بسم الله الرحمن الرحيم
السلام عليكم ورحمة الله وبركاتة
ماكتبت (اقسم بالله مصيبة) من فراغ ولا فبركة لجذب انتباهكم لكن والله هي بالفعل مصيبة والله حتى النوم ماعاد اقدر انام خلاص زي اللي بتجنن من جد والله
التفاصيل:
تخرجت من الثانوية عام 23/24 هجري يعني قبل 4 سنوات المهم كان حلمي اني ادخل كلية الطب لكن الله ماراد المهم جلست تيرم بالبيت على امل اني اروح ادرس طب برا (خارج السعودية) لكن اهلى رفضوا وقدمت التيرم الثاني بجامعه الملك خالد كلية الهندسة (رغم اني حتى وانا نايم ماقد تحلمت اني اصير مهندس) لكن علشان الوجاهه الاجتماعية رضخت للامر ودرس فيها سنة ونص وماقدرت اكمل لان كل المواد كانت ضدر رغباتي رياضيات ورسم هندسي وكلام كثير وسحبت ملفى ورحت قدمت على جامعه الملك عبدالعزيز (هندسة كمان) انا عارف اني ماابغاها لكني من النوع اللي يسمع الكلام كثير اقنعوني اقاربي وصحابي اني راح اقدر ادرس هندسة في جده لان المدينة كويسة وانفتاحية وفيها ترفية اكثر من ابها هذا غير ان الدراسة في الملك عبدالعزيز اسهل وافضل ودرست سنة وسحبت ملفى (لاني بالطبع ماتعلمت من الدرس الماضي) المهم ورجعت وقدمت على كلية العلوم والان لية سنة في كلية العلوم وماشي زي العسل بس طلع موضوع البعثات وقدمت وقبلت والان على وشك سفر.
بس جاء واحد من ارقاربي وقال لي :::::::::::::::::::::::::::::::::::
انت الان متخرج من الثانوية لك 4 سنوات ورايح بعثها مدتها 6 سنوات يعني راح تروح 10 سنوات من عمرك وفي نهايتها بكالريوس لية ماتكمل 3 السنوات الباقية في كلية العلوم وبعد كذا تروح تكمل ماستر ودكتوراة افضل لك
من يومتها وانا والله والله لا قادر انام ولا اكل ولا شئ استغفر الله حتى في الصلاة مااقدر اركز منم كثر ما الموضوع هذا شاغل تفكير فحبيت اني اطرحه لكم لاخذ استشارتكم
(من استشار ماخاب)
فارجوا اكم تردوا علية باسرع وقت حتى اقدر اركز يااني اكمل هنا ولا اسافر خصوصا انا داخلين على اختبارات نهائية ولازم التركيز فيها وانا خايف من كثر ماافكر في الموضوع اضيع هنا وهناك
وجزاكم الله الف خير