تجمع مبتعاث ومبتعثي بوسطن للمرحلة الخامسة

الحيادي كل المدن دي غالية

انا حتكلم عن بوسطن مرة امان مواصلات عامة متواجدة في كل محل يعني ماتحتاج سيارة ولا رخصةولاتتعرض لمشاكل المرور
مدينة طلابية مو مرة مسلية اغلبها طلبة غالية مرة وباردة مرة كمان
فيها جامعات قوية وعموما الولاية جامعاتها كثيرة وقوية
اذا انت لحالك مو مع ععيلة فغلاء السكن ممكن تتفاداه بالسكن مع عيلة او روميت بحدود 800-900 دولار وممكن اقل حسب قناعتك

كاليفورنيا جامعاتها كمان قوية مرة وولاية حلوة بس سياحية يعني مااظن امانها زي بوسطن ويمكن ماتلاقي جوها دراسي

عموما انت قرر بناء على التكلفة الجامعات التخصص الامان وكل شيء وزي ماقالت الاريج اقرا عنهم

طموح نمله
ساكون معك في نفس المعهد و نفس اليوم راح نبدآ دراسة
انت من وين؟

الأريج و maabat إنا مرتاح لبوسطن ولكن أبي معلومات
أكثر عنها وزي ماقلتوا أكبر الجامعات وأقواها في بوسطن
وأغلبها قريبه منها مثل واشنطن أما ولاية كالفورنيا بعيدة جدا
وزحمة ويمكن صعبة المعيشه فيها وكل ما أدخل أبحث ما ألقى
شيء يشبع معلوماتي لكني بتوكل على الله وأختارها وإنتظرووني عندكم

يعطيكي العافية
ليا كم يوم أدور عيوني اتفقعت والين دحين ماني عارف كيف أوصل للي ابغاه

انا من جدة
ازا حبيت تتواصل راسلني عالخاص اعطيني ايميلك

الحيادي استخير وربنا يختارلك الخيرة لك

طموح نملة ادخل قوقل ماب وحط اسم معهدك وشوف ايش السكن اللي قريب منه حيطلعلك كل شيء وراجع الموضوع في اشياء حتفيدك اكيد

انا حابة اسال موعدي في السفارة متاخر عادي اطلع شهادة بنكية لاخويا وكشف حساب 3 شهور من دحين

علما انه موعدي نهاية 4

وعادي اسحب من الحساب بعدين لانه محتاجة اصرف منه ضروري مبلغ حياثر عالشهادة البنكية

ياريت تردولي انا دحين طلعت شهادة بنكية اطلع الحساب 3 شهور علما انه جامد مافي حركة فاخاف يرفضوا

اللي عنده خبر ياريت يساعدني

الشهادة البنيكة اهم شي انو الحساب ما تستخدميه لمدة مابين 3 إلى 7 أيام الين تطلع الشهادة بعدها عادي تستخدمي الحساب

و أكتر شخص ممكن يفيدك في الموضوع دا موظف البنك نفسو
عموماً ايش البنك اذا ساب أو سامبا ممكن اجيبلك المعلومة الي تبغيها لأني رايحلهم يوم السبت انشالله

ساب بس حسيت الموظف مو مرة فاهم لانه الرصيد اللي بالشهادة البنكية ادنى حد لطلب ايجيك للاتيان بالقبول وقالي ماتصرفي من حسابك يوم الين ماتطلع الشهادة

بس لما سالته عادي اطلع كشف حساب لل3 اشهر السابقة من دحين وانا موعد سفارتي بعد 3 شهور قالي مااعرف بس بعيد يفضل تطلعي شهادة بنكية قبل الموعد وكشف حساب قلتله بس وقتها حكون صرفت من الحساب كثير


مااعرف ايش اعمل هل السفارة تشترط حد ادني للدارس على حسابه
كثير قالولي عادي طلعي كشف حساب قديم مو شرط قريب من موعد السفارة وقالوا مايسالوا لو مبلغ الشادة البنكية متوفر او صدورها بعيد عن الموعد


مرة حوسة دي الشهادة خصوصا انها حساب مشترك
مو عارفة ايش اسوي خصوصا انه كسف الحساب حيبين انه مافي حركة

قرأت الموضوع بالكامل و في اسئلة ماني ملاقيلها جواب

1- كل ما أجي ادور على سكن يطلب مني رمز المنطقة
في الـ zip code الي يتكون من أرقام وفي كود المنطقة يتكون من حرفين وماني عارف ايش المقصود !! مثلاً MA NY

2- في حالة وصلت إلين بوستن بدون ما أحجز سكن اكيد حنزل في فندق لمدة 3 أيام على الاقل .. السؤال خلال ال3 أيام وانا فبوستن كيف اقدر الاقي عائلة اسكن معاها.

3- المواصلات في بوستن كيف نظامها ؟ باصات و سكاي ترين ولا ميترو .. المهم من فين الواحد يجيب بطايق الإشتراك الشهري الخاصة فيها ؟؟

4- عشان الواحد يستلم المكآفأة لازم يفتح حساب في البنك .. ايش البنوك الي تنصحو فيها و ايش الاوراق المطلوبة عشان الواحد يفتح الحساب ( هل صحيح لازم الواحد يكون عندو بطاقتين تعريف على الأقل ) يعني جواز السفر و رخصة دولية مثلاً ولا جواز السفر يكفي.

5- هل التسجيل في الملحقية لازم يكون عن طريق الذهاب للملحقية نفسها في واشنطن ولا ممكن الواحد يخلص الاجراءات عن طريق النت ( في حالة امكانية انهاء الاجراءات عن طريق النت يا ريت تفيدونا بالموقع )

6- الكل يقول انو بوستن برد .. كيف بخصوص ملابس البرد ما اعتقد انو الملابس الي تنباع عندنا حتكون مناسبة لدرجات الحرارة الي عندهم .. ياريت الي عندو فكرة عن المحلات والأسعار هناك يفيدها ( وبلاشي حكاية الماركات وما الماركات والأسعار المبالغ فيها )


7- سمعت كتير عن النادي السعودي .. حاولت أوصل لأي احد من الأندية السعودية فبوستن وما عرفت لو أحد يقدر يوصلهم و يستضيف احد منهم هنا في المنتدى لمدة 3 أيام على الاقل عشان يجاوب على استفساراتنا بحكم انهم موجودين في بوستن و عارفينها ياريت يفيدنا لأنو الوضع كدا من جد ضياااااع ما في وقت الواحد يضيعو الاغلبية موعد وصولهم فبداية شهر 4 ولو استمر الوضع على ماهو عليه وقتها من جد كل واحد حياخد معاه خيمة و حطب ^_^


** اقتراح
عدد الردود في الموضوع وصلت لأكتر من 650 رد و نسبة المعلومات فيه حوالي معلومة وحدة مفيدة من ضمن كل عشرة ردود
في أحد عندو استعداد يعمل تلخيص للموضوع و لموضوع الأخ ماجد الي يجاوب فيه عن الاستفسارات حتى لو 5 أو 6 أشخاص يتعاونو وكل واحد يمسك عشرة صفحات من كل موضوع و نكتب خلاصة تبدأ من أسماء المعاهد و الطلاب الي فيها و أنواع السكن سواء شقق أو فنادق أو عوائل و الإجراءات الخاصة بالملحقية والبنوك و المواصلات و الجوالات الخ الخ الخ + إذا في شباب عزابية زي حالتي يبغو يسكنو فشقة مع رومييت سعودي يكون في إيميل خاص للتنسيق بأي طريقة ...
بحيث يكون الموضوع عبارة عن ( مرجع ) فيه خلاصة تعطي اكبر قدر من المعلومات فأقل عدد من الصفحات .. حرام كدا الواحد يقرأ أكتر من 150 صفحة ما بين موضوع الاخت mabaat والأخ ماجد و من كتر الردود يمكن ينسى هوا كان بيدور على ايش


و مشكورين على المجهودات وبالتوفيق للجميع