ابي فزعتكم تكفون؟عن جامعة ماريود في سكرانتون في بنسلفينيا
هلا بكل الاخوان والاخوات
واشكر كل من في هالمنتدى اللي تجلت فيه روح الاخوة والوطنية بيننا كاهل ديرة وحدة
انا عندي كم استفسار وابي فزعتكم
انا جاني قبول في جامعة marywood univercity في سكرانتون
تخصص اعلام رقمي
وابي احد يفيدني عن مدينة سكرانتون من حيث الغلاء؟ الناحية الاجتماعية وتواجد العرب وخاصة الخليجيين؟ الجو والطبيعه ؟ووميزات وسلبيات هالمدينة؟
وكذلك عن جامعة ماريود..عجزت القى عرب فيها او احد يعرفها رغم انها معتمدة من وزارة التعليم العالي؟
تكفووووووووووووووون ابي فزعتكم ؟ وعلما اني باجيب المدام معي؟
الله يوفق ويسعد كل من يسعدني برده...
رد: ابي فزعتكم تكفون؟عن جامعة ماريود في سكرانتون في بنسلفينيا
معقوووووووووووووووووووووولة ماحد يبي يساعدني
ارجوووكم فزعتكم
رد: ابي فزعتكم تكفون؟عن جامعة ماريود في سكرانتون في بنسلفينيا
مايزال عندي بصيص أمل متبقي إن فيه أحد بيساعدني وأرفع له يديني بدعوة صادقة أن الله يوفقه
خير الناس أنفعهم للناس
رد: ابي فزعتكم تكفون؟عن جامعة ماريود في سكرانتون في بنسلفينيا
والله لو عندي شي يساعدك كان قلته لك ان شاء الله الاعضاء مايقصرون
رد: ابي فزعتكم تكفون؟عن جامعة ماريود في سكرانتون في بنسلفينيا
جزاك الله خير اخت اجياد...
انا مازلت انتظر أي احد يفيدني
ووقفت وقفة كبيرة مع عنوان الموقع مبتعث اللي استفدت منه
خير الناس انفعهم للناس
ياليت القى اي صدى لصوتي
رد: ابي فزعتكم تكفون؟عن جامعة ماريود في سكرانتون في بنسلفينيا
من جد
صدمة
جاي للمنتدى ومتحمس وشباب كثيرين أشاروا علي اشارك بهالمنتدى اللي على كلامهم مضرب المثل بالتعاون ومافيه أحد يطلب راي إلا ويلقى من يساعده
وآخرتها أكثر من أربع أيام قاعد أقشر بصل ولا أحد فكر يساعدني
عيال ديرتي واستفزعت بهم ولا لقيت من أحد أي تفاعل غير الأخت أجياد اللي جزاها الله خير على مرورها
رد: ابي فزعتكم تكفون؟عن جامعة ماريود في سكرانتون في بنسلفينيا
رد: ابي فزعتكم تكفون؟عن جامعة ماريود في سكرانتون في بنسلفينيا
:-( :-( :-( :-(
الله كريم...شكل لو اقعد قرن ماحد وده يساعدني
بس الله يوفق الجميع...وبكل الاحوال استفدت من الموقع كثير..بس وقت الحاجه الملحة مالقيت جواب
الله يوفق الجميع
رد: ابي فزعتكم تكفون؟عن جامعة ماريود في سكرانتون في بنسلفينيا
طبعا ماحد رد علي..بس باكون احسن من اللي انبح صوتي ولا احد تفاعل معي ويمكن يجي احد بعدين ويبي يستفيد يلقى ردي مو يتعب مثلي :(
وجبت بيانات عن طريق الاتصال بالاخوة بنادي الطلاب السعوديين هناك
اول شي مدينة سكرانتون:
تقع في بنسلفينيا في الجزء الشمال الشرقي منها...وجوها بارد وثلج بالشتاء بس حلو...وروعه بالصيف ..وخلاب بالربيع...وطبيعتها خيال ..عدد الطلاب والطالبات السعوديين فيها تقريبا: 40 طالب وطاالبه اكثرهم بجامعة سكرانتون..ومافيها عرب واجد...ميزتهاا اسعارها حلوة ومو غالية وكذلك اميز شي انها قريبه من نييورك ساعه ونص ومن فلاديلفيا تقريبا ساعتين ومن واشنطن تقريبا ساعتين ونص ومن نيوجيرسي ساعه ونص
يعني جو المدينة دراسه وحلو ومناسب..ولو بغيت تغير جو بالويك اند تروح للمدن هذي القريبه
بالنسيه للجامعه: فهي جامعه حلوة وميزتها ان التعامل وحسب من يدرس هناك روعه من قبل الاساتذه والمدراء...حتى فيه سعودية حسب كلام نادي السعوديين والسعوديات محجبه مره مبسوطه ولا احد ضايقها ابد ومرتاحه بكل شي بهالجامعه
وميزتها انها معتمدة من كثير من جهات الاعتماد ويمكن الرجوع لموقع التعليم العالي تعرفون جهات اعتمادها
معهد اللغة حقها يمدحونه كثير..
وسلامتكم
لذلك استخرت واخترت هالجامعه وتحمست لها كثير بناء على المعطيات اللي قالوها لي اللي هناك موجودين
رد: ابي فزعتكم تكفون؟عن جامعة ماريود في سكرانتون في بنسلفينيا
والله المعلومات جيدة وحتى انا شكلي ببدأ افكر في هالجامعه واحطها من ضمن الخيارات اللي في بالي لاني للآن محتارة ومو عارفة ايش اختار ووين اتوجه وربي يكتب لي ولكم كل خير ويسهل امورنا
شكرا اخوي اعلامي ماقصرت معلومات مفيده وجت بوقتها