مساعدة بخصوص المبلغ المالي قبل السفر ..

يعطيك العافية على ردك اخوي بس الاخوان الله يعطيهم العافية ردوا على سؤال اللي هم كم اجيب معاي من السعودية ..

يعني مو كل شهر رح اصرف هذا المبلغ فهمتني ؟؟

هذا بالبداية لحد ما احط رجولي على السيف سايد . معروف ان بداية كل شئ هي اللي تصير مكلفة خصوصا ان اغلب الاشياء اللي حددوا الاخوان ميزانيتها تندفع مرة وحدة وخلاص ,, يعني زي الاثاث والسيارة

انا بصراحة ما اعرف شئ عن الصرفية هناك لذلك سألت سؤال

يعطيك العافية ماقصرت ..

ماقصرت وكفيت ووفيت

يا اخوان انا رايح على بلاكسبيرغ في فيرجينيا

بس مااعرف كيف مصاريف العيشه هناك وهل المدينه غاليه ام رخيصه وكم الاقي السكن لشخص واحد يعني خلينا نقول ستيديو

او اسكن بسكن الجامعه

محتاااار ... بليززززز اللي عنده معلومة لا يبخل عليناااااا




اخوكم برررو

اخوي برررو ودي افيدك لكن ما اعرف عن مدينتك شي ابد حط موضوع خاص فيك وانشالله تلقى احد هناك لكن هنا محد بينتبه

يا بلوبري المعذرة على التأخير بموضوع الحضانة لكن والله نسيت واليوم سألت لك عنها
المعذرة على التأخير اختي لكن والله نسيت موضوع الحضانة

الحضانة حسب عمر الطفل سألت واحد يقول الرضيع بحدود ٧٠٠ دولار الشهر من ٦ الصباح لحد ٦ المغرب
والحين بنته ماشالله ٣ سنين يقول بحدود ٥٠٠ دولار الشهر
طبعا ممكن تقل الأسعار شوي حسب مكان الحضانة وحسب هل كويسة او لا بس الأسعار بالحدود هذي

liger
جزاك الله خير
هل عندك فكرة عن تقسيط السيارات...كم ياخذون بالشهر وكيف اجراءاتها

الله يجزانا وياك خير
بالنسبة لتقسيط السيارات فيه نوعين الأول تقسيط صعب انهم يقسطون لك سيارة لسبب انهم يطلبون رقم الضمان الاجتماعي وهم شي ما تقدر تاخذه الا انك تقدم وظيفة بالجامعة او نظام الولاية يخليك تاخذ رقم ضمان اجتماعي بسهولة واذا اخذته مو سهل انك تقسط لسبب ان الرقم بيكون جديد يعني بدون اي معلومات قديمة عنك
الرقم هذا زي رقم الحاسب الآلي عندنا بالسعودية يكون فيه كل معلوماتك المالية بالذات هل عليك متأخرات او تدفع بانتظام وما الى ذلك
بعض الشركات يقسطون لك سيارة بدون الرقم هذا اذا دفعت خمسين بالمية من قيمة السيارة لكن المشكلة الأهم ان اغلب الشركات يتعاملون بنظام ربوي بحت يعني لا تفكر تقسط الا في حالة ان تقسيطك كان عن طريق نفس المعرض اللي تشتري منه السيارة مو عن طريق طرف ثالث علشان ما تدخل في الربا

النوع الثاني وهو تأجير منتهي بالتمليك تقدر تاخذه بدون رقم ضمان اجتماعي بس بصراحة ما اعرف حكمه شرعا سمعت كلام كثير ناس يقولون جائز وناس يقولون ربوي يعني تأكد منه بنفسك ما اقدر افيدك بالحكم الشرعي

بالنسبة للأقساط تتراوح من 200 دولار شهري وانت طالع حسب السيارة وحسب الدفعة وحسب اشياء كثير
طبعا بالاضافة الى انك لازم تأمن على السيارة تأمين شامل وهو قد يكلف شوي حسب عمرك وحسب نوع السيارة وحسب المنطقة اللي تسكن فيها

بالتوفيق اخوي

الله يجزاك خير
تأمين السيارة شامل بكم لعمر واحد فوق الثلاثين
وهل تنصح بالايجار المنتهي بالتمليك . وممكن هم ما يأمنون على السيارة زي اللي عندنا؟

بالنسبة للتأمين يختلف من شخص لشخص مافي سعر معين وحسب السيارة
والعمر ومنطقة السكن
العمر اهم شي فوق ٢١ علشان يكون معقول نوعا ما وفوق ٢٥ غالبا يكون رخيص
بس انت ممكن يرتفع عليك شوي لأن بتكون رخصتك الأمريكية جديدة
فما اقدر اعطيك سعر معين بس اتوقع والله اعلم ممكن يكون تأمين شامل بحدود ٤٠٠ الى ٦٠٠ دولار لستة شهور بالنسبة لسيارة متوسطة

اللــه ييســــــر الامـــــــــور انشاللـــــــه

أنــا رايــح انشالله نيويورك انا أشــوف ان الواحد لو يوفر السكن بدري بدري ماراح يصرف انشاللــــه كثيـــــــــر

يعني لو ينسق مع المكتب او المعهد بسكن عائلة ماراح ينجبر يسكن بفندق اكثــر من يوم ( وجهة نظر )

بعدين حبة حبة مو لازم الواحد يشتري سياره على طول الوقت الكافي بالنسبة لي سنــة

واذا الواحد اتقن اللغة مزبوط يبدى يدور سكــن على اقل من مهله


(( ومد لحافك على قد رجليك )

شكرا وجزاك الله خيرliger