^^^^^^^^^^^
اختي...
انتي معاي في المعهد
بس دراستك في جامعة بوسطن من جابلك اياها
انتي والا المكتب؟؟؟؟؟؟
بلدي تاج رأسي February 27th, 2010, 12:59 AM
7 " تم بحمد الله حل مشكلة الكتابة بالعربي .
انا الان موجود في بوستن من 5 ساعات .
رحلتي كانت من مطار دونالد ريغن في واشنطن الى مطار بوستن ، لا تصدقوا الاكاذيب التي تقول بانه مطار معقد ، فاليكم قصتي:
جيت قبل الرحلة بثلاث ساعات و رحت لموقع الخطوط اللي انا مسافر عليها (يعني مثل عندنا بالسعودية فيه صالة لرحلات الخطوط السعودية و صالة للخطوط الدولية، بس عندهم زيادة انه كل خطوط لها محل تروح عنده ، توضيح اكثر اعتبوا سما في اول الصالة بعدها ناس.. و هلم جرا) فانتم اعرفوا ايش الخطوط اللي مسافرين عليها رحلتكم الداخلية و كذلك اسم المطااااااااار(و هذا كله الملحقية بتساعدكم فيه بس الحلو ان الانسان يصير فاهم، مو مثل اللي شفناه ناس على باب الله ) اخذت البوردنج و شحنت الشنط بخمس دقائق و بعدها قلت يا رجال لا تقعد تلف بالمطار و المطاعم ، تدخل على التفتيش على طول (على اساس اننا سمعنا ان الامور يبيلها وقت و تعقيد و كشف للمستور في استخدام الاجهزه الجديده) .. صفيت دور في احد الصفوف حقت التفتيش وكان قدامي يمكن 15 او 20 شخص (قلت شكل الامور مطوله) .. ولكن كلها 5 دقائق و انا خالص من التفتيش حتى اهلي بالرياض ما صدقوا (كانوا معي على التلفون قبل لا اصف دور و صرفتهم ، وبعدين دقيت عليهم قلتلهم خلصت )...
اول ما تصفون بالدور حق التفتيش جهزو البوردنج و الجواز (لانهم حاطين التعليمات في بداية لاين التفتيش ،بس بالانجلش ، فاستفيدوا من تجربتي) راح ياخذهم منكم موظف يصورها بقلم ناسخ و الشغله كلها ما تجي 10 ثواني ...
بعد الموظف على بعد مترين تاخذون صندوقين اللي تحطون فيهم اغراضكم (الي عنده لاب تب يطلعه من شنطته و يحطه في صندوق و يشيل صرمايته"الجزمه" و الجكيت و يحطهم بالسير حق التفتيش كانكم في مطار الرياض) ...
طبعا انصحكم تحطون كل اللي في جيبكم في الشنطه او البوكس اللي بيدخل بالجهاز (كوينز -قروش او اي شي حديد)عشان لا يرن الجهاز اللي بتمرون منه و يعيدون تفتيشكم مره ثانية او يدخلوكم في جهاز كشف المستور...
بعد كذا خذوا اغراضكم و البسوا جزمتكم و احتروا الطيارة ..
لا و صلتوا بوستن ما فيه لا تفتيش و لا بطيخ ، تنزلون من الطيارة على العفش على التكسي على طول ، كانكم بطيارة داخلية (انا اخذت تكسي للاوتيل بمبلغ 45 دولار و شرهناه 50 .(طبعا اوتيلي بالداون تاون جنب معهدي يعني قريب من المطار ، فانتبهوا من المسافة)..
سويت تشيك ان في الاوتيل و نزلت اتمشى شوي .. دخلت مطعم و تعشيت و تابعت مبارات ايس هوكي حقت كندا و سلوفينيا و فازت كندا و راح تلعب مع امريكا بالنهائي ، والي في المطعم كلهم صياح و صراخ ... يعني على قولت ربعي الكوايته دشيييت في الجو ....
عقبالكم ، ولا تخافون ترى لين الحين احس نفسي في ديرتي مثل ما انا لا تغيييييييير
نصيحه :
قابلت كثير من الطلاب ما حجزوا سكن في ولاياتهم (اقصد لا فندق و لا سكن معهد)، و جايين على باب الله و تم نصحهم من قبلي و من قبل بعض الحبايب و حجزنا لهم فنادق و راسلنا معاهدهم حتى يلاقون لهم سكن باقرب و قت) ....
فيا ابنائي و بناتي احجزوا من السعودية بالانترنت ارخص و اسرع حتى تعرفون رجلكم وين راح تثبت . و اللي مو عارف يحجز يسالنا هنا بالتجمع.
بالنسبه لي انا حجزت اسبوع في الاوتيل اللي نازل فيه اللحين و راح ادور سكن في خلال هالاسبوع.
تحياتي لكم و wish me luck
AMTR February 27th, 2010, 07:48 AM
7 " شكراً أمطار على المعلومات
كيف الجو في بوسطن
و كيفه في واشنطن
هل الافضل نحمل في ايدنا من السعوديه جاكيت خصوصا ان الجو هنا بدأ يصير حار
سمعت انه يمكن نحمل شنطتين بحجم لا يزيد عن ٣٠ كجم مسموح الدخول في واشطن لكن من واشنطن الى بوستن بس شنطه و ثانيه تشحنها؟ غير شنطه الاب توب مثلاً اللي راح تكون في اليد؟
حبذا تعطينا وصله الفندق اللي حجز فيه بوستن و من اي معهد انت؟
و يش خطتك في السكن و كيف كانت ترتباتك وخبرنا بجديد هالموضوع؟
بالنسبه لشهادة الميلاد سالوا عنها؟
Mustafa-H February 27th, 2010, 04:16 PM
7 " بارك الله فيك أمطار ما قصرت
اتمنى لك التوفيق في السكن
انت في نفس معهدي
بالنسبه لجو واشنطن ما قلت لي كيف لاني افكر اني اخذ فقط جكيت احمله معي في الخطوط السعوديه اذا كان الجو بارد بصوره مقبوله في واشنطن ، و بعدين ادفي نفسي عدل عدل بس اطلع في الطياره من واشنطن؟
و بعد ما قلت لي عن الفندق صفحته ع النت و كم سعر اللليله و كيفه علشان احجز فيه قبل السفر؟
Mustafa-H February 27th, 2010, 10:18 PM
7 "
المعهد : LSI
وإن شاء الله راح ادرس الماستر في جامعة بوسطن : )
الله يوفق الجميـع ويعطيكم ألـف عاإفيه على المعلومـات القيـمه (F)