استفسار Kentucky-Bowling Green فيه أحد هناك؟؟؟؟

هلا ابن عمر..
الاسبوع هذا والجاي وبعده نختبر..
ما أقدر أحدد مقدار تجمد القفزة<< جامدة يعني قوية أو جامدة من البرودة يعني فشوش..ههههههه
فيه تطور بنواحي وفيه نواحي محلك راوح..
عسى الله يوفقنا ونعدي..

متى مشرّفين؟ وش آخر تطوراتكم؟

I am Trying
انا مشرف ان شاء الله الى واشنطن بتاريخ 2 مايو و ان شاء الله اكون في بولنق قرين على يوم 6 او 7 .....
انت اهم شي عطن رقم تلفونك عشان ازعجك اول ما اوصل بولنق قرين و تعزمن على كاس شاهي بالنعنااااع هههههههههه

بن عمر و مشعل وش اخر الاخبار مثل ما قال العمده I am Trying ؟؟؟؟

عمدتنا الله يوفقك ان شاء الله

الله يوفقك يا كبيرنا

طبعا ابو تركي وريمانه هم اول الواصلين
ثم مشعل
ثم اخوكم الغلباااااااان

اخر يوم عمل لي ان شاء الله 10 مايو والسفر جده - الرياض - واشنطن بعد شهر من الان 19 مايو
خميس وجمعة ثم السبت 22 مايو في الديرة

ربنا يوصلنا جميعا بالسلامة ويخفف عننا الصدمة اول ما نوصل (( انا حدي البحرين مرتين )) نروح امريكا مره وااااحده
اشوفها قويه مرررررررره

فكره ممكن تساعدكم في حصر الاغراض اللي بتشحنوها معاكم من هنا
لأن الواحد ماعاد يجمع في مخه اليومين هذه

اول شئ شوف كم شنطه ممكن تاخد معك والوزن الاقصى للشنطة (( حسب شركة الطيران وعدد الاشخاص ))

وبعدين اجلس جلسة طووووووويلة واتبع الاتي:

نحصر الاشياء نكتب بالاول العناوين الرئيسية
مثلا (( دينية - مطبخ - نظافة شخصية - ملابس - رياضة - اوراق رسمية - اغراض الدراسة - غرفة النوم - اتصالات .... الخ ))

وبعدين تاخذون كل عنوان وتكتبون تحته العناصر طبعا حسب الاهم فالمهم (( ماخف وزنه وغلا ثمنه - متوفر هناك او لا ... ))

وطبعا لمن تكتب حاول انه احد يكون معاك يساعدك ويفكرك وبعد ما تغلق اعرضها على اثنين اخرين ممكن يفيدوك بشئ .

وبعدين الله يعوض عليكم وتروحوا تلفوا الاسواق تقضوا اشيائكم .

عند حزم الشنط اتاكدوا من الوزن من بيتكم واذا زائد كثير خففوا من الاشياء الاثقل والارخص.


مع تمنياتنا لكم برحلة سعيده ((( ابن عمر )))

بن عمر انا حاط 3 ورقات ع مراية التسريحه ومليانه من اجرائات اخلصها ومن اغراض اخذها وكل ماخلصت شي حطيت عليه شك (علمت عليه) ........

اهم حاجه تاخذ المهم معك واذا نقص حاجه يشحنونه لك اهلك من هنا .......

كلام سليم

شباب بتختارون الفندق المؤقت في البولينج جرين من هنا ولا اذا وصلتم ؟؟؟
لانه مطلوب تكتب عنوان الاقامة في النموذج اللي تعبوه بالطيارة !!!

الجماعة في بولينج جرين كان عندهم يوم عالمي
واخواننا السعوديين بدعوا ما شاء الله (( طلعت الدنيا زحمة سعوديين هناك ))

لمشاهدة الصور ادخلوا على الفيس بوك ثم اتاروا صفة الاخت
Abrar Khalil Al Hebshi


شاهدوا الصور من خلالها

وهذا موقع النادي السعودي بالجامعة

http://ssclub.7in.org/2010/04/saudi-day/

حلو يا ابن عمر ...
بس كيف عرفت

هذه الفضاوة وما تسوي
في صفحة بالفيس بوك لمكتب الطلاب الدوليين اسمه ( ISSS ) منزل خبر اليوم السعودي
من ردود الاخوان السعوديين هناك حاول افك صفحاتهم كلها مقفله ما عدا صفحة الاخت ابرار
وهي ماهي مقصره منزلة كل الصور.

الجديد اليوم انه صار اعصار في جنوب شرق امريكا يوم شفته في التلفزيون انفجعت صراحة
قلت ان شاء الله انه بعيد
ويوم دخلت على صفحة ( ISSS ) حصلتهم حاطين صورة للاعصار

اتمنى من حبيبنا I am rying يطمنا على حاله وحال الجالية السعودية هناك

هلا ابن عمر..
بالنسبة للعنوان بالابلكيشن تحط عنوان المعهد لا تحط عنوان فندق ولا شي وشف المعلومات مرفقة مع القبول حق المعهد..

بالنسبة للإعصار مرّ ولا ضرّ.. مجرد هوا شديد ومطر وسحاب أسود الله لايغضب علينا.. لكن مافيه أي شي مخيف أو غير معهود..

مشكور عالسؤال.. دعواتكم لنا قربنا من النهاية وعسى الله يوفق الجميع،،