ما ادري وش الطبخه+وسوست بقوة=شكلي بجيب العيد (مساعده يالذيابه من الرياض اكلمكم)

روح استراليا احسن ... قبولها سهل .... بس انسى الانظمام للبعثة ...

بالنسبة لموضوع الالحاق يبي يحصل ان شاء الله، واذا بتطلع حاول تجي قبل منتصف شهر 1 وتفتح ملف وتخص اجراءاتك

[QUOTE=Red neck;1487652]

عجب للناس اللتي لاتنظر بعين الرحمه ياأخي الرسول عليه أفضل الصلاه والسلام قال:بشروا ولاتنفروا.
وأنت جالس تحطم في هالرجال وصدق من قال :طاح الجمل وكثرت سكاكينه . ترى في ناس في نفس عمرك يملكون علم وشهادات بل في قاده جيوش وأبطال مانظروا لاشكالك وتفلسفواعليهم بنفس النظره والنقد الاثم اللي أستخدمته مع هالرجال.على بالك الشهاده اللي معاك تظن نفسك صلاح الدين أو قطز!!!
ترى كان من الواجب تساعد الرجال أو تنصحه أو تكتب كلام طيب مو كل الناس اللي درسوا بأمريكا ناس يصلى على طرف ثوبهم أو ناس متميزين الله وكيلك في ناس تخرجت وحصلت على شهادات عليا وسعت عليهم وضاقت على هالرجال. بعدين الرجال يبي يطور نفسه ويتعلم منشان خمس سنين طافت عليه نقول خلاص لاتسافر ولاتتعلم وش حال لو أنت تصرف عليه أو أمريكا ملكك.أنا بصراحه لاناقه لي ولاجمل لكن أستأت من أسلوبك

اقتباس:

---

المشاركة الأصلية كتبت بواسطة Red neck

توك تستوعب بعد 5 سنوات عطاله ان الواحد ما تنفعه الا شهادته ..!!

بصراحه شي غريب ، توقعت ما يروح امريكا الا نخبه الشباب لكن للأسف تحطمت جدا يوم مريت مكتب قبولات وقسم بلله ولا واحد منهم تقدر تقول عنه صاحي او عنده شهاده او معدل ؟؟

اللي عاطل 3 سنوات ، ولي مفحط في معهد الاداره سنتين وانفصل وراح الاردن وانفصل والحين يبي امريكا والي معه قائمه بجامعات معترف فيها ارامكو ومعدله 69% ؟؟

عالم غريبه .. بعد ما شبعت من الشوارع والتفحيط قالو وش ورانا نروح امريكا دام فيها راتب وفله ..!!

---

فيه فرق بين واحد ( يتمرمط ) بين الجامعات زي اللي تقول عنه

وبين واحد صحى بعد فترة مع نية حقيقيه لمنفعه نفسه

!!!

اقتباس:

---

المشاركة الأصلية كتبت بواسطة الحطام

السلام عليكم ورحمه الله وبركاته
كيفك ياشباب ان شاء الله الجميع بخير
اخواني انا لي 5 سنوات عاطل في الرياض يعني الحمد لله ماجاني حاله هستريا تشجعت وقلت بطلع
ادرس جامعه في امريكا وانا الواحد مايفيده الا شهادته وانا والله ما ادري وش الطبخه يعني اخاف اروح هناك والاقي
كل شيء صعب
انا ودي شرح مبسط علماً بان لغتي الإنجليزيه ليست جيده ودي ادرس تخصص اداره اعمال هل يوجد التخصص هذا
في جامعاتهم او لا
وابي افضل ولايه وافضل جامعه تشوفونها وهل الدراسه سهله او صعبه
وشلون طريقتهم هناك وكل حاجه والله لكم دعوه في ظهر الغيب
ردك مايأخذ دقيقتين وبتفك لي أزمه
في انتظاركم يا اخوان


تنبيه إداري:
جميع ما يطرح في ملتقيات مبتعث من مواضيع و ردود سواء كانت معلومات أو شروح أو خدمات لا نضمن صحتها ولا تعبر عن موقف الإدارة و المسئولية كاملة تعود للكاتب نفسه.

---

وعليكم السلام ورحمة الله وبركاته

أولاً أحيي فيك صدقك وإرداتك
أخي الكريم لايوجد أي عائق أمامك لمواصلة تعليمك مادام لديك الرغبة القوية والصدق مع نفسك، الدراسة ليست بالصعبة وليست بالسهلة كذلك لكن مقدار ماتعطيها من جهد ووقت مثمر ستحصد النتيجة، وليس طول فترة المذاكرة سبب التفوق إنما قدرتك على الانجاز في الوقت اللي تخصصه للدراسة

اللي أحب أنصحك فيه لا تنظر لمن يثبطك مادام نيتك صادقة، يعني لا تقصد السفر للترفيه والدراسة زي ماتجي تجي لا بأس بشي من الترفيه لكن ليكن هدفك الأول تحقيق حلمك

قد تواجه صعوبة في التقديم او الانضمام للبعثة أو غيرها لكن ضع ثقتك بالله أولاً وأخيراً، وأسعى بكل ماأوتيت من قوة وستجد نتيجة جهدك، لا تعتقد إنو كل اللي يطلع بعثة مستحق لها مية في المية في فئة طالعة تتمشى على حساب الوزارة لكن لما يرجع بخفي حنين راح يعض أصابع الندم على الفرصة اللي ضيعها

في المقابل أعطيك مثل بنفسي تخصصي من أصعب التخصصات وأكثرها كرهاً بين الطلبة لكن الحمد لله وبفضل من الله معدلي فوق العالي وحاولت التقديم على الدكتوراة لكن وجدت شرط سخيف إن صح التعبير، تجاوزت السن بكل بساطة، مانفع تفوقي ولا تخصصي النادر، لكن مع ذلك سعيت ووجدت ترحيب من الأمريكان، في الوقت اللي رفضتني وزارة وطني، ما أقول هذا الكلام بتفاخر إنما لأشجعك حتي لولقيت تحطيم واستهزاء من أقرب الناس لك، وراح تتذكر إنو التعب اللي بذلته ماراح بلاش

الشيء المهم اللي حابه انبه عليه لنفسي وللجميع هو إن الجميع يتذكر حديث الرسول صلى الله عليه وسلم
عن عبد الرحمن بن أبي بكرة عن أبيه رضي الله عنهما قال: كنا عند رسول الله صلى الله عليه وسلم فقال: ألا أنبئكم بأكبر الكبائر ثلاثا: الإشراك بالله، وعقوق الوالدين، وشهادة الزور- أو وقول الزور- وكان رسول الله صلى الله عليه وسلم متكئا فجلس فما زال يكررها حتى قلنا: ليته سكت

يعني شهادة الزور من أكبر الكبائر

والشيء اللي يجي بالحرام مافيه بركة، وإذا على السفارة أعرف وحدة أخوها له خمس سنين عاطل ونصحوه يزور ورقة عمل، رفض وقال ما أسعى للحلال بالحرام وإذا الله مو كاتبلي الفيزا راح يقدرلي رزق أحسن منها.

تخيل إنو صدرت له الفيزا في يومين فقط لاغير، لأنو صدق مع الله ونتيجة صدقه، الله سخرله وسهل له الفيزا بيومين فقط

الله يوفقك ويسهل عليك أمورك وجميع المبتعثين

Msc

جزاك الله خير أختي ،، وعسى الله يرزقك ويوفقك
صحيح أنا ما لي علاقة بالموضوع ولكن أعجبني ردك الذي اثلج صدري

زي ما قلك أحد الاخوان ادرس هنا في CBA مثلاً ادارة اعمال , اعتقد فلوسك تكفي وتزيد و تعليمهم ممتاز , انا اعرف فرعها في جده ماادري عن الرياض

هذي نصيحتي لك

اقتباس:

---

المشاركة الأصلية كتبت بواسطة Red neck

توك تستوعب بعد 5 سنوات عطاله ان الواحد ما تنفعه الا شهادته ..!!

بصراحه شي غريب ، توقعت ما يروح امريكا الا نخبه الشباب لكن للأسف تحطمت جدا يوم مريت مكتب قبولات وقسم بلله ولا واحد منهم تقدر تقول عنه صاحي او عنده شهاده او معدل ؟؟

اللي عاطل 3 سنوات ، ولي مفحط في معهد الاداره سنتين وانفصل وراح الاردن وانفصل والحين يبي امريكا والي معه قائمه بجامعات معترف فيها ارامكو ومعدله 69% ؟؟

عالم غريبه .. بعد ما شبعت من الشوارع والتفحيط قالو وش ورانا نروح امريكا دام فيها راتب وفله ..!!

---

لاحول ولا قوة الا بالله ,,
معقوله فيه عالم بهالحسد هذا؟ هل طلب منك ريال واحد؟ يوم انك تكلمه بهالطريقة ؟ هل جاك وقال لك ابغى فزعتك ؟
محد ضربك على ايدك وقال لك نزل رد على الرجال ؟ تدري عن ظروف الرجال يوم تتكلم عليه بهالطريقة؟ ممكن كان مشغول ببزنيس؟ ياخي قل خيراً او اصمت .. والحمد لله ان الرزق من عند القوي الجبار .. اللي قادر يرزق الشخص المحتاج الحين .. ويجعل الغني بين ليله وضحاها من أفقر عباده .. والحمد لله ان الرجال ماراح يقدم على سكن ببيتكم أو يبي يدرس بصالتكم ؟


أخوي صاحب الموضوع .. جد واجتهد وركز على هدف واحد وراح يتحقق بإذن الله .. لأنك شخص صدقت مع نفسك ..
عسى الله يوفقنا وإياك ..

الله يعينك .. ويوفقك

والله في ناس ما تخاف الله
مدري يعني الرجال كان عاطل خمس سنوات انتم كنتوا تضرفون عليه ؟؟؟؟؟!!!!
وش هالاسلوب الهمجي منكم طحتوا بالرجال نتف من كل جهه
ننزل مواضيع نطلب استفسارات وتوضيحات وهذي ردودكم الله يلعن النصيحه اللي تجي من وراكم
اذا انتم ياللي مسوين فيها حقين امريكا ومثقفين هذا اسلوبكم وش خليتوا لغيركم
فعلا ناس ما في وجيههم دم
ولا هذاك اللي نكه Michael Corleone رده زي وجهه فعلا ما في وجهه ذره حيا
اخوي صاحب الموضوع ما عليك منهم لانهم ناس ضايعين والله مضيعهم
شوف عندك باكاديميه الفيصل اللي ورى الرياض جاليري شخص اسمه سليم هو ينصحك بالمكان المناسب ويجيب لك قبول جامعه ويخلص اوراقك
بمقابل مبلغ بسيط 200 ريال بس
والله يوفقك وين ما توجهت وحط في بالك المثل اللي يقول (اذا اتتك ضربه من الخلف فاعلم انك فالمقدمه)
وتقبل تحياتي
اخوك فيصل