الأعضاء الإشتراك و التسجيل

الملتقيات
ADs

لمن لديه خبرة في واشنطن دي سي

لمن لديه خبرة في واشنطن دي سي


NOTICE

تنبيه: هذا الموضوع قديم. تم طرحه قبل 3121 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية العطار
    العطار

    مبتعث مستجد Freshman Member

    العطار المملكة المتحدة

    العطار , ذكر. مبتعث مستجد Freshman Member. من السعودية , مبتعث فى المملكة المتحدة , تخصصى علوم إدارية ـ محاسبة , بجامعة جامعة اسكس
    • جامعة اسكس
    • علوم إدارية ـ محاسبة
    • ذكر
    • كولشستر, كولشستر
    • السعودية
    • Jan 2009
    المزيدl

    July 8th, 2009, 11:55 AM

    الأخوه الأعزاء

    حبيت أسأل من لديه خبرة في واشنطن دي سي

    انا أسأل عن أفضل معهد لغة إنجليزيه في العاصمه أو قريب منها ، لأني ناوي أدرس قريب من واشنطن ، وأفضل معهد مايكون فيه عرب كثير ، حتى انسجم مع اللغة بسرعة لأن لغتي لكم عليها ,,,

    وكذلك حبيت أسأل عن أفضل جامعة تعطي ماستر محاسبة في واشنطن أو قريب منها ..

    وأسأل الله أن يكون ماتقدمونه في ميزان حسناتكم .. آمين
  2. السلام عليكم

    اخوي ايش سبب اختيارك لواشنطن !!

    فيه معاهد فيها وفيه معاهد جامعات

    طبعا اذا تبي معاهد جامعه فيه عندك Georgetown University
    وفيه معاهد عاديه مثل كابلن ومعهد اسمه اللنجوا

    واي شي تحتاجه انا في الخدمه سبق عشت سنه كامله في واشنطن دي سي
    دعواتك لي بالتوفيق
    7 "
  3. اختي برنسيسه

    أسأل الله لكي التوفيق ، فقد جبرتي بخاطري وأعتقد بأن ما أبحث عنه لديكي ..

    معهد جامعة جورج تاون سمعت عنه بأنه معهد قوي في اللغة ، وأنا حاب أدرس فيه لأني مقبل على بعثه عن طريق جهة عملي وتخصصي محاسبة ، وقد نصحني البعض بواشنطن دي سي ، وأحب أن أسألكي مادمتي قد عشتي لسنه فيها ..

    هل الحياة فيها مريحه ، وماذا عن الغلاء الذي سمعت عنه فيها ، وماذا عن معاهد اللغة غير هذا المعهد من ناحية القوة ، وماذا عن السكن الأفضل مع عائلة أو في سكن المعهد البادروم ، من ناحية سرعة إجادة اللغة ، لأن أهم مالدي إجادة اللغة ، وماذا عن سهولة القبول في جامعة جورج تاون ، وجامعة جورج واشنطن ، لأني سمعت عن صعوبة القبول فيها ..

    أدري طولت عليكي اختي بس تعرفين اللي مقبل على مثل هذه الأمور يسأل عن كل شي ..

    وفقكي الله لمايحبه ويرضاه ..
    7 "
  4. الله يجزاك خير ابد اي شي تحتاجه في واشنطن لا تردد بالسوال .
    اذا تسالنى عن راي الشخصي انا من محبي السكن في واشنطن طبعا انا سكنى في فرجينا لكن جد قريب منها لان محد يسكن في نفس واشنطن وارتحت لها كثير وعشت ايام حلوه صحيح غاليه مقارنه بغيرها من الولايات بس والله تستاهل فيها مميزات انها اول محطه تجى لها من السعوديه يعنى ما تقعد تفرر بين الولايات ولاحظ انك في قلب عاصمه امريكا اولا ثانيا اللى فيها ماراح تلقاه في الولايات الرخيصه اللى اشبه بالقري وكل شخص له وجه نظر ولو علي مااطلع منها ابد ...

    بالنسبه لجامعه جورج تاون انا درست في معهد اللغه هم شوي شديدين ويهلكون بس والله في النهايه انت المستفيد وعندهم فريق عمل واداره رائعه لا تضيع وقتك بكابلن او غيره خصوصا هم يدرسونك الانجليزي للدراسه الاكادميه واعدااد الابحاث والبرزنتيشن وبخصوص السكن اعرف انه الجامعه فيها دورم تقدر تراسلهم وتطلب السكن عندهم بس احجز بدري لان العدد محدود واذا تبي تسكن بشقه لحالك او معك احد الطلبه فيه سكن في فرجينا هو بس جدا قريب من الجامعه ومن موقف الباص اللى يوصل لها ما ياخذ 5 دقايق وانت بالجامعه اسم السكن River place
    يكفيك تاخذ ستديو فيه ما يكلفك 1000 دولار .والمنطقه مررررررررررره حلوه والملحقيه والسفاره تبعد 5 دقايق عنك .
    وبصراحه بالنسبه للي يبي يتعلم انا ارشح معهد جورج تاون لك حلوه الكورسات اللى عندهم ويطلعون رحلات احيانا الى الوايت هاوس او الكونقرس او البنتاجون وصراحه تعتبر ثقافه وتتعرف على امور كثيره .اما عن تخصصك فانا لقيت اداره الاعمال بالنسبه للماستر اللى معترف فيه من الوزاره ولكن شوف هذا الرابط وشيك اذا تخصصك فيه او لا لان انا مثلا تخصصي حاسب الوزاره ما تقبل الماستر اللى في جورج تاون والا كان رحت له وعلى العموم شيك انت على ه االرابط http://ru.mohe.gov.sa/univ.aspx?uc=s...18&SectionName=

    جوروج واشنطن مو صعب القبول فيها انا جانى قبول فيها بس اشترطو التوفل 80 او 550 وانا التوفل عندي 74 فما قبلوه وقالو عيدي الامتحان وجيبي الدرجه ونعطيك قبول كامل يعنى شرطهم بس توفل .
    7 "
  5. اختي برنسيسه

    بارك الله فيكي على هذه المعلومات التي تثلج الصدر ، ولكن حبيت أسألك عن أيهما أفضل من ناحية اجادة اللغة في وقت قصير ، هل العائلة تساعد أكثر على إجادة اللغة بسرعة أم الدورم المختلط ، أم السكن في سكن خارجي ، لأنني حينما أذهب فإنني أهم مالدي هو إجادة اللغة في سنتها حتى أتفرغ في السنه التاليه لها للماستر ..

    وبالنسبة للمعهد فلم أجد أفضل منكي اختي الكريمة لأستشيره فيه ، وقد عزمت عليه بإذن الله ببركة مشورتكي ، وسوف أنظر في أمر السكن بعد إجابتكي على تسائلي أعلاه ، وبالنسبة للموقع الذي ذكرتي فلم يتبين لي بأن فيه تخصص ماستر محاسبة إلا أن تكون ترجمتي للتخصصات خاطئة ، وأتمنى بأن يوفقني الله للقبول في المعهد ، والذي أحب أن أسألكي هل فيه سعوديين وكم نسبتهم أو عددهم على وجه التقريب..

    وفقكي الله وأرجعكي سالمه ..

    اخيكي العطار ..
    7 "
  6. شف يا حبيبي انا من زمان ودي القا احد اجاوبله على اسئلته ؛؛<<<< يحس يوم كان يبي يجي ؛؛<<< ترى ماله فتره طويله



    انا الحين في جورج تاون في المعهد الانقليزي شف هو كرف كل يوم واجبات من العيار الثقيل نوعا ما بس في اعتقادي هذا هو الشي الي يعلمك الانقليزي والله انا اقولك الان معاهد واشنطن مليانه عرب وحنا عندنا مجزعه سعوديين بس مو كثر الاماراتين ؛؛<<< اتكلم عن الرجال اما البنات فاغلبهم سعوديات وفيه طلاب اجانب بعد المهم المعهد حلو من 9:15 إلى 3:05 طبعا ما فيه امل تطلع 3:05 لازم ياخرونك والجدول يكون حصه بريك 10 دقايق طبعا المدرسين يقصون من اوله واخره وبعدين الحصه الثانيه وبعدها بريم حو الساعتين
    وبعدين يكون حصتين لمدرس واحد وبعد كذا هلاص انتها الدوام


    اما السكن فعلى حسب نفسيتك اذا انت ما تخالف بالروميت انه يكون معك احد في الغرفه ومجموعه تستخدمون نفس (( الحمام )) الله يكرمكم فهذا الحال في الدورم يكون صاير يعني لازم تحمل طبايع غيرك وانا ما احب كذا المهم

    العئله وهذي انا مجربها والله الي انا جربته والله ما عندك احد يعني الهدف مادي بحت يعني ما فيه التعليم الي توقعته بس فيه بعض الشباب يقولون حنا مرتاحين مع العائله


    اما السكن لحالك هو الاكثر كلف بس انا في اعتقادي الخاص انه هو الي يعلمك ليه لانك بتتطر انك تتكلم مع كل الناس عشان تحصل الي تبيه تبي نت لازم تتكلم مع شركت النت عشان يركبونه وهكذا طبعا راع القرب يا اخوي لانه راح تتعب لو كنت بعيد وبيضيع اليوم عليك


    امام اذا انت تبي تجيد اللغه فعليك بهذه الامور "


    اسال لا تخلي شي وما تسال عنه اسال اي احد
    اكتبلك مجموعة كلمات يوميه واحفظها مثل 10 كلمات واحفظها واحفظها في جمله واعرف معناها زي ؛<<< وده يسويها بس مو قادر
    شف في الجامعه تقدر تطلب منهم طالب يدرس عربي وتتقابلون انت وياه كل يوم في البريك وتدردشون








    اي سؤال انا حاضر

    اذا افدتك ادعلي الله يسهل اموري والمسلمين حتى لو ما افدتك ادعلنا بعد <<<< ادعله لا يصيح
    7 "
  7. اخي خايف
    أسأل الله أن يوفقك ويعينك ، وأن يكون النجاح حليفك ، قلت فأجدت ، ووصفت فأصبت الهدف ، وشرحت فشرحت صدري لما قلت ^^^^ مسوي فيها خطيب ..

    أخوي أنا الأخت برنسيسه مدحت المعهد وأراك قد طابق كلامها كلامك ، وهذه والحمد لله بشرى خير ، ولكن العدد بعض الأخوان يأخذونه على بعض المعاهد من ناحية إجادة اللغة في وقت قصير ، حيث أن إختلاط الطالب وخاصة اللي مثلي إنجليزيته مبتدأه ، مع من يجيدونها ومن هم من جسيات أخرى ، يكون أفضل ...

    وأما بالنسبة للدورم فأعتقد بأنه من البداية أنا شايله من تفكيري ، لأن الوضع الذي شرحته لا يناسبني البته ، ولكن هل نفس الوضع ينطبق على السكن مع عائلة أم لا ، هذا ماأسأل عنه ..

    وكذلك قوة المعهد ، هل تعيق تحصيل اللغة نتيجة التركيز ، أم أن القوة هي في الواجبات التي لا أرى بأنها معيقه خاصة وأنني متفرغ تماماً للدراسة ، وماهي مدة الدراسة في المعهد حتى ينتهي منها ، وكذلك ماذا عن القبول في جامعة المعهد ، هل يشترطون الجيمات والتوفل ، ام لا ..

    وأخيراً أحب أن تضيئ على ناحية السكن التي أنت فيها وكم تكلفتها ، وكم تبعد عن المعهد .. الأخت برنسيسه تقول بأنها تسكن في فرجينيا وهي لا تبعد كثيراً عن المعهد ، أين تسكن أنت وكم تكفلته ، وهل هو مناسب لطالب ، وهل هو مختلط ( يعني من جنسيات مختلفه أم كلهم خليجيين ) ..

    الله يعينك علي اخي خايف ولكن هي حالة تمر على الجميع ، وأعتقد بأنها قد مرت عليك ، حيث حبل الأسئلة لا ينتهي عند حد معين .. لكن جزى الله الجنه من وقف بجانب أخوته المقبلين على حياة جديدة من التحصيل الدراسي ..
    7 "
  8. السلام عليكم

    اخوى كلام الاخ صحيح صدق هم يكرفون بس خذها باستمتاع فانت مو طالب باكلوريس طالب ماستر واصلا اللى تسويه راح تحسه مو شي يبليه بس تتعود وانا اشوف اسلوبهم صحيح اما مده الدراسه فهي تعتبر بالترم واذا تبي تروح على اوغست انا شيكت المعهد باقي يومين على التقديم على fall semster يا دوب تلحق واذا تبي اساعدك بالتقديم مافي مشكله انا اعرف كل شخص مسول في معهد الجامعه لان نظامهم يعتبر ترم وكل ترم 4 شهور ماعادا الصيف يعتبر شهرين بس والله معهد جدا راقي واحلي شي حفل التخرج لكل سمتتراحس انى تخرجت من ماستر مو معهد طبعا هذا يدل على مستواهم .

    اما عدد الطلبه ترا مو كثير لان اعرف الاغلبيه يهربون من معهدها ويحولون على كابلن وغيره عشانه اسهل وعلى العموم انا وقتى كان مره معى بس وحده سعوديه والباقي مشكلين يابان واسبان وطليان وفرنسين وكورين يعنى خليط من كل الجنسيات ومره في الكلاس 2 او 3 وكانوا شباب فاصلا ما اكلمهم ومااعتقد هذا باثر لو فيه 2 او 3 معك بالعكس احس حلو تكون تعرف شخص معك .

    اما سكنى زى ما قلتك مرتاحه فيه وهو شقق خاصه وكمباوند كامل فيه مسبح ونادى رياضي وانت شوف اللى يناسبك بس انا بالنسبه لي اخترته عشان القرب الشديد من الجامعه والمنطقه حلوه وتحتى نهر يرد الروح المشي عليه .
    ولعلمك السكن في واشنطن مو سهل وانا اتنقلت كثير لين عرفت المناطق وخسرت كثير طبعا انا لانى عائله انت يمكن لانك لوحدك ممكن تمشي نفسك باى مكان .

    وان شاء الله اكون افدك
    7 "
  9. بارك الله فيكي اختي برنسيسه

    فعلاً لقد أعطيتيني فكرة شاملة عن هذا المعهد والذي يزيد إعجابي به كلما قرأت رد لكي أو للأخ خايف ..

    ولن أستغني عن مساعدتكي لي في التسجيل ، ولكن أموري في المملكة لم أرتبها للآن ، خاصة وأن لدي عائلة سوف أتركها ، وطفلة مقبلة على عام دراسي جديد وطفل أخر ، ولدي بعض الأعمال التي تحتاج لترتيب حتى لا يكون ورائي أمور تشغلني عن الدراسة ، وأنا حينما أذهب وأنقطع عن عائلتي أبحث عن الفائدة ، وأن أختصر على قدر جهدي مدة الدراسة واللغة حتى لا تضيع علي السنين ، وأعتقد بأن معهد قوي مثل هذا يؤدي الغرض مع الإجتهاد والصبر يمكن تحقيق الكثير في سنه وخير دليل أنتي والأخ خايف ..

    ولكن أختي الكريمة الكمباوند الذي تسكنين فيه كم يبعد عن المعهد ، وكيف طريقة التنقل ، وهل الأمريكان متساعدين مع م لا يجيدون لغتهم ، يعني هل أستطيع التخاطب بإنجليزية ركيكه مع رجل الشارع والبائع وغيرهم .. وهل بعد نهاية سنه اللغة وإجتيازها يمكن لي التحدث ولو بإنجليزية متوسطة تساعدني في إكمال الماستر بدون مصاعب ..

    أعلم بأنني قد أكثرة التساؤلات وقد يكون لديكي من الأهتمامات الأخرى مايغنيكي عن الوقوف أمامي والنظر فيما أخط ...

    دمتي بود ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.