يا حلوين ممكن تساعدوني ؟

السلام عليكم :smilie_gruenweiss:


انا مسجله بالبعثه وان شاء الله اتقبل القبول النهائي ادعولي :crying:

حبيت اسألكم انا نفسي ادرس في بوسطن بس كتييير قالولي مررررره غاليه وما تكفي المكافئه مصاريف العيشه هناك وماني عارفه ايش اعمل الفكره انه ممكن اسكن انا وصحبتي بشقه وحده ممكن كدا تكفينا المعيشه هناك ولا لا

وازا ما تكفي المكافئة الحياه في بوسطن تنصحوني في ايت مدينه او ايت ولايه بس تكون في المناطق الشرقيه عشان تكون قريبه من الملحقيه بلييييز احتاج ردكم ساعدوني:nerves:

علما اني متخرجه من جامعة الملك عبد العزيز ومعدلي 4 من 5 وابغى اكمل ماستر في الحاسب الالي ايش افضل الجامعات الي ما تكون مررره صعبه يعني سهله ودراستها حلوه وهل يفضل اني ادرس بالمعهد تبع الجامعه كدا راح يكون قبولي اسرع ؟


اتمنى انكم تساعدوني وشكرا مقدما للكل ونردلكم هيا في الافراح ان شاء الله:violin:

اهلين ماريا عليكم السلام
اول شي الله يوفقك بالبعثة انشالله
بوسطن تعتبر من اغلى المدن في امريكا بس ممكن على ما سمعت من اسعار هناك انك تلقي سكن انتي وصاحبتك بحدود الف وستمية الى الفين دولار طبعا وسط مو شي مرررة ممتاز والله اعلم ممكن تشيكين على الأسعار فيه كذا موقع
Apartments for Rent & Homes for Rent - Rent.com® Apartment Finder
craigslist classifieds: jobs, housing, personals, for sale, services, community, events, forums
وبتاخذين فكرة عن الاسعار منها انشالله

انتي منتي مجبورة تسكني جمب الملحقية لأن كل شغلك تخلصيه بالايميل وبالتلفون لكن لو تحبين تكوني قريبة من الملحقية عندك واشنطن دي سي او فرجينيا اجمالا بس بصراحة مالي خبرة فيها فما اقدر افيدك
انا في فلوريدا ومرتاح هناك واسعارها معقولة بالنسبة لمدينة تامبا او اورلاندو فيها جامعتين
University of South Florida في تامبا
University of Central Florida في اورلاندو
اورلاندو سمعت ان الدراسة بجامعتها صعبة وكثير حولو منها لجامعة جنوب فلوريدا هذا بالنسبة للبكالوريوس لكن للماستر ماني متأكد
بس تخصصك حاسب آلي يعني هندسة وللا كومبيوتر ساينس لأن فيه اكثر من تخصص بالحاسب الآلي لازم تحددين بالضبط
معدلك ماشالله حلو ويكفي للتقديم بالماستر لكن فيه نقطة فيه اختبار قبول الماستر وهو جيمات او جي ار اي يعتمد على حسب التخصص ان حصلتي جامعة ما يطلبون جيمات بيكون افضل واسهل لكن مو معناه ان الجيمات مستحيل فيه صعوبة
فيه شي ثاني المعهد بعض الجامعات يكفي انك تخلصين معهدهم وتبدين دراسة جامعية
لكن اغلب جامعات امريكا يطلبون توفل لو كان يكفي المعهد بتكون افضل واسرع
انشالله اني افدتك ولو فيه اي استفسار ثاني خذي راحتك

شكرا liger على معلومات والله يديك العافيه :) بس من جد مااعرف شكلو من جد بوسطن مرره غاليه شكلي راح اصرف النظر عنها
بس فلوريدا كلها سعودييييين واللغه ماراح تزبط معايا انا ابغى منطقه فيها عرب قليل عشان اتقن اللغه ......

حسب ماسمعت اللي بيدرس لغة يروح الولايات اللي في الوسط احسن

لأن مافيها عرب كتير

زي تينسي مثلا

امممممممممممممم صح كلامك لانه اغلب العرب في الشرق او الغرب فكره حلوه شكرا اخ SAUDI 4 EVER

بوسطن غاليه لاكن اذا عرفتي كيف تضبطي الميزانية راح تكفيك وزيادة
المدينة تعتبر امنه وجميله جدا وغالبيتها طلاب...
الجامعات هنا مو بالصعوبة اللي نسمعها لاكن من الممكن الدراسه
فيها مع التركيز والاهتمام, ومستوى الجامعات هنا وترتيبها عالمياً مايحتاج
اتكلم فيه ..

انا ما ارشح ماساتوتس ولا اي ولايه من ولايات ما يسمى (New England)
اللي هما ولايات مين ونيوهامبشر وكونيكوتكت وفيرمونت ورود ايلاند....الولايات هذه بارده جدا وهذا عيبها الوحيد...لكن اشهر وافضل جامعات امريكا تقع بهذه الولايات....
انا الان بولايه بينسيلفينا وهي تقع جنوب هذه الولايات ولذلك ينالها نصيبها من البرد ومن الثلوج....لانك كل ما اتجهتي شمالا باتجاه كندا كلما اقتربتي من الصقيع ومن بروده القطب الشمالي.....

وكلما اتجهتي جنوبا كلما اعتدل الجو ....وبامانه عامل الجو مهم جدا.....البرد يسبب الاكتئاب لانه يضطرك ان تلازمي المنزل.....لكن الولايات ذات الجو المعتدل طوال السنه....تستطيعي ان تسمتعى بنشاطات خارج المنزل
ايضا انا لا انصح بولايات التى تقع في اقصى الجنوب....يغلب عليها العنصريه وكثره الاعراق والاجناس من سود...ولاتين الخ
انا ارشح ولايات الوسط والغرب.تحديدا.....كولارادو.....واريجون.....ولايات جميله.....وذات جو معتدل

بالتوفييييق

anyway It depends on you

الله يديك العافيه اخ saudi_in_penn من جد افدتني وان شاء الله اتوصل واقرر على ولايه مناسبه لانه من جد شي يحيرررر

:)

اخ eaalghamdi شكرا :) والله يقدم الي فيه الخير ........