الأعضاء الإشتراك و التسجيل

الملتقيات
ADs

بوسطن .. نورث ايستيرن .. بوسطن

بوسطن .. نورث ايستيرن .. بوسطن


NOTICE

تنبيه: هذا الموضوع قديم. تم طرحه قبل 4248 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. السلام عليكم ورحمة الله و بركاته
    بالنسبه لهذا الموضوع (جامعة نورث ايسترن Northeastern University) فا ابشروا باللي يعطيكم معلومات عنها و بكل دقه، فأنا ادرس في هذي الجامعة من 6 سنوات و من شدة اعجابي فيها كملت الماجستير فيها الآن. جامعة ملمومه على بعضها يعني ما يحتاج مواصلات. و في طرف الداون تاون و كل شي قريب منك والدعوا كلها مشي في مشي.... و بوسطن عاصمة ماستشيوستس وهي تعتبر ولاية العلم و ذالك لكثر الجامعات المميزه فيها و عددها فولاية ماستشيوستس فيها اكثر من 300 جامعة و كلية و افضلهم :
    1. Harvard University
    2. MIT
    3. Tufts
    4. Boston Univeristy
    5. Boston College
    6. Northeastern University
    7. Bentley College
    و القائمه طويله.

    تاريخ الجامعة:
    في عام 1898 قامت جامعة هارفارد و جامعة بوسطن بأنشاء جامعة نورث ايسترن كجامعه خاصه و بنظام الكوارتر (يعني اربعة اترام في السنه) الخريف و الشتاء و الربيع و الصيف و كل ترم عشرة اسابيع فقط ثم الامتحانات النهائيه لمدة اسبوع. في عام 2003 غيرت الجامعة نظامها من كوارتر الى سمستر (يعني زي نظام الجامعات العادي و كل ترم 15 الى 16 اسبوع)
    كل جامعه في امريكا تتميز عن الجامعات الاخرى بتخصص تبدع فيه .... فمثلاً جامعة هارفارد متميزه بالقانون و الطب و الرياضيات و الاقتصاد. ولكن في التخصصات الأخرى مثل الهندسه هناك جامعات كثيره افضل من هارفرد مثل MIT و Purdo University و غيرها. و لو بحثت في موقع الوزاره بالتخصصات و اخترت تخصص الهندسه ، فلن تجد جامعة هارفرد من ضمن الجامعات الموصى بها.
    و على فكره ترى ممكن تسمع عن MIT و هارفرد انهم في كينبردج و ليس في بوسطن و هذا صحيح لكن عندما نقول بوسطن فمعناها منطقه الداون تاون و يفصل كينبرج عن بوسطن نهر شارلز و يربطهم جسر مسافة 5 دقائق مشي.

    نعود للحديث عن جامعة نورث ايسترن.

    تخصصات الجامعه:
    اكبر تخصص تركز عليه الجامعة هو الهندسة ثم الحاسب ثم البزنس ثم الصيدله و الصحه و التمريض ثم القانون ثم بعد ذالك التخصصات الاخرى.

    عدد الطلبه في الجامعة:
    22900 طالب اكثر من 18000 طالب full time يعني انتظام كلي و الباقي انتظام جزئي. حسب احصائية عام 2004

    السكن و تكلفة المعيشه:
    السكن غالي في بوسطن وذالك بسبب ان اثرياء العالم يرسلون ابنائهم لمدينة بوسطن
    لتميز جامعاتها فاثر ذالك على المدينه اقتصاديا مع مر السنين و سترى اسعار خياليه مثلاً شقه غرفتين في بوسطن او كيمبردج سعرها يتراوح بين 2500 الى 3000 دولار في الشهر و احياناً 5000 دولار... لكن هذي الشقق فخمه و مخصصه لعيال النعمه هههه و انا ساكن في الدورم ( سكن الجامعة) بسعر 3000 في الترم يعني اربع شهور ، 3000 تقسيم 4 يطلع لك السعر 750 شهرياً..... قمه في التوفير و في حرم الجامعة (دقيقتين وانت في الفصل)...... وخل لحافك على قد رجليك ..... و الخبال مالله حبه.

    صور من الجامعة:

































    و خير الختام السلام
    7 "
  2. لا شكر على واجب
    والله بالنسبه للقبول .... بدو يصعبونه شوي بس اذا درجاتك عاليه في الثانوي ما اعتقد فيه خلاف
    و يعتمد ... مثلاً طالب بيقدم على قبول في الهندسه الكهربائيه يطالعون درجاتك في الرياضيات و الفيزياء ...... اما اذا كان التخصص اللي تبينه حاسب آلي فيطالعون درجاتك في الرياضيات و الحاسب، باختصار المواد اللي لها علاقه في التخصص تهمهم في اتخاذ قرار القبول
    اما بخصوص امتحان القدرات اذا كان الوزارة هي اللي مقدمه اوراقك فاعتقد هم اللي يقدرون يجاوبون سؤالك هذا و هم ادرى مني في امور القبول.
    المدينه غاليه للي ما يعرف نفسه ..... يعني اذا اخذتي السكن في الجامعة ب 3000 دولار لكل ترم ( اربعه اشهر) فيه لك خيار ثاني و هو انك تاكلين في مطعم الجامعه او المطاعم اللي بجوار الجامعة حسب عدد كميات الوجبات في الاسبوع باشكل التالي:
    19 وجبه في الاسبوع بمبلغ 2275 دولار في الترم.
    15 وجبه في الاسبوع بمبلغ 2100 دولار في التروم.
    10 وجبه في الاسبوع بمبلغ 1825 دولار في التروم.
    ولا اعتقد ان المدينه غاليه جداً الا للي يبي ياكل في مطعم خمس نجوم و فاتورته لا تقل عن 100 دولار هذا شي ثاني.

    سلام
    7 "
  3. على فكره .... نسيت اذكر بالرد ان جامعة نورث ايسترن هي مؤسست جامعة الملك فهد للبترول و المعادن وذالك بتكليف من شركة ارامكو عام 1962 و هذا الكلام منسوب لبرفسور في جامعة نورث ايسترن و كان مسماها ذاك الحين كلية البترول و المعادن .....و حدثني عن هذا الموضوع عندما قلت له انني من السعوديه. و هو برفسور مشهور في الهندسه الكهربائيه في امريكا و اسمه برفسور سكوت.
    7 "
  4. يعطيك العافية اخوي على هالمعلومات
    بس حبيت اسألك انا بمكل الماجيستير في المحاسبة
    الجامعة فيها محاسبة وكم سنة؟؟
    وبالنسبة للسكن الجامعي بما انك فيه
    ينفع لطلاب الماجيستير؟؟
    وهل انتا منفرد بغرفة لوحدك؟؟
    ومشكور
    7 "
  5. السلام عليكم و رحمة الله و بركاته


    نعم يوجد في الجامعة محاسبه للماجستير مع MBA و مدته 15 شهر
    و للمزيد من المعلومات اضغطي الرابط
    http://www.cba.neu.edu/grad/index.cfm?page=94&nav=58

    لكن تأكدي من الوزارة ان الجامعة معترف فيها في تخصص المحاسبه

    بالنسبه للسكن هناك سكن مخصص لطلبة الماجستير و غرفه لحالك بمبلغ 3200 دولار لكل ترم دراسي

    و صراحه جنب الجامعة و مريح و يسوى قيمته و زياده .... يعني 3200 تقسيم 4 شهور 750 دولار لكل شهر

    سلام
    7 "
  6. خلال دراستك اللغه في المدينه الثانيه تقدمين عليهم و بيقولون لك نحتاج توفل و جيمااات واكيد عندك خلفيه عن امتحان الجيمات. اللي اعرفه ان الجامعه فيها معهد لغه و اغلب الطلاب يدرسون فيه و يخلصون جميع المستويات و يدخلون الجامعه من غير توفل و هذا اللي سويته في مرحلة البكلريوس. و القبول مرهون بالتوفل او قبول مشروط انك تخلصين جميع مستويات معهد اللغه اللي في الجامعة و كذالك درجتك في امتحان الجيمات
    7 "
  7. مشكور اخوي saudmaxواذا سمحت ياليت تجاوبني .. بالنسبة لمعهد اللغة هل هو مميز واذا انهيت جميع المستويات اقدر اتكلم الانجليزية بطلاقه ؟وكم مستوى في الجامعه ؟ والمستوى الواحد كم مدته ؟ وعندي سؤال ثانية انا من خريجين كليه التقنية .. هل الجامعه ممكن تحسب لي ساعات وتعادل لي بعض المواد ولا لا ؟ بالنسبة للهندسة انا ابغى ادرس تقنية الهندسة الكهربائية او هندسة كهربائية هل التخصصين موجودة فيها ؟ وهذا هو نفس التخصص الى ابغى اعادل عليه ؟واذا قدمت عليهم هل يقبلون اوراقي بسرعه انا مووجود في امريكا حاليا ؟مشكور اخوي .. والمعذرة كثرت عليك الاسئلة تحياتي لك ولجميع الاعضاء
    7 "
4 من 8 صفحة 4 من 8 ... 345 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.