غلطه كبيرة : السفر للولايات المتحده قبل 30 يوم من تاريخ بدء الدراسة !
السلام عليكم ورحمة الله وبركاته
إخواني الموضوع عباره عن معلومه واستفسار في نفس الوقت
المعلومة وصلتكم مايحتاج
نجي للإستفسار
لنفرض دراستي راح تبدأ في 23 نوفمبر (23/11/2009)
ورحلتي الى أمريكا لنفرض انها في (22/10/2009)
هنا أكون مخالف للقانون لأني جيت مبكر بيوم واحد
سؤالي هنا عن نقطه معينه
لنفرض رحلتي اللي في يوم 22 وصلت هناك امريكا في الساعه 6:30 المغرب
كم باقي وندخل في يوم 23 أكتوبر ؟
باقي 5:30 ساعات
السؤال هل بيحقطون لي على هالساعات ولا بيتغاضون عنها ؟
هل فيه أحد قد جرب ومسكوه في المطار انتظار لين يدخل في اليوم الجديد ؟
أتمنى يكون سؤالي واضح واي واحد يلقى فيه صعوبه باوضح بزياده ان شاء الله
الله لا يهينكم
وفقكم الله
رد: غلطه كبيرة : السفر للولايات المتحده قبل 30 يوم من تاريخ بدء الدراسة !
ان شاء الله تلاقي احد يفيدك
رد: غلطه كبيرة : السفر للولايات المتحده قبل 30 يوم من تاريخ بدء الدراسة !
السلام عليكم
اخوي قريبي راح قبل موعد دراسته بحوالي شهر والحمد لله ما واجه أي صعوبات
رد: غلطه كبيرة : السفر للولايات المتحده قبل 30 يوم من تاريخ بدء الدراسة !
بنت بنوته + لووورد
بيض الله وجيهكم وفقكم الله وفالكم الجنه
في أمان الله
رد: غلطه كبيرة : السفر للولايات المتحده قبل 30 يوم من تاريخ بدء الدراسة !
لوووورد
تقريبا شهر ؟؟؟؟؟
اكثر من شهر او اقل من شهر!!!!!!
لازم تحدد لان يوم واحد يفرق .... والرجال يتكلم عن ساعات وانت تقول تقريبا شهر
ياليت نتحرى الدقة في بعض الاجابات عشان محد يطيح بمشاكل الناس بغنى عنها
الله يوفقك ويحفظك وتروح وترجع بالسلامة ومعاك الشهادات العليا
رد: غلطه كبيرة : السفر للولايات المتحده قبل 30 يوم من تاريخ بدء الدراسة !
شوووف بالغالي ان بسووي الي بقوولك اياه
من الجميل التقيد بالنظام لأي دوله ولو تلاحظ ان ال i20 مكتوب عليه الحضور قبل التاريخ الدراسة بشهر وذا موجود عندي
وهذي وجهة نظري
رد: غلطه كبيرة : السفر للولايات المتحده قبل 30 يوم من تاريخ بدء الدراسة !
شكرا على المعلومات يا شباب ماكنت ادري عن ذا الأشياء
رد: غلطه كبيرة : السفر للولايات المتحده قبل 30 يوم من تاريخ بدء الدراسة !
أخوي ..
طيب ليش تحط نفسك في مشاكل وشكك ووجع راس ؟
روح قبل الدراسة بـ28 يوم أو أقل .. يعني احتياط عشان تكون في المضمون .. وريح دماغك ..
الله يوفقنا جميع ..
رد: غلطه كبيرة : السفر للولايات المتحده قبل 30 يوم من تاريخ بدء الدراسة !
لا تسوي زي ماسويت انا
نصيحه خليك مع اهلك انا جيت هنا قبلها بشهر يارجل بغيت اموت من الطفش مافي لادراسه ولا شي واذا انك مصمم انك تروح قبلها بشهر ياليت تجي وتكتب ايش شعورك يوم انك جيت بدري
الله يكون بالعون ويوفقك
دعواتك اني انظم للبعثة :)
رد: غلطه كبيرة : السفر للولايات المتحده قبل 30 يوم من تاريخ بدء الدراسة !
سلطان جده....
كلامك صحيح...بعد وصولك الى امريكا....وبحكم انتقالك من قاره الى اخرى...وسفر طويل...سوف تعاني بما يسمى ال (Jet lag )...وهو عباره عن مجموعه اعراض جسديه ونفسيه تحدث بسبب انتقالك من نطاق وقتي..(time zone) الى نطاق وقتي اخر..وهذا الاعراض تكون على شكل تعسر هضم...الام بسيطه اسفل الظهر,مشاكل في النوم والشعور باكتئاب بسيط.........انا استمر ال(Jet lag ) معي لمده اسبوع كامل......
انا لي من وقت وصولي لامريكا شهرين.....والى الان لدي مشاكل في النوم حيث اني انام لساعات طويييييله (13 ساعه)..باليوم.......... طبعا ايضا هذه علامات اكتئاب...وهي حاله طبيعيه و مفهومه لانك انتقلت من عالم الى عالم اخر...وربما ايضا احساسك بعضم المسووليه وافتقاد الاهل...الخ
لكن الجميل والمريح في الموضوع انها مساله وقت وسوف باذن الله تتاقلم مع الاجواء الجديده...وتزول كل هذه الاعراض.......
انا ذكرت كل هذه المعلومات...لان عندي وجه نظر ....انا ارى بما ان الحال كذلك....فاعتقد لو اتى الطالب السعودي الى امريكا قبل بدء الدراسه بثلاث اسابيع او شهر او حتى اسبوعين...قبل بدء الدراسه....يكون افضل لكي يستطيع التغلب على كل هذه الاعراض.... قبل بدايه الدراسه....ولكي يبدا الدراسه وهو مستعد ذهنيا ونفسيا لها......بمعنى ان ربما الطفش الذي شعرت به ليس بسبب قدومك مبكرا ولكن ربما هذا الطفش يعود لانك انتقلت من بيئه الى بيئه اخرى ......تقبلوا مروري
بالتوفيييييق شباب