الأعضاء الإشتراك و التسجيل

الملتقيات
ADs

هل مدينة ريتشموند فرجينيا فعلا خطيره؟؟

هل مدينة ريتشموند فرجينيا فعلا خطيره؟؟


NOTICE

تنبيه: هذا الموضوع قديم. تم طرحه قبل 3128 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. مرحبا ..

    أنا أدرس في ريتشموند وبالنسبة للوضع جداً طبيعي ومرره مبسوطه وأنصحك تجين .. الجرايم طبعاً لازم بتكون فيه جرايم زي أي مكان ثاني بس كووول واحد يمشي صح وما يروح الأماكن اللي مش كويسه بيكون كل شي اوكي .. وأنا ساكنه قريب من الجامعة وأروح أمشي أوقات مع اني صار ليي فترة بسيطة من جيت هنا ..

    والجامعة ممتازه والدراسة فيها كل واحد وشطارته بس عموماً الكل يمدح فيها مو بس أنا ههههه ..

    وبالنسبه للسكن اذا كنتي بنت ولوحدك انصحك تسكنين بترولي أو بارك بلازا أمان وقريبة للجامعة ..

    أي استفسار أو اي مساعده أنا موجوده (: ..
    7 "
  2. أهلين .. بالسلامة ان شاء الله ..

    أنا جيت وأنا حاطه ببالي بسكن بعمارة ترولي أو بارك بلازا لأنهم قريبين من الجامعة وسيفتي ..

    ولقيت شقة في ترولي فضت بعد خمسة أيام من سألتهم واستلمتها في اليوم الخامس ..

    إن شاء الله ربي يوفقك .. بس أنصحك تسكن بترولي العمارة الجديدة .. نظيفة ومرتبه وهادئة وبعد الساعه ست الليل باب العمارة ما ينفتح الا ببطاقة احد ساكن في العمارة .. يعني أحس انها سيفتي .. أمان .. وقريبة للجامعة مرررره حتى عادي لو رحت مشي ..
    وفيها مميزات حلوه يعني ..

    و طبعاً لازم تحذر لما تشوف لك شقة انه الشارع اللي قدام العمارة مقابل للباب يعني ما يكون خطير ..

    الله يسهل ان شاء الله ..

    أي استفسار اقدر اجاوب عليه انا حاضره .. (:
    7 "
  3. هلا وغلا بالإخوان

    أنا صراحة الآن في ريتشموند ,,,,, المدينة صراحة ليست بذاك الجمال ولا بذاك السوء ,,,, يغلب عليها الجو الدراسي .... هي مدينة صراحة للي يبي يدرس ويجتهد ....طبعا بالنسبة للجرائم أحس شيء مبالغ فيه نوعا ما ,,,, صحيح الحذر مطلوب في مثل هالمواقع ... لكن المدينة ماتستاهل كل هالحذر المطلوب منه ,,,, والسعوديين والخليجيين والعرب كثيرين في المدينة ....!

    اللي أبي أوصل له ,,,, إنه رجاء من الإخوة الأعضاء لاتحاولون تبالغون في الأمور وتطلعون إشاعات تخوفون فيها الطلاب القادمين للدراسة لأني والله كنت حاط في بالي أول ماأجي ريتشموند إني من بعد الساعه 6 المغرب ماأطلع من البيت لكن تفاجأت من الشباب إنهم مايطلعون للعشاء إلا بعد 10 بالليل ومبسوطين وأطل مع النوافذ وأجد الشوارع مليئة بالمارة والطلاب ,,,, وحقيقة زرت مكتبة الطلاب في الجامعه وجلست معهم ووجدتهم يجلسون فيها حتى 9 والـ 10 أحيانا ولايواجهون أي مخاوف أو مصاعب ,,, والحمد لله الأمور جدا سهلة ومافيه أي شيء يخوف ....! واللي يبي يدرس يجي في ريتشموند ولايخاف ..... والطلاب الانترناشيونال فيها كثيرين مررررة ...! ولاحظت فيها كثرة الآسيويين والهنود حتى إنهم ينافسون السود في الكثرة .... خدمات المدينة نوعا ما ممتازة ,,,, وأحسن مافي المدينة إنها قريبة جدا من فرجينيا بيتش وواشنطن دي سي مشوار ساعه ونص بالسيارة والطبيعه في فرجينيا حلوة وممتازة وجوهم نوعا ما ممتاز في الصيف ويمدحونه في الشتاء ...!

    وبمناسبة اقتراب الفول سيمستر أتمنى للجميع بالتوفيق ... وأحث نفسي وإياكم على المثابرة والجد والإجتهاد والنظر بنظرة متفائلة للدراسة <<<< يحمس نفسه ,,,,, ولكم تحياتي
    7 "
2 من 4 صفحة 2 من 4 123 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.