الأعضاء الإشتراك و التسجيل

الملتقيات
ADs

إيجابيات وسلبيات ولاية نيويورك

إيجابيات وسلبيات ولاية نيويورك


NOTICE

تنبيه: هذا الموضوع قديم. تم طرحه قبل 4018 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية محمد آل ابراهيم
    محمد آل ابراهيم

    مبتعث جديد New Member

    محمد آل ابراهيم غير معرف

    محمد آل ابراهيم , تخصصى طالب , بجامعة Auburn University of Alabama
    • Auburn University of Alabama
    • طالب
    • غير معرف
    • New York for English Languge, New York after 3 weeks Alabama
    • غير معرف
    • Dec 2006
    المزيدl

    December 16th, 2006, 08:19 PM

    السلام عليكم ورحمة الله ................:85:

    نيويورك NY
    -معلومات عامة عن نيويورك -
    نيو يورك مقسمه إلى خمس اقسام
    منهاتن- بروكلين-برونكس-كوينس-ستاتن ايلاند
    الترتيب حسب غلاء الأسعار من الأغلى للأرخص

    إيجابيات:
    - طرق المواصلات متوفرة بشكل مستمر في الأيام العادية من الأثنين إلى الجمعة ومنها النوعين ( الباص - قطار الأنفاق ) ويتواجد في بعض المناطق قطارات سريعة (Exepres Train ) .
    -جمال المناطق المعروفة في نيويورك إذا حبيت تقضي عطلة نهاية الإسبوع في مكان هادئ ومريح او في اماكن تقدر توصل لها بسرعة بالقطار مثل منهاتن او سنترال بارك .
    - العلاقات بين الأجانب والأمريكين في نيويورك شبه ممتازه انا اقدرها بنسبة 90 % ممتازة لأن الأجانب يتمركزون في نيويورك بشكل كبير .
    -المطاعم العربية متوفرة والأكل العربي متوفر بالنسبة للمنطقة إلي انا فيها ( Yonkers-Bronx ) وفي بقالات عربية , يعني الأكل انشالله مو مشكله .

    سلبيات :102: : (لا تعليق )
    - الأسعار جنونية من ناحية السكن إذا كنت ساكن في منهاتن الله يعينك وانت نازل عاد بالنسبة لي انا عشت في مدينتين الأولى تاري تاون في معهدإي إف خلصت فيه 5 اسابيع ونقلت إلى معهد في برونكس والآن قضيت فيه حدود 5 اسابيع وانا في السادس اللحين الأسعار في تاري تاون ارخص شوي بس مازالت غاليه , في تاري تاون السكن في الدورم يكلف 700 دولار مع الأكل , في برونكس الدورم 1150 دولار مع الأكل , مع عائلة 910دولار مع وجبتين يوميا . من ناحية المواصلات فتعتبر غالية بالمقارنه بالولايات الثانية : قطار الأنفاق ب 2 دولار و القطار السريع على حسب المنطقة إلي انت فيها مثل تاري تاون تكلف الرحله 14.75 دولار رايح جاي و البرونكس تكلف 10.50 دولار . من ناحية التاكس ف التاكس 10 % مقارنه بالولايات الثانية فهو مرتفع صراحه . التبضع في منهاتن جميل ومغري جدااا بس غالي . الأكل في المطاعم نوعا ما غالي على حسب المطعم .
    -الجو باااارد جدااا وانا واحد من العالم إلي احب البرد بس مو بهالشكل هذا لأن الصراحه البرد يسبب الخموول الواحد يحتاج انه يكون نشيط في فترة الصباح لكن مافي امل , بتعشق السرير , لدرجة انه فراشي لونه احمر :92: .
    - الدراسة في امريكا تحتاج ممارسة وكما ذكرت انه نيويورك فيها جنسيات العالم كلها وكثير منهم يتكلمو اسبااني حتى بعض منهم مايعرفو انجليزي , صارت لي مواقف كثيرة دائما يفكروني مكسيكي او اسباني فأنحرج اهم يتكلمو اسباني وانا اناظرهم .

    ملاحظة :
    نيويورك مدينه سياحية لازم تكون متعود على التعامل مع جميع انواع الثقافات ولا تستغرب من اي شي يصير قدامك .

    انشالله لما اوصل لألباما بعد ثلاث اسابيع اعطيكم اخبارها كاملة لأني سمعت انها مختلفة كليا . بس انا واثق انها افضل دراسيا من نيويورك .

    أخوكم : محمد آل ابراهيم
  2. طبعا لاتنسى انو نيويورك ستي من اخطر المدن في امريكا
    وان المافيا متمركزين في هالمنطقه بشكل كبير
    واللوبي الصهويني هناك مسيطر سيطره تامه على كل شي

    غير كذا المدينه من ارقى مدن العالم
    شخصيا افضل بوسطن

    مشكور اخوي ع الموضوع
    7 "
  3. سلام :121:
    في البداية اخ Taxi انا عن نفسي انصح انكم تتجهون للولايات الكبيره والمشهوره بس بعضها ممتلأه بالسعودين والملحقية ماراح توافق وعني انا , انا انصح انه نتجه للولايات الهادية مثل انا راح انقل لألباما لأنها هادية ورخيصة وفي نفس الوقت جوهاا دراسي اما إذا انت جاي تبي تتنفس فأنصحك في فلوردا او نيفادا او كاليفورنا او نيويورك او متشجن بس لا تنسى انه معظم الولايات هذي يتمركز فيها سعودين كثير ماشاء الله , من وجهت نظري انا ما احب الأماكن المزدحمة بالعرب بشكل عام لأني جاي اتعلم مو اضيع وقت .


    ثانيا اخ هدوء انا اتفق معك في موضوع الإجرام بس مافي ولا ولاية في امريكا مافيها اجرام بعدين المجرمين مو فاضين لنا وإذا احد تحرش فيك رح لأقرب مركز شرطه ولا تكلمه بكلمه وحده لأنها يمكن تستعمل ضدك وفي النهاية هذا في جميع ولايات امريكا .........
    وانا شرحت مستوى المعيشة فإذا انت تقصد شي حدده , عموما انا ساكن مع يهود :101: ولا شفت منهم اي شي يمس ديني او يمسني وهذا اهم شي والحمد لله معاملتهم زينه بس في النهاية بظلو يهود.

    شكرا شباااب واتمنى انه اقدر افيدكم اكثر واكثر ...:109:
    7 "
  4. مشكوووووووووور على المعلومات وعلى فكرة انا في نيويورك. ارخص منك التاكس 8.75% ههههه

    في مدينة بافالو. بس والله المعيشة في نيويورك لها طعم خخخخ

    وانا اتفق مع الأخ محمد السكن عندنا هنا بالمرة غالي الله يعيننا
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.