محتاجة قبول في معهد جامعة نورث كارولينا ياريت تساعدوني

اخويا النايف , انا بصراحه السبب اللي خلاني متشجعه اني انضم للمعهد انو تابع للجامعة وممكن يسهللي شويتين موضوع القبول والتهيئة ومن كل دي النواحي , بس ممكن اعرف ليه ماتشجع نظام الاترام؟
وعلى موضوع التخصص انشالله دحين راح ابعتلها مسج واتمنى الاقي رد منها عشان ارتاح من جد
وانشالله ربنا يسمع منك انو يكون فييه التخصص ماستر

انا طالب رايح ادرس على حسابي الخاص وجبت قبول من المعهد وطلعت الفيزا

لكن ماجابولي قبول الجامعه ووسالت واحد وقلي لازم تخلص الانجليزي عشان يدوك القبول ؟

ايش العمل ؟

البطيش
صحيح الكلام
لازم تخلص الانجليزي وتعديه من خلال التوفل الخاص بالجامعه وبعدين على طول يعطوك القبول على حسب توفر التخصص اللي انت تبغاه !

مبتعثه

نظام الاترام نظام خاص للي اللغه عندهم جيده جدا وناقصها شويه ترتيب ..(عن صح التعبير )!!
يعني نظام دراسه الانجليزي في ELTI نظام اكاديمي له مسمى معين ( ناسيه !!) ياخدوه الناس اللي عنده اللغه الدارجه الـ SLANG ويبغون يطوروا لغتهم ويطوروها بشكل اكاديمي ... عشان يكون الطالب مؤهل لدخول الجامعه .
ثاني شي ... الدراسه بالاترام .. ياخد وقت أطول يعني لا تقل عن سنتين .. وهدي مده طويله نسبيا .. بينما في ELS النظام شهري كل شهربتدرس مستوى معين وفي نهايه يختبروك وبتنجح وبيرتفع مستواك الى المستوى الاعلى .. وللمعلوميه ELS عندهم 12 مستوى يعني سنه وتخلص ادا افترضنا انك بدأت من المستوى الاول .. بس في العاده اللي مستواهم متوسط في اللغه يحطوه في المستوى الثالث او الرابع ..

ابحثوا عن موقع ELS في CHARLOTTE واستكشفوا اكثر عن اسلوب الدراسه والتعليم في وقارونوا يبنها وبين الـ ELTI

مره ثانيه / ELS يركز على تعليم اللغه اكثر من ELTI. يعني متخصص في تعليم اللغه . وعندهم ميزه كمان انه ممكن يوفروا لك قبول بعد ماتخلص اللغه عندهم ..!!

الله يوفقك جميعا

اخوكم المحب
النايف 11

طيب كيف ساعدوني ابغى قبول مشروط كيف اجيبه والمكاتب غاليه وحراميه ؟

النايف 11 , انا الحمدلله لغتي جيدا جدا في الانجليزي لانو انا بكالوريوس لغة انجليزية ف محتاجة بس الترتيب على قولك , بس انت بتقول انو الدراسة في نظام الاترام حتتطول تقريبا سنتين , وفيزة دراسة اللغة من السفارة سنة وحدة على حد علمي ولا ؟؟
وانا زي ماقولتلك اللي مشجعني في معهد الجامعة انو يهيئك قبل الجامعة لانو هما اعرف بجامعتهم عن المعاهد التانية و يتسهل موضوع القبول مدام اخدت اللغة من معهد نفس الجامعة..

البطيش القبول المشروط بما انك جبت قبول من المعهد حتلاقي في نفس الايميل اللي ارسلولك هوا الخطوات والمستندات المطلوبة عشان تجيب قبول مشروط , و رأيي من رأيك على حكاية المكاتب انا كنت زيك افكر اجيب قبول من عندهم بس معظم اللي تعاملوا معاهم مايمدحو اساليبهم ف النصب والمبالغ اللي ياخدوها , ولو ماعرفت تلاقي الخطوات حتلاقي ف نفس الموضوع رد انا كتبته وفيه ايميل ارسلولي اياه وفي من ضمنه المستندات المطلوبة للقبول المشروط اتمنى اني قدرت اساعدك

يعطيكي العافيه اختي مبتعثه لكن انت تعرفي انو انا على حسابي الخاص يعني احتاج قبول الجامعه عشان اقدم على الملحقيه فهل هدي الجامعه تدي قبول مشروط ولا لازم اخلص الانقليزي بعدين يدوني ( انا عارف شكلك حتقولي هذا اشبوا مايفهم ) لكن معلييييييييش

البطيش .. ايه الجامعه تعطي قبول مشروط .. انا جايب منها قبول مشروط قبل شهر .. ونصيحه راسلهم وجب منهم قبول مشروط قبل تطلع لامريكا .. واذا ما امداك او ما تطلع امريكا رح للقبول والتسجيل في الجامعه وعطهم شهاداتك وخلهم يعطونك قبول مشروط ..


mubta3tha
عادي السفاره تعطيك فيزا 5 سنوات على قبول معهد بس .. بس اهم شي تقولين لهم انك بتدرسين جامعه هناك .. ومسالة الاترام مو زينه لانها طويله مره يعني تخلص السنه وانتي ما خلصتي الا 3 مستويات بس والمعهد فيه 7 مستويات يعني تحتاجين سنتين على ما تجتازين اللغه .. وهذي مشكله كبيره .. بينما معهد els عنده 12 ليفل وكل ليفل شهر واحد .. يعني سنه وحده بالكثير وانتي مخلصه اللغه ..

البطيش كلامي حيكون نفس كلام comodu وبالعكس انا حااكون سعيده لو قدرت اساعدك بااي معلومه

comodu كلامك وكلام اخويا النايف 11 مره افادني عن جد انو افكر مره تانيه في حكاية الاترام دي لانو كمان الواحد مايتحمل لغة اكتر من*سنة وخصوصا انو لغتي الانجليزية جيده جدا

مبتعثة حايسة نفس حوستي فالحيرة

بعد تفكيير حتوكل واروح ELS خوفوني بالاترام وأخاف هناك يرموني فمستوى فوقه ختى لو 3 مستويات كدا ماحخلص اللغة فسنة

وكمان قرأت عن المعهد انو يهيأ للدراسة مايدرسك اللغة كلغة فقلت اروح ELS ماعجبني شهر وأقدر احول منو بس لو رحت ELTI ترم اعتقد حندبس ترم واحد لازم لو ماعجبنا عشان بعدين نحول

شوفي أعرف ناس هناك فالجامعة ومرة مانصحوني بمعهد الجامعة وبيقولولي كتير بيحول على ELS

وعلى رد واحد من الاعضاء انو الوضع في ELS احسن من زمان فحستخير واشوف ايش يصير معايا بس تقريبًا اقتنعت بمعهد ELS

والله يسهلنا يلي فيه الخير يارب

اهلين ياغراس , انا محا تصدقي لو قولتلك انو اقتنعت ب ال ELS تسعين ف المية زيك , وانشالله اشوفك اونلاين ف اقرب وقت عشان نتفاهم ف موضوع المعهد