الأعضاء الإشتراك و التسجيل

الملتقيات
ADs

للي عنده معلومات عن السكن في واشنطن...مرررررررة محتاجه

للي عنده معلومات عن السكن في واشنطن...مرررررررة محتاجه


NOTICE

تنبيه: هذا الموضوع قديم. تم طرحه قبل 3047 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية **بدون اسم**
    **بدون اسم**

    مبتعث جديد New Member

    **بدون اسم** الولايات المتحدة الأمريكية

    **بدون اسم** , أنثى. مبتعث جديد New Member. من السعودية , مبتعث فى الولايات المتحدة الأمريكية , تخصصى لغويات , بجامعة جورج تاون
    • جورج تاون
    • لغويات
    • أنثى
    • واشنطن دي سي, واشنطن دي سي
    • السعودية
    • Jul 2009
    المزيدl

    August 12th, 2009, 12:20 AM

    السلام عليكم ورحمة الله وبركاته جميعا....
    راح ادخل في الموضوع بدون مقدمات...أنا صراحة بدأت ادخل مرحلة اكتئاب ومالي يومين في واشنطن دي سي...مشكلتي في السكن وحايسه طول اليوم ادور على سكن ومالقيت...انا اول مره اجي امريكا ومالي يومين واصله وماعرف المناطق فيها...أرجوكم اللي عنده معلومات عن السكن في واشنطن دي سي او فيرجينيا، لا يبخل علي...والله في اشد الحاجده لأي معلومات...وماقدر اقول غير من فرج عن مسلم كربه من كرب الدنيا فرج الله عنه كربه من كرب يوم القيامه
  2. هلا بك اختي
    انا ودي والله اساعدك باللي اعرفه واقدر عليه بس انتي ماقلتي وش نوع السكن اللي تبينه وهل انتي معك عائلتك والا كيف... وماهي وسيلة المواصلات اللي تستخدمينها للتنقل من والى المعهد عشان يسهل علينا موضوع البحث ويصبح واضح..
    ..مع العلم "مبدئيا " احب اقولك ان السكن في فيرجينيا هو الافضل لك طبعا من ناحية الامن وتنوع المساكن والاسعار ... ومنطقة ارلنجتون هي الاقرب والافضل لكن السعر سيكون اعلى حسب القرب من محطات المترو ..
    ولا يفوتك البحث والاتصال عن طريق موقع
    www.rent.com
    www.apartments.com
    هالموقعين مفيدين جدا
    وبالمناسبة انتي تدرسين ماستر حسب ماقريت .. ودي اعرف وش التخصص وباي جامعة وكيف كانت عملية الحصول على القبول لك ياليت لو تفيديني اختي .. وخصوصا تفاصيل الحصول على القبول ..

    بانتظار توضيحاتك لكي نستطيع مساعدتك والاخوان ماراح يقصرون كذلك
    ربي معك ويوفقك
    تحياتي لك
    7 "
  3. اشكرك كل الشكر اخوي باحث مجتهد على ردك ...بالنسبة للسكن أنا ادور على شقة تكون غرفتين نوم او غرفه وحده بس مع صاله كبيره...أنا معي والدي واختي فحنكون 3 اشخاص ...وصراحة الشي اللي مقلقني اكثر شي هو الأمان في المنطقه...دخلت على عدد من المواقع وشفت عروض كويسه بس ماعرف كيف المنطقه هل هي امنة او لا...بالنسبة للمواصلات...طبعا عن طريق المترو او الباص بس مابي شي بعيد مرررة عن الجامعه...أنا في جامعة جورج تاون..والتخصص اللي ادرسه هو تدريس اللغة الإنجليزية لغير الناطقين بها في قسم اللغويات...بالنسبة لعملية الحصول على قبول،،، طبعا تختلف شروط القبول من تخصص لأخر...انا طلبوا مني بحث مكتوب تقريبا 15 صفحة..ستيتمنت اوف بوربوس اللي تكتب فيها الهدف من دراستك للتخصص ووش راح تسوي بعدين فيه...طبعا اختبار التوفل او الأيلتس..أنا بالنسبة لي اعطيتهم الأيلتس لأني اخذته واقل درجة ممكن يقبلوها هي 7 ونص فيه ذا بالنسبه لتخصصي ماعرف كيف التخصصات الثانيه...بعد طلبو مني رسايل توصية...واكيد شهادة البكالوريوس مع السيرة الذاتية والخبرات العملية والحمد لله حصلت على قبول في برنامج الماجستير. عملية القبول الحمد لله كانت سهلة...اهم شي تستوفي كل الطلبات والشروط لكن ياخذون وقت طويل في الرد على طلبك اذا قبلوه او لا بس طبعا انتظر وحاول تعرف من منسق البرنامج اللي تبي تسجل فيه متى المفروض انك تحصل على رد بالضبط منهم عشان تعرف ترتب امورك. أتمنى لك كل التوفيق والنجاح اخوي ولكل المبتعثين والمبتعثات ان شاء الله.
    7 "
  4. هلا بك اختي بدون اسم "" ماعرفت اناديك في ردي الاول ماقلت النك حقك لاني ماعرفت وشلون اقوله ... جاني شد عضلي في اوتار المخ "
    عموما اختي .. انا انصحك وبشدة دامك مركزة على موضوع الامان ان تسكني في فرجينيا ارلنجتون اولا المنطقة راقية وامان وثانيا قريبة جدا من دي سي ويكاد يفصل بينهم فقط النهر...
    وثالثا اغلب مناطق فرجينيا امنة اكثر من دي سي حسب ما اعرف .. وايضا فرجينيا بمناطقها ارلنجتون والاكزاندريا وفيرفاكس وفولس تشيرتش .. يكثر فيها العرب والخليجيين بصورة خاصة والسعوديين ايضا وهذي نقطة مهمة ممكن تعجبك او لا شي يعتمد عليك
    وبالنسبة لموضوع الشقة بتلقين اللي تقولين عنه وبعروض جيدة عند الديلرز في اي منطقة ذكرتها لك واتوقع شقة غرفتين اصلح لك ولعدد عائلتك لكن يجب ان تعلمي انه كلما كانت شقتك قريبة من محطة المترو بيكون السعر اعلى وهالشي لازم تحسبين وفق امكانياتك ..
    والمواقع اللي عطيتك فيها عروض وارقام تلفونات ممكن انك تتصلين وهم بحكم معرفتهم بيعطونك ويدلونك على اي ديلر في المنطقة اللي تختارين وبيوريك الشقق اللي عنده...
    دعواتي ان ربي يسهلك موضوع السكن.... بشكل سريع وفق ماترغبين ... انشالله ... امين
    وبالنسبة للجامعة انا سالتك لــــــيه ..؟ قولي ليه .؟

    لاني انا نواي ناشالله اكمل الماستر وكنت حاط دي سي من ضمن خياراتي بس كنت اسمع كلام كثير ان جامعاتها وخيار انك تنقبل فيها صعب جدا ... ووصلت لمرحلة غض الطرف عنها ,, مع ان جورج تاون كانت من ضمن الجامعات اللي مفكر اني اكمل فيها بس تعرفين ربعنا يحبون التحطيم .. وكسر الطموح
    لكن هل انتي كنتي حاطتها في بالك بالتحديد هالجامعة ؟.؟
    ولا كانت من ضمن عدد من الجامعات وجاك قبول منها الاول .؟؟
    لاني انا ناوي اكمل لغة سنة الاول وبعدها اكمل الماستر ومن هنا حسيت انه ولاية اخرى ممكن تكون افضل لي لو جامعت دي سي ماراح تقبلني مثلا.. مع العلم اني مبتعث من جهة عمل مو وزارة التعليم العالي
    اطلت عليك اختي ..
    ربي يوفقك
    وانتظر منك البشارة انك لقيتي سكن واخبارك اول باول
    تحياتي لك
    7 "
  5. أخوي باحث مجتهد أسأل الله ان ييسر لك ويسهل لك امورك ومشكور الف شكر على الدعوات الطيبه...ثانيا بالنسبة لموضوع التحطيم انا اقول لك خلك من ربعنا وتحطيمهم...لا يأس مع الحياة ولا حياة مع اليأس وبالعكس خلي طموحك عالي...شوف انا مالي الا يومين في امريكا ورايحة جايه على الملحقية بس والله احمد الله واشكره ان جامعتي في واشنطن دي سي...اولا لسه اوراقي ماخلصتها كلها وكل يوم مضطره اراجع...ثانيا...والله حزنت عليهم الباقين اللي جامعاتهم في ولايات اخرى...طول اليوم متوترين يبون يخلصون ويلحقون رحلاتهم عشان يروحون للولايات الثانية..والبعض اضطر يأجل رحلته عشان ماخلص .بجد حمدت الله اني اخترت اجي جورج تاون في واشنطن دي سي مع اني جاني قبول في جامعات في ولايات ثانية..انت توكل على الله وقدم في جورج تاون او جورج واشنطن او حتى جورج ميسون.. وبالنسبة للمعهد في جورج تاون القبول فيه سهل جدا ...أختي مسجله فيه وجاها القبول والاي توني خلال اسبوعين بالكثير...والمعهد سمعته ممتازة جدا...عموما اتمنى لك التوفيق اخوي وين ماتروح ومشكور الف شكر على نصايحك بخصوص السكن وان شاء الله تتيسر وتتسهل والاقي شقة قريب ..
    7 "
  6. اهلا ياختي
    ولكم ان دي سي
    مايحتاج تكتئبي ولايجيكي حاجه لانه بعد فتره انتي حترفضي ترجعي لانك انبسطتي انشالله
    اول شي الله يوفقك
    واختيارك لجورج تاون ممتاز
    بالنسبه للسكن
    الوقع اللي قال عليه الاخ ممتاز
    وهذا موقع ثانيRentals.com - Homes for Rent, Apartments, Houses for Rent, Vacation Rental Homes
    ماعليك الا تدخلي الزب كود
    وتختاري عدد الغرف
    الاخ مدح لك منطقه ارلنجتون
    وانا اوفقه تماما
    ممتازه وشرحه وامينه مره
    وانصحك بالزب كود
    هذا 22202
    اللي هو بنتاجون سيتي
    منطقه فيها مول كبير وسوبر ماركت ومترو
    هي غاليه لكنها حلوه
    كمان في 22203
    حلوه وغاليه شويه
    وفيه
    الكساندريا
    وهذي الزب كودتبعها
    22312
    او 22314
    هذي حلوه كمان
    وفيها نفس المميزات
    لكن ارخص بكثيير
    الله يوفقك يارب
    ولاتنسينا من دعاك
    لو احجتيحاجه احنا فالخدمه
    7 "
  7. تسلمي اختي بدون اسم ...
    يمكن ماتصدقين
    بالفعل قبول معهد اللغة مرة سهل وجاني قبول منه ولكن لاسباب ان الجامعات يقولون صعبة القبول مو القصد صعبة الدراسة ولاسباب ازدحام المعهد في جورج تاون ولا سباب اخرى .. بديت افكر بخيار اخر
    وجالس ادور لي وجهة اخرى واحتمال انها نيوجرسي جامعة روتجرز (ستيت يونيفيرستي اوف نيوجرسي) وجالس اسال عنها وعن معهدها وولحين مالقيت علم عنها
    لاني ناوي ماستر بعد اللغة انشالله
    وللاسف الوقت ماعاد من صالحي الان ولازم اقرر ياواشنطن او نيوجرسي

    مع العلم اختي اني مبتعث من جهة عملي
    مو من وزارة التعليم العالي
    ومحتار ربي يسرها لكن واشنطن لدي الكثير عنها نظرا لانها كانت خياري الاول واعرف ناس كثير فيها, ومادري هي الان اصبحت بالنسبة لي ماضي والا لا
    لكن ربك يسرها انشالله
    واختنا جوجو كانت معنا على الخط وماقصرت بالتفاصيل المفيدة اللي احاطتك فيها ربي يجزاها كل خير
    تحياتي لك وربي معك انشالله
    موفقة للخير دائما
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.