تجمع مبتعاث ومبتعثي بوسطن للمرحلة الخامسة

انت المفرض تكون حاجز من عندك من الطيار بس لو ما حجزت تروح المطار وتحجز او اونلاين،،،
موفق

توصل بالسلامة ان شاء الله...

بالنسبة للمعهد انا راح ابدا الاسبوع المقبل ، فحينها سوف اوافيك بالاجابات .
ولكن انا سيرت عليهم وشفت فيه كثير طلاب من شرق اسيا و اوروبا و عسى يطلع فيه لاتينوز .
اما ما يخص الاوتيل طبعا الدفع عن طريق الكردت كارد سواء فيزا ، او ماستر كارد.
اوتيلي اسمع CLUB QUARTERS BOSTON في منطقة الداون تاون ويبعد عن المعهد يمكن 4 دقائق مشي او اقل و جنبه فيه جميع البنوك. و هناك المئات من الفنادق في بوستن تقدرين تختارين منها اللي يناسبك ما عليكي الا زيارة booking او expedia لعمل الحجز.

ابشركم لقيت شقة بس راح انقلها الاسبوع الجاي ما قصر الاخ ماجد معي هو اللي دلني عليها.

تحياتي

تحياتي لكم جميعا .

هذا ملخص لما عملته في الاربع ايام الماضية في بوستن(الجمعة - الثلاثاء):
1- في الويك اند تمشي و سياحة
2- يوم الاثنين ابتدأ الشغل ، صحيت بدري و رحت للبنك عشان افتح حساب (البنوك تفتح الساعة 9) فتح حسابين (checking account + saving account) حساب جاري و حساب توفير ، طبعا انتبهوا لحساب التوفير هذا عشان فيه فوائد منتوا مضطرين تفتحونه. و الشغله تاخذ منكم 20 دقيقه بالكثير. عطوني كرت مؤقت + 3 شيكات. و بعد 10 ايام توصل البطاقة و دفتر الشيكات .
البنك طلب مني ( الجواز + i-20) فقط لا غير ، و بالنسبة للعنوان حطيت عنوان معهدي و بعدين اقدر اغيره عن طريق الانترنت.
3- يوم الاثنين رحت لكذا مكتب عقار و على قولت الاخ ماجد " مكاتب العقار عندهم زي البقالات عندنا" ، راح يسالك الموظف كم تقدر تدفع و كم عدد الغرف و هل عندك منطقة معينه. بعد كذا يوريكم الشقق و اذا عجبكم شي توكلوا على الله و اذا ما عجبكم عادي قولوا له شكرا و روحوا مكتب ثاني و هكذا. وبالنسبه لي عجبتني شقة و قلت لمكتب العقار اكلمكم بكرا عشان اقولكم اذا ابيها.
بعد هالمشاوير رحت تغديت بمطعم في شارع newbury street الشهير و دلعت نفسي زين.

4- اليوم الثلاثاء (يوم التعرف على القطار " subway" ) و ابشركم سهل مره و شريت الكرت اللي ب 60$ (يسمح لك أن تستخدم القطار و الباصات لمدة شهر) . بعد كذا رحت لمكتب العقار اللي عجبتني عنده الشقة و دفعت عربون و رسوم ابليكيشن 75$ مو كل المكاتب عندهم هذه الرسوم. طبعا لازم ادفع مقدما (ايجار الشهر الاول +الاخير + شهر يعتبر تامين) و هذه طلعت علي مبلغ و قدره... فجهزوا انفسكم زين (مثال اذا الايجار 1500 راح تدفعون 1500+1500+1500=4500 ) و فيه مكاتب تاخذ رسوم مقدارها نصف شهر 750 و فيه مكاتب لا تاخذ رسوم.
مكتب العقار اخذ مني صورة من i-20 + الجواز فقط ، لم يطلب تعريف بالراتب . (ملاحظة في مكاتب تطلب تعريف )
و بعد كذا رحت لجامعة بوستن و تمشيت شوي/ بعدين على مطعم و تغديت غدا كتير طيب.

انتهى.

ملاحظة انا لست امطار ، فلا يدعونني احد بهذا الاسم.
صحيح انا انسان مرهف الاحساس و رقيق المشاعر بس مو توصل لدرجة اني اسمي نفسي أمطار
AMTR

^^^^^^^^^^^^^
ياشيخ..حسيت انك شاعر ورسام بعد<<<<<<تستاهل والنعم فيك

على العموم الحمد لله على سلامتك وبالتوفيق في دراستك ولا تقاطع القروب

ياسييدAMTR انا زميلك في نفس المعهد وتبدا دراستي في 8/3 والا الان انا في السعوديه منتظر التاشيره وجتني رساله من السفاره تقول-
Your visa will be issued today, you will receive your passport tomorrow from FedEx, as you know that you have to report to your school before 8/3/10 thank you

Consular Section, NIV
Saudi Arabia, Riyadh

هذي الرساله جتني يوم الاثنين والا الان لم استلم شي اليوم الاربعاء وشرايك ااجل موعد دراستي وكيف
ااجله والكورسات
عندكم كل شهر ولا كل اسبوع
وشكرا
س/فيه مشكله لو اتا خر على المعهد يوم يومين؟

شيك مع فديكس و اذا عندك حجز يوم الجمعة او السبت تعال أحسن لك من انك تغير موعد الدراسة . اما فيما يتعلق بمواعيد الدراسة في المعهد فليس عندي اي علم . انشالله الاسبوع المقبل اداوم و اجاوبكم .

بأسمي ونيابة عن جميع الطلاب المبتعثين إلى بوسطن ، نشكر الطلاب الذين سبقونا للدراسة في هذه الولاية ، لتواصلهم مع أخوانهم
عن طريق موقع مبتعث ، وذلك لتسهيل المهمة على من يأتي من بعدهم في هذه الولاية ، وارشادهم للمبتعثين في الخطوات الأساسية
التي يجب على الطالب الجديد اتباعها ، فلهم منا الشكر الجزيل ونطلب منهم المزيد ، والله يوفق الجميع .

حمدلله على سلامتك وشكرا على افادتك الجميلة

موفق