لمن لديه خبرة واطلاع ..أفيدوني فأنا محتار مع خالص الشكر

أسعد الله اوقاتكم
في الحقيقة انا محتار جدا ولشهور طويلة
وارجو من اخواني واخواتي من لديه خبرة واطلاع افادتي ونصيحتي فلكم طرقت باباً وسالت ولم يفيدني احد بشي :

انا انوي القدوم لدراسة الماجستير (علاقات دولية - أو قانون دولي) في أمريكا ومبتعث من جهة عملي ولدي مدة محدد لدراسة (اللغة سنة - الماستر سنتين)أي مامجموعه ثلاث سنوات..

ومحتار بين كل من : واشنطن دي سي - نيويورك - لوس انجلوس
وسؤالي عام ....عن ايهما افضل بالنسبة لي ولوضعي(علماً بأنني متزوج ولدي طفل رضيع) من النواحي التالية :
-الجامعات ومعاهد اللغة بها.
-اسعار السكن والمعيشة
-الجو العام وسلوب الحياة في كل مدينة.
..............
أرجو نصيحتي جزاكم الله خير الجزاء وماالذي ترونه مناسب لي من إحدى المدن الثلات ... ؟
بانتظار مشورتكم
ولاتبخلوا على أخوكم
واسف إذا اطلت عليكم
تحياتي

اذا كنت تستطيع شراء سياره فعليك بلوس انجلوس

نيويورك برد شديد ومدينه صاخبه وليست امنه

واشنطن ايضا بردها شديد وتكثر فيها الجريمه

مشكور أخوي ماجد على النصيحة
بس على ماظن محد يسكن في واشنطن
الناس تسكن في فرجينيا او ميرلاند..
انت نظرت للموضوع من ناحية الجو والتنقل
لكن بقي السكن والدراسة...
ماقصرت اخوي
وانا بانتظار آراء باقي الاخوة والأخوات... ولاتبخلوا علينا ... الله يوفقكم

لا............زلت بانتظار مساعدة ومشورة الأخوان والاخوات
لاتبخلوووووووووون علينا
مشكووووووووورين

وللآن محد رد !!
الله يجزاكم خير افيدونا ........ لاهنتوا

والله ودي افيدك اخوي لكن الشكوى لله نفتقد للخبرة .


على كل انا انصحك بالمدن الصغيرة فهي عادة افضل للدراسة , الا اذا كنت مخير فقط بهالمدن

محد رد الا ثنين من الاخوان فقط
ليش مافي تفاعل وبروووود كذا
؟؟؟؟؟؟؟؟

كسرت خاطري والله لو اني هناك لا افيدك بس الشكوا لله
ما رحت للحين
الله يعينك ويوفقك
انا بصراحه ما عندي اي خبره بصراحه بس من اللي قريته
DC ونيويورك ما انصحك فيها اول شي زحمه وعوار راس وغاليه على غير سنع والاجارات جدا غاليه فيها
بعدين انت عندك طفل انصحك تدور شي اهدا
هذا والله العالم انا ما عندي لاخبره ولا شي بس حاب افيدك كم اللي قريته
الله يوفقك

الله يجزاك كل خير
انا اصلا كسرت خاطر نفسي قبلك
كلامك صحيح .......... بس للأسف !!!! انا مخير فقط بين المدن الثلاث اللي انا ذكرتهم من جهة عملي وماعندهم تفاهم من هالناحية!!! ولو لي الخيار اخترت مكان ثاني
بس انا كنت اسال وادور النصيحة من باب وش افضل هذي الثلاث بالنسبة لدراستي ومعيشتي مع عائلتي والجو العام
اشكرك على ردك ومرورك ....... هذا من طيبك لا حرمك الله الأجر
تسلملي

طيب اخوي تبي نصيحتي
ليه ما تروح لوس انجلوس احس انها اهدا حسب ما سمعت ان نيويوورك اب ذيك النظافه
وواشنطن غاليه
لوس انجلوس اهدا شي ومب ذيك الغلاوه بس ماعليها فيها حقها
توسع صدرك انت وحرمتك على البحر وحلوه دراسه وتمشيه
والله العالم
الله يوفقك ويسهل امرك
انت استخير وربك يسهلها