كيف استفيد من المده المتبقيه من البعثه

السلام عليكم

سوالى هو اذا كانت مده ابتعاثي 3 سنوات وانا انتهيت الدرجه التعليميه خلال سنتين وبقي سنه في مده ابتعاثي

ايش ممكن ادرس خلال المده هذه؟

انتي الي تقدرين تاخذين راحتك فيها اللغه اذا لغتك تمام تجيبين قبول وتدرسين عشان كذا انتي ترسلين كل ماتخلصين سمستر ترسلين الدرجات حقتك وجدولك للمشرف الدراسي ماتقدرين تدرسين الي جيمات وجي ار اي او توفل زياده عن مرحله اللغه اذاخلصتي بيعطونك مكافئه راتب شهر وترجعين السعوديه خلال شهر بعد ماتخلصين في السنتين

بس انا ما درست جى ار اي ولا اعطونى اياها والتوفل جبته بنفسي ما اعطونى ادرسه
طيب كيف يعنى هل تضيع على سنه كامله من مده ابتعاثي ؟؟
بصراحه قهر لو ادري كان تمططت في اللغه ؟؟

طيب كيف لو ما ارسلتهم انى تخرجت هل اقدر استفيد بعدين والا شلون بصراحه مره مقهوره

انتي الحين تدرسين وخلصتي للغه ؟
كيف وضعك جبتي قبول جامعه ؟

ما اقدر ادرس فيها جى ار ايه واتسوي ترقيه للبعثه للدكتوراه

انا خلصت اللغه في 8 شهور وهذا الترم راح ابدا بالجامعه لان الحمد لله جانى قبول ودته الماستر من 12 الى 14 شهر وفيه صيفي مو مثل البرامج الثانيه عشان كذا بدل ما اخذ اجازه بالصيف راح اضطر ادرس فراح يتبقي من مده ابتعاثي 9 شهور حسافه ما استفيد منها .
ما اعرف احد عنده حل

تقدرين اذا خلصتي الدراسه تاخذين كورسات تقويه جي ار ايه لو تبغين الحين عادي تكلمين المشرف ويرسلك الضمان حق معهد كابل او اي معهد تدرسين فيه كورسات تقويه كثير ماخذين بس انتي ماحسبيتها صح من اول مو مشكله خلصي بدري عشان تكملين دكتوراه

السلام عليكم ورحمته الله وبركاته
اذا كتب لكي خريجا لا تسطيعين عمل شي الا في حاله واحده انت تاخذي بحث وتطلبي من احد الدكاتره يعطيك كمبليت في اي ماده واذا سالك لما قولي له انك تردين فرصه للبقاء لكي تبحثي عن قبول الدكتوراه وبعدها سجلي في كورس من الذي ذكره في الاعلى ذلك لان تسطيعين فعل شي ومنها تتاكدين من امور الترقيه ولكم مني اجمل تحيه

الاخ هلالي كيف اطلب كورسات تقويه الجى ار اي هل تقصد انى ما ابدا الماستر اوتقصد بعد الماستر اطلبها ؟؟

الاخ توليدو ايش يعنى كمبليت في الماده وكيف اطلبها بصراحه ما فهمت طريقتك .

طيب سوال متى اصلا تصدر شهاده التخرج هل تفسها باخر يوم من الدارسه والا متى ؟
اذكر مره عمي قالي وهم مبتعثين ايام الثمانينات وبصراحه هو اللى نبهنى لها النقطه ان احد اصحابه رجع السعوديه وما عطاهم شهاده التخرج الا بعد ما رجع السعوديه وانتهت مده بعثته بس ما سالته كيف وتارريخ التخرج صراحه مااعرف بس اكيد فيه طريقه لان بصراحه مده الابتعاث من حقي لو انها شهر او اثنين مو مشكله بس راح يبقي حدود السنه

كم باقي علي دراسه الماستر