان كذا أسأل
لأني رحت للهرم (قدام العويس) وشريت ملابس بس شكلي صار غلط ..
يعني سؤال (بس لاتضحك) هل القميص أو التي شيرت لازم يدخل جو الجنز ولا لازم يكون برا ؟
- 7 "ههههههههههههههاااي
ياحبني لك يامشواري
والله توني راجع من السوق لو داري كان مريتك
اسمع بعطيك كم محل وهي الخلاصه صراحة ......
وابعد عن الهرم نصيحه يكفي الزحمه اللي فيه والله كانهم يوزعون بلاش
1-براندس طريق الملك فهد جنب الصندوق الاسود مسوي تصفيه ..
2-نيولوك عند الحياة مول
3-سيتي ماكس طريق الملك عبدالعزيز
4-سبلاش طريق الملك عبدالله
5-سما طريق العليا عنده تيشرتات حلوه ورخيصه جدا..
6-تبي ماركه حلوه وسعرها حلو عندك GIORDANO في غرناطه......
ونصيحه ثانيه ابعد عن ابو يمن مع احترامي لهم بس تراهم يدبلون السعر 10 مرات ..........
واذا بغيت شي ثاني لايردك الالسانك - طيب انا اعطيك محل كمان سوق فينيسيا جنب اسواق الشعله بس لاتشتري الا تي شيرتات وبلوفرات منه اما الجينز فانصحك بسيتي بلازا وبويربوينت وهاذولا راح تلاقي واحد عند اليورومارشيه وواحد على طريق الملك عبدالله وواحد على الدايري الجنوبي قبل محطة النقل الجماعي وووووالقرعاوي على طريق البطحاء العام كله ماركات وبس7 "
- اسمع الكلام والله مااحد درى عن لبسك ,لاتشتري غالي وحاول تخلص كل شي من الرياض لانها في في استراليا اغلى وكلها مثل اللي عندنا .7 "
في محل او في سي مقابل بندة الحمراء ماركه مشهورة بس غالي شوي,في دبنهامز وغالي شويتين .
في محل في غرناطة قبل اكسترا اسمة اتيتود سعرة مره ممتاز وعندها حاجات حلوة مرة .
وعلى فكرة ترى برد استراليا حالياً .
الله يوفقك . - صباح الخير7 "
لا لا البس زين...الواحد لازم يلبس زين في كل مكان والزين ما يعني شي بالاف ولا يعني شي في حركات ملفته...البس شي هادي بس مرتب.
بس لا تجيب العيد وتلبس ضيق! ترا يشكو في وضعك هههه
وجوا ولا برا الجينز هذي تعتمد على المكان والزمان والجو واشياء كثيره...مثل عندنا تلبس ثوب وشماغ وعقال في الدوام اذا انت حكومه مثلا او بنك وتلبس ثوب بس اذا رايح تشتري شي سريع ولا تراجع بنك!
روح لزارا ونيكست وجاب واشتر لك شي كويس بدال ما تجلس تشتري كل يوم. الماركات هذي تعتبر وسط وتنلبس في كل مكان
ماقلت لنا اخوي كم عمرك؟ هذي تفرق بعد!
جاب للجينز فقط
موفق ان شاء الله - بسم الله الرحمن الرحيم7 "
الله يوفقك ياشيخ
العيال ماقصرو في كلامهم .. بس بقولك .. حسب طبيعتك اذا انت متعود تلبس ماركه .. البس
بس اتوقع . ما تعودت لإنك تقول ماعمري لبس بدله وهذا مستحيل.. علشان كذا بعطيك على حسب خبرتي .. لإني قاعد اعبي شنطتي الحين ..
سوق الشعله وما ادرك ماسوق الشعله .. اللي تبيه يالغالي بتحصله .. من شراب لين الكاب حق الرأس واسعارهم معقوله .. مع البضاعه الزينه اللي عندهم ..
ايضا" مر على ستي بلازا .. ستي ماكس ....
وعندك كذا محل حلوه .. على طريق خريض . بعد مخرج خالد بن الوليد وانت متوجه غرب .
واذا انت رجال دفيع وتبي الماركات ... مجمع غرناطه وايضا" المحلات اللي على طريق العليا العام.. وراح تحصل اللي على بالك كل بالسوق .. دبن هامز .. توب مان .. جردانو .. ارماني.. نيكست.. ريفير اسلاند.... قُيس... إلخ
.... الشي اللي يعجبك البسه .. وتحسه مناسب لك .. ولا عليك من احد .. اهم شي ترتاح فيه ...
نصيحه اخيره ... حاول تشتري الجنزات والجزمات ولك الكرامه والمتصفحين .. ماركات ..
لإنها اشياء مالتبيد على قولتهم .. وتبقى لك ولزمن .. ولا تطلع ريحه .. ولا تشغلك
وعند محلات ماركات حلوه ومعقول سعرها ( زارا--جردانو --ريفير اسلاند>مسوين تخفيض الاسبوع هذا> ..)
والتي شيرتات والقمصان .. اشتري اي شي يعجبك ويركب على جسمك .. والشعله فيها كل شي تحبه يالغالي ...
بالتوفيق .. واذا تبي اي خدمه انا كل يوم انزل الاسواق واتسوق .. راح ابلغك بأي شي كويس
وافي
May 23rd, 2008, 04:34 PM
سلام عليكم ..أبغى أجهز الشنطة وحبيت أعرف وش أفضل المحلات لشراء الملابس الرجالية في الرياض ...
يعني جنز وتي شيرت وحركات رجالية