الأعضاء الإشتراك و التسجيل

الملتقيات
ADs

معهد لغة في فيرجينيا

معهد لغة في فيرجينيا


NOTICE

تنبيه: هذا الموضوع قديم. تم طرحه قبل 2121 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية K.A.A
    K.A.A

    مبتعث جديد New Member

    K.A.A الولايات المتحدة الأمريكية

    K.A.A , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى finance , بجامعة PSU
    • PSU
    • finance
    • ذكر
    • انشاء الله virginia, انشاء الله virginia
    • السعودية
    • Aug 2009
    المزيدl

    September 17th, 2009, 04:12 AM

    السلام عليكم ورحمة الله وبركاته

    مرحبا وكل عام وانتم بخير بقروب عيد الفطر المبارك
    انشاء الله تكونوا بصحة وسلامه


    شباب عندي سؤال ودي اعرف معهد لغة يكون مره كويس في ولاية فيرجينيا
    ويكون معترف في من قبل الوزارة

    وان اللي يلتحق فيه يستفيد منه باكبر قدر ممكن

    وعلى فكره اني راح اطلع على حسابي الخاص

    اللي عنده معلومات او معاهد انضم لها يبلغني
    ولكم لك الشكر
  2. اما معهد لغة فرجينيا كومونويلث قصة فشل اليمه وضياع وقت...يتحسر قلبي لا شفت العالم اللي فيها..والله ان مستويات بعض المعاهد في الرياض اطلق منه ،،ومزديه فيه الملحقيه يوم تقفله..
    معهد جورج مايسون وهو els فكثير سمعتهم يشتكون منه وانا مدري عنه شخصيا
    في معهد في اوستن تكساس مستقل اسمه TOIC..مستويات متميزه جداااااااااااااااااا لمدرسينه ومناهجه كمان..هدفهم بالاساس يعدونك للتوفل ..مو بس يدرسونك لغة انجليزية..لكن المشكله انك مرتبط بفرجينيا ..ولو توسع نطاق بحثك شوي بتلقى ان شاء الله.
    باقي عندي معلومه وحده (انا مدري وش مستواك الاكاديمي) لكن فيه معهد تابع لكلية نوفا ولها 6 كامبوسس في فرجينيا طب وتخير ..اسمه NOVA كمان اسعارهم مهاوده لانهم كومينيتي كولج.
    بالتوفيق
    7 "
  3. بالنسبة لمعهد اللغه حق فرجينيا كومنولث ,,,, فهو معهد لغه قوي وأنا أدرس فيه واستفدت كثيرا.. لكن مشكلة الملحقية معهم إنهم يمددون الدراسة بدل ماكانت سنة ونصف أصبحت سنتين - طمع في الفلوس - فلذلك قررت الملحقية إنها توقف الإبتعاث لهم حتى إن الجامعة الآن حاسين بغلطتهم ويتكلمون عن مشكلتهم مع الملحقية , بس تدريسهم قوي بكل امانة وصعب ويرسبون إذا حسوا إن الطالب مايستحق إنه يعدي ولايجاملون أحد ,,, برضه هناك طلاب من جنسيات متعددة وطريقة التدريس عندهم بإحترافيه عالية ... بس أنا لاحظت شي يوم جيت لأمريكا , الأمريكان مثل المصارية بالضبط طماعين يحبون الفلوس بس مايشحدون , ياخذون فلوسك بطرق ملتوية والشواهد على ذلك كثيرة من معاهد اللغه بشكل عام وليست فقط فرجينيا وبالتوفيق !
    7 "
  4. المشاركة الأصلية كتبت بواسطة Clinical Pharmacist
    بالنسبة لمعهد اللغه حق فرجينيا كومنولث ,,,, فهو معهد لغه قوي وأنا أدرس فيه واستفدت كثيرا.. لكن مشكلة الملحقية معهم إنهم يمددون الدراسة بدل ماكانت سنة ونصف أصبحت سنتين - طمع في الفلوس - فلذلك قررت الملحقية إنها توقف الإبتعاث لهم حتى إن الجامعة الآن حاسين بغلطتهم ويتكلمون عن مشكلتهم مع الملحقية , بس تدريسهم قوي بكل امانة وصعب ويرسبون إذا حسوا إن الطالب مايستحق إنه يعدي ولايجاملون أحد ,,, برضه هناك طلاب من جنسيات متعددة وطريقة التدريس عندهم بإحترافيه عالية ... بس أنا لاحظت شي يوم جيت لأمريكا , الأمريكان مثل المصارية بالضبط طماعين يحبون الفلوس بس مايشحدون , ياخذون فلوسك بطرق ملتوية والشواهد على ذلك كثيرة من معاهد اللغه بشكل عام وليست فقط فرجينيا وبالتوفيق !
    من وجهة نظر شخصيه مبنيه على ملاحظه مباشره اؤكدلك انا المشكله مو بمناهجهم بس..الا بمستويات بعض مدرسينهم المتدنيه .... ولك انك تسأل عن تخصصات مجموعه منهم عشان تتأكد ان بعضهم (وانا ما اعمم )مالتخصصه علاقه بتدريس اللغه الانجليزية كلغة ثانيه !!!!!..والمصيبه المستويات المتقدمه تلقى بها مدرسين اردى من الردا كمستوى تدريس..والضحايا للاسف هم الطلاب .
    في نقطه هامه..وهي اني اول مره اشوف معهد يشرط انك تجيب فوق 80 من 100 عشان تنجح والا رسبوك ..والغرض مثل ماتفضلت ..هو انهم يطولون المده على الطلاب ويحصلون زود دراهم ...مصاريا على قولتك .وماعرفلهم الا الملحقيه يوم توقف بحلوقهم لعلهم يستأدبون.
    بإعتقادي ان الدكي الحقيقي هو اللي يخلص التوفل بدري ويلحق عمره ولا يضيع وقته بمتاهات هالمعاهد ..اللي تستنزف من العمر والجهد الكثير.
    دعواتي للجميع بالتوفيق
    7 "
  5. أهلا أختي

    أنا لسى أول ترم لي وحطوني مستوى متقدم ... أشوف إن معهد اللغه حقهم جيد لأني زرت معاهد غيرهم وعرفت الفرق الحقيقي,,,, أما مسألة تخصص المدرسين عندهم ... هذي أعتقد إنها في كل المعاهد يجيبون خريج تاريخ أو جغرافيا ويخلونه يدرس اللغه للأجانب ,,, هم فلسفتهم في هذا يقولون إن خريجين العلوم الإنسانية (( well rounded )) يعني عندهم ثقافه عاليه عن الشعوب والحضارات وهم أكثر ناس يقدرون يتعاملون مع الأجانب ويعرفون كيف ياخذون ويعطون معهم ,,,, عموما أختي كلامك سليم مئة بالمئة الواحد ياخذ توفل او ايلتس ويريح نفسه لايقعد يتمرمط معاهد وقلة حيا ,,,, وبالتوفيق للجميع
    7 "
  6. سلام عليكم اخوي انا راح اقول لك من وجه نظري معهد النوفا الى له 6 كامبس ممتاز بس ما تعتمد عليهم كل الاعتماد حاول تتعلم كلمات من نفسك لان المعهد يعطيك 40% من اللغه والباقي عليك وانت وشطارتك وكمان خل في مخك نقطه انك بتجيب اللغه في 6 شهور وراح ان شاء الله تجيبها لان راح تكون ضاغط على نفسك لازم تخلصها في 6 شهور واذا ماقدرت على الاقل سنه على فكره انا لغتي كانت صغر وضغطت على نفسي وجبتها في 6 شهور يعني انشاء الله بتقدر وبعد حاول تغيب اول يوم في الدراسه علشان ما احد يعرف جنسيتك واول ما تجي حاول تتكلم بس انجليزي وكون صداقه كثير بس يكونو مايعرفو يتكلمو معك الا بلانجليزي اهم شي انجليزي نو عربي انسا انك تتكلم عربي واذا احد سالك تتكلم عربي قول لا اول ما تجي امريكا ان شاء الله اكون افدتك لان انا سويت كذا والحمد الله خلصت اللغه في 6 شهور والحين ادرس جامعه الحمد الله الله يوفق الجميع واذا في بالك معهد محدد في فرجينيا قول اسمه و اعلمك كيف مستواهم في التعليم ولا يردك الا الكيبورد
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.