تجمع مبتعاث ومبتعثي بوسطن للمرحلة الخامسة

ساب بس حسيت الموظف مو مرة فاهم لانه الرصيد اللي بالشهادة البنكية ادنى حد لطلب ايجيك للاتيان بالقبول وقالي ماتصرفي من حسابك يوم الين ماتطلع الشهادة

بس لما سالته عادي اطلع كشف حساب لل3 اشهر السابقة من دحين وانا موعد سفارتي بعد 3 شهور قالي مااعرف بس بعيد يفضل تطلعي شهادة بنكية قبل الموعد وكشف حساب قلتله بس وقتها حكون صرفت من الحساب كثير


مااعرف ايش اعمل هل السفارة تشترط حد ادني للدارس على حسابه
كثير قالولي عادي طلعي كشف حساب قديم مو شرط قريب من موعد السفارة وقالوا مايسالوا لو مبلغ الشادة البنكية متوفر او صدورها بعيد عن الموعد


مرة حوسة دي الشهادة خصوصا انها حساب مشترك
مو عارفة ايش اسوي خصوصا انه كسف الحساب حيبين انه مافي حركة

قرأت الموضوع بالكامل و في اسئلة ماني ملاقيلها جواب

1- كل ما أجي ادور على سكن يطلب مني رمز المنطقة
في الـ zip code الي يتكون من أرقام وفي كود المنطقة يتكون من حرفين وماني عارف ايش المقصود !! مثلاً MA NY

ماواجهتني دي المشكلة ارسلي اللينك واناا شوفه

2- في حالة وصلت إلين بوستن بدون ما أحجز سكن اكيد حنزل في فندق لمدة 3 أيام على الاقل .. السؤال خلال ال3 أيام وانا فبوستن كيف اقدر الاقي عائلة اسكن معاها.

واللله السكن في بوسطن مرة ياخد وقت عشان تلقاه واذا انت حابب السكن مع عيلة ممكن تتفق معاهم من هنا او ربط كلام بس وتقولهم موعد وصولك منها تشوف السكن وتتفق معاهم
شوف صفحة 35 فيها مواقع للسكن مع عيلة نا عجبتني عيلة تدفعلهم الف في الشهر لو تبغاها ارسلك لينكها ومزاياها حلوة مرة

3- المواصلات في بوستن كيف نظامها ؟ باصات و سكاي ترين ولا ميترو .. المهم من فين الواحد يجيب بطايق الإشتراك الشهري الخاصة فيها ؟؟

بوسطن مشهورة بمواصلاتها بس برضوا لازن تختار سكن قريب من المواصلات عادة العوائل تكون بعيدة عن قلب بوسطن ممكن 40 دقيقة
المواصلات في الشهر تدفع 60 وتتنقل بمواصلاتهم في ساب وي وباصات
حرسلك موقع مواصلات بوسطن يتكلموا عن كل شيء فيه
4- عشان الواحد يستلم المكآفأة لازم يفتح حساب في البنك .. ايش البنوك الي تنصحو فيها و ايش الاوراق المطلوبة عشان الواحد يفتح الحساب ( هل صحيح لازم الواحد يكون عندو بطاقتين تعريف على الأقل ) يعني جواز السفر و رخصة دولية مثلاً ولا جواز السفر يكفي.

ماعندي علم بس انا حطيت لستة ببنوك بوسطن هنا وناسية افضل بنكين بناء على ترشيح المبتعثين اتاكد واقولك

5- هل التسجيل في الملحقية لازم يكون عن طريق الذهاب للملحقية نفسها في واشنطن ولا ممكن الواحد يخلص الاجراءات عن طريق النت ( في حالة امكانية انهاء الاجراءات عن طريق النت يا ريت تفيدونا بالموقع )

في الملتقيات كان من مضمون الكلام انه عادي ممكن تروح لولايتك وتراسل الملحقية بالورق لانه صارت المعاملات الكترونية بس يفضل تذهب لواشنطن تضمن انه استلموا اوراقك ولانه حتكون في محاضرات تعريفية كيف تتعامل مع الملحقية وتعرف مشرفك وتاخد رقمه لانه المبتعثين بيشتكوا من بطء الرد على الايميلات

الموقع هو موقع الملحقية عالنت وبس تكون طالب هناك يكون لك رقم خاص وبرنامج خاص للمبتعثين تتابع فيه اما كيف تاخده مااعرف افضلك تروح واشنطن

6- الكل يقول انو بوستن برد .. كيف بخصوص ملابس البرد ما اعتقد انو الملابس الي تنباع عندنا حتكون مناسبة لدرجات الحرارة الي عندهم .. ياريت الي عندو فكرة عن المحلات والأسعار هناك يفيدها ( وبلاشي حكاية الماركات وما الماركات والأسعار المبالغ فيها )

بوسطن برد مرررة في الشتاء تحت الصفر بكثير بس نحنا حنوصل وقت خف فيه البرد يعني ممكن تعرف الجو وقتها وكيف تحملك وووتشتري من هناك بس انا عني اشتريت جاكيتات طبعا مو لبردهم مرة بس اشتريت تحتها اصواف وهاي نيك وجلوفز واشياء تدفي

عالاقل خدلك جاكيت من هنا ولو شفت فيديو تلاقي اهالي بوسطن بيلبسوا جاكيتات عادية بس بهتموا بالملابس الداخلية اكثر وحتضحك عليا لو قلتلك لبس المصارية الصوف داك يقووووووولوا مرة يدفي


7- سمعت كتير عن النادي السعودي .. حاولت أوصل لأي احد من الأندية السعودية فبوستن وما عرفت لو أحد يقدر يوصلهم و يستضيف احد منهم هنا في المنتدى لمدة 3 أيام على الاقل عشان يجاوب على استفساراتنا بحكم انهم موجودين في بوستن و عارفينها ياريت يفيدنا لأنو الوضع كدا من جد ضياااااع ما في وقت الواحد يضيعو الاغلبية موعد وصولهم فبداية شهر 4 ولو استمر الوضع على ماهو عليه وقتها من جد كل واحد حياخد معاه خيمة و حطب ^_^

المشكلة اغلب الاعضاء مشغولين بامورهم بس احاول اتصل بيهم ولاتزعل
مو لدرجة الحطب في تدفئة في المنازل وداخل المعاهد اكيد وبرا بتكون في داخل المواصلات والمطاعم اكيد فيها تدفئة


** اقتراح
عدد الردود في الموضوع وصلت لأكتر من 650 رد و نسبة المعلومات فيه حوالي معلومة وحدة مفيدة من ضمن كل عشرة ردود
في أحد عندو استعداد يعمل تلخيص للموضوع و لموضوع الأخ ماجد الي يجاوب فيه عن الاستفسارات حتى لو 5 أو 6 أشخاص يتعاونو وكل واحد يمسك عشرة صفحات من كل موضوع و نكتب خلاصة تبدأ من أسماء المعاهد و الطلاب الي فيها و أنواع السكن سواء شقق أو فنادق أو عوائل و الإجراءات الخاصة بالملحقية والبنوك و المواصلات و الجوالات الخ الخ الخ + إذا في شباب عزابية زي حالتي يبغو يسكنو فشقة مع رومييت سعودي يكون في إيميل خاص للتنسيق بأي طريقة ...
بحيث يكون الموضوع عبارة عن ( مرجع ) فيه خلاصة تعطي اكبر قدر من المعلومات فأقل عدد من الصفحات .. حرام كدا الواحد يقرأ أكتر من 150 صفحة ما بين موضوع الاخت mabaat والأخ ماجد و من كتر الردود يمكن ينسى هوا كان بيدور على ايش

انا حاطة الصفحات المفيدة وبشارك باللي اقدر عليه وبحاول انوع المواضضيع رغم انشغالي بس يد واحدة ماتصفق صدقني يعني اكيد كنا حنعمل تنسيق وتنظيم اكثر مع المشاركة والتفاعل بس الواحد يخاف يتعب على مرجع ومو عارف اصلا اذا في احد بيستفيد خصوصا لما تلاقي مشاهدات ومافي ردود

موضوع الاخ ماجد للاسف الاعضاء اغلبهم بس مركز في اسئلته عالسكن ونوعية المعهد بس انا ان شاء الله بتواصل معاه ومع مبتعثين هناك عشان اعرف اجابة على اكثر المواضيع
ان شاء الله نتنظر الاعضاء يخلصوا من انشغالاتهم ويررجعوا يساعدونا في التنظيم كالعادة لاني حابة نتشارك قبل مانسافر ويقل الاعضاء
يعني من المفترض نعرف كل شيء قبل السفر لانه دي غربة


و مشكورين على المجهودات وبالتوفيق للجميع

السلام عليكم اخواني واخواتي مبتعثين ومبتعثاث بوسطن
انا ان شاء الله مرافق لاختي وراح اجيب قبول في نفس المعهد اللي انقبلت فيه الا هو ELS فرع نيوتن اللي يعرف اي شي عن هذا المعهد ارجو انه يفدينا والسكن بهاذي المنطقه وهل يوجد فيها فنادق اولا؟
اخت maabat ابي اجيب لي قبول من مكتب اجيك ايش ادنى حد للمبلغ في الشهاده البنكيه ؟

انا في بوسطن اللحين وصلت من 12 يوم المدينة حلوه بس مو مرَه يعني ماعليها افضل مافيها سهولة التنقل بين مكان والثاني بس والله اللحين الجو برررررررررررررد غريب كأنك داخل فريزر خاصة في الليل ولا إذا كان فيه هوا ولا غطيت وجهك ومشيت لمدة بسيطة راح تحس بصعوبة في الكلام تحس وجهك تجمد ^_^

طبعا المدينة هادئة وآمنة اغلب اجزاءها لكن فيه بعض الأماكن تكثر فيها الجريمة بس بعيدده شوي طبعا بالنسبة لي انا ساكن في سكن الجامعة في جامعة بوسطن وما انصح اي واحد يسكن في سكن تبع جامعة تحس كأنك في عزبة ابو هنَود *_^