هل مدينة ريتشموند فرجينيا فعلا خطيره؟؟

هذا رابط لموقع يعطيك جميع المعلومات اللي تحتاجها

عن اي مدينة امريكية
http://www.bestplaces.net/

والله بالنسله لـ المدينه انا رحتلها على اساس ادرس بس قعدت قعدت 3 اسابيع وغيرت رحت اوهايو لأن الملحقيه مقفله المعهد ,, !!

والله هوو الداون تاون خطر نوعا ماا !! لكن فـيه هناك عوايل سعوديين واااجد وان شاء الله ربي يوفقك !!

أهلا وسهلا أخت نهلة أنا مقبول في هالجامعة وماشي لها المدينة بعد أقل من شهر ,,,,, أنا كنت أسمع عن المدينة نفس اللي تسمعينه وأول ماجاني القبول سألت عنها ناس كثيرين بس اللي أثق فيهم أشخاص أعطوني كلام كثير راح ألخصه لك في سطور ,,,,, أحد الأشخاص دكتور في الجامعه درس في هذه المدينة مايقارب 9 سنوات ,,,, يقول خلال التسع سنوات لم أسمع في يوم من الأيام طلق نار ولم أرى شخص يمشي بمسدس في هذه المدينة ,,, طبعا لأنه شخص عملي وعاقل ومو معنى كلامه ان المدينة خالية من الجرائم نهائيا بس المفهوم من كلامه إنه إختار أماكن حلوة ينسكن فيها ,,,, الأمر الآخر إن الدكتور هذا مدح لي منطقة إسمها الـــ West End ويقول إن المنطقة هذي جميلة وهادئة وأغلبهم ناس هاي كلاس ومافيه ازعاج ولاشيء ......... الشخص الثاني كان طالب ماجستير بس نقل لكاليفورنيا في جامعة ثانية ,,, يقول الشخص هذا إني كنت في المدينة وماغيرتها إلا لأن الجامعه اللي في كاليفورنيا أعطتني قبول دكتوراة مباشر بينما فرجينيا كومنولث أعطوه قبول ماجستير ,,,, المهم إن الشخص يمدح المدينة ويقول كنت مبسوط فيها ومرتاح لولا أن القبول الثاني دكتوراه وريحني كثير ,,,, وبالنسبة للجرائم هذي نسمع عنها لكن ماشفناها وناس كثيرين عاشوا في هالمدينة ومبسوطين ,,,,, ويقول هذا الشخص إنه أكثر من مرة طلع آخر الليل وقضى كم شغلة ومشى ورجع ولا أحد تعرض له ولاشي ,,,,, بس طبعا ماينصح احد بالخروج في الليل !!!! الكلام اللي أقصده في النهاية ,,,,, إن الجرائم معروف وين مكانها ,,,, في الملاهي الليلية وأوقاتها آخر الليل ,,,,, والواحد مايضمن نفسه في الليل في السعودية فما بالك في أمريكا ؟؟؟؟؟ الواحد يتوكل على الله ويصلي استخارة واذا كان تشوفين ريتشموند خيار مناسب لك ؟؟؟ توكلي على الله وادخلي الجامعه وربك ييسر لك امورك .... وبالتوفيق

الله يجزاكم خير جمبعا
وجزاك الله خير أخ Clinical Pharmacist
كلامك اراحني
وأنا أستخرت وأكيد اذا لي فيها خير رب العالمين حيسرها لي ويبارك فيها
بس الواحد يستخير ويستشير
انا ماشيه في أمر النقل وان شاء الله ربي يكتب الخير
بس كنت ابغى أسال وين المناطق السكن يكون فيها مريح وف نفس الوقت مو غالي مره
يعني اذا تقدر تعطيني معلومات اكثر عن المدينه اكون شاكره لك
وجعله الله في موازين حسناتك

امممممممممم شوفي أنا عن نفسي راح أسكن في الداون تاون ,,,,, ودي أكون قريب من الجامعه ,,,, بس أفضل شي مثل ماقلت لك الــ West End سعره معقول ماأتذكر انه غالي .... المكان هذا آمن ,, وجميل وهادئ بس يعيبه إنه يحتاج سيارة ويبعد عن الجامعه تقريبا 20 دقيقة سيارة ... إذا أنتي معاك سيارة أو تقدرين تأمنين نفسك بالمواصلات لاتترددين بالويست اند أفضل مكان ,,,, عموما لاتعتمدين على كلامي شوفي ناس غيري واسألي أكثر أكيد فيه ناس بتفيدك ...... بس هذا اللي عندي وحبيت أنقله لك .... وأنا على فكرة لسى ماوصلت المدينة ,,,, إن شاءالله على 25 جولاي أجيها ,,,,, وبالتوفيق

الله يعطيك الف عافية يالاخو ... انشالله حدرس كورس اللغه فيها اذا ربنا اراد ...

وعلى فكرة اخوية في ريشموند من سنة ونص تقريبا ولا قد اشتكى ابدا الحمدلله يعني الوضع اعتقد انو مطمئن ومافي خوف انشالله ....

الله يوفق الجميع يارب ....

طيب والمعهد كيف مستواه؟

معهد اللغة قوي وصعب في نفس الوقت ,,,, لدرجة إنه ممكن برسبون فيه ...!

لهم برامج خاصة ورحلات طلابية وزيارات للأماكن المشهورة في المدينة أو المدن المجاورة ,,,, تقدرين تدخلين وتشوفين معلومات عن معهد اللغة عن طريق موقع الجامعه

السلام عليكم
سؤالي للطلاب اللي بيدرسوا فيها الحين..وخبرتهم بمستوى اختبار اللغه الخاصه بالجامعه ؟؟ومقارنته باختبار التوفل اذا امكن
ولكم خالص الشكر