الرجاء الدخول : المبتعثين بجامعة Roger williams في مدينة Bristol

السلام عليكم
ياجماعه الخير انا ابغا اسالكم عن الجامعه كيف القبول فيها سهل ولا لا
لاني انا دحين ادرس في ولايه اريزونا وصدفه اخترت الولايه دي وعجبتني الجامعه شويه بس مو مره لاني ما اعرف عنها شي ياريت تساعدوني وتفيدوني بمعلومات عن الجامعه من ناحيه القبول والدراسه في الجامعه وعن الولايه والاجواء في الولايه اصلن انا الين دحين ما اعرف الجامعه في اي مدينه كل الي اعرفو اسم الولايه
ومعليش عالاطاله وانا عارف ردي متاخر بس انشالله الاقي احد يرد
شكرا

اخوكم عبداللطيف من المدينه المنوره

اهلين شباب وبنات

والله حبايبي حاب استفسر عن المدينه والجامعه هذي اللي مالقيت الوزاره معتمده الهندسه الكهربائيه فيه

بس جامعة رود ايلاند هي المعتمده لهذا التخصص

حاب اسأل عن المدينه واهل المدينه وجامعة رود ايلاند وهل لها معهد خاص وقبول مشروط او لا وايش اسم المعهد اذا كان فيه

ومشكورين يا اهل رود ايلاند

انا جاي بعد 4 شهور انشاءالله

انا بدرس اللغه بكليفلاند
والجامعه بروجير وليامز انشاء الله ^^

السلام عليكم
شباب اذا ماعليكم امر ابي معلومات عن الجامعه مثل : وش طلبات القبول المشروط وش الاوراق الي يحتاجونها ..
وكم المده الي يجي فيها القبول يعني بسرعه ولا يطول .. وهل الجامعه قويه وشهادتها قويه ولالا ..

والله يوفقنا وياكم يارب

......... للرفع ........

الحمدلله خلصت سنة ونص والضمان المالي كله بمعهد ELS وصرااااحه في تغير كبير في مستوى اللغة لكن الشهادة لله المعهد نصاب وحرااااااااااامية ولاعبين ولا يعرفون للقوانين والأنظمة لدرجة أنهم كل شهر يطلعون بقانون جديد ومستوى السعودين في المعهد كثير مرة وبدأ مدير المعهد في الفصل والطرد وإلغاء الفيز لبعض الطلاب لدرجة أنه بدأ الايام الأخيره يفرض مبلغ 200$ مقابل توقعيه للاي توني لتأخذ إجازة مستحقة لك من المحلقية ومن إدارة ELS غير كذه جميع النتائج الشهرية تكون مكتوبة بخط اليد وليست مطبوع بالجهاز وياخذ الطالب نسخة منها ويظهر أثر الطامس فيه غير كذه انك في المعهد هذا لوحدك لا ملحقية ولا حد راح يفيدك لأن السعودين مع على يد وحده ، سبق وان تنومت في المستشفى لمدة اسبوع كانت في العناية الخاصة ولأسباب طبية أضطررت للغياب وعند حظوري للمعهد أعتبرت طالب راسب ولا يوجد ما يسمى بإجازة طبية ولكن عند قراءة قوانين ELS وجت هناك ما يسمى بالاعذار الطبية وتعتبر مقبولة لكن خوينا مدير المعهد الحرامي يريد أن يستغل الضمان المالي بأكبر قدر ممكن وغير كذه يوجد ما يسمى بالونس كلاس ومدير المعهد يتلافى تطبيقه للطلاب إلى أنه يوجد تفريق وتميز ما بين الطالب السعودي والطلاب الأسبان لماذا لان السعودي وراه دولة تدفع والأمريكي يسرق أما الأسباني أو الجنسية المختلفة يدفع من حسابة الخاص ولو حصل له أي خطأ لما بقي في المعهد يكمل دراسته .
أنت كطالب سعودي ترسب مرة وأثنين و ثلاثة في نفس المستوى والأسباني يجتاز جميع المستويات بسهولة لدرجة أنه يستطيع أن يتم البرنامج ويحصل على شهادة مستوى 112 وهو في مستوى 111 وأنت يالسعودي ما تتخرج من المعهد حتى ترسب في مستوى 109 ومستوى 112 أكثر من مرة .
لا مو بس كذه تنجح من مستوى والمفروض تنتقل للمستوى اللي يليه تتفاجاء بأنك تعيد نفس المستوى أو ترسب وترجع مستوى أقل وعلى فكرة نسبة الرسوب فقط للطلاب السعودين والفضيحة الكبرى لمن تأخذ جميع نتائجك الشهرية وتقارنها بعد ست شهور بريبورت أكاديمي تجد العجب العجاب من إختلاف في التواريخ والدرجات وأسماء المواد ومعدل ساعات الغياب كذلك أسم المستويات وكلها فضايح في فضايح والملحقية لا تحرك ساكن .
الأدهاء والأمر ان تتلقى ايميل من مدير المعهد بالغلط كان يريد أن يرسله للنائبة ومحتوى الأيميل ينص على أنه تعب من محاولة مساعدة الطلاب السعودين وبأنه سيجتمع مهعم هذا الاسبوع ليوقعهم على قوانين وأنظمة جديدة هههههههه والله خبالة من جد والأيميل لا زال موجود عندي غير كذه جميع الطلاب السعودين ليسو براضين على معهد ELS بشكل عام ولو ترسل إيميل إلى الأدارة الرئيسية يقوم مدير المعهد بحل الموضوع وديا معك عزيزي الطالب ويرجع بأن سبب المشكلة ليست بمشكلة شخصية .
بالله فيه حد يدرس في معهد بأوراق تصوير هههههههههه والله فضيحة والملحقية لم تحرك ساكن .
غير كذه أضعت ضمان مالي لمدة 6 شهور في مستوى 112 لا يعقل بأن الطالب لم يستفد أو لم تتحسن مستوى اللغة لديه ؟ وفوق كذه لا يقوم المعهد بمساعدتك على معرفة نقاط الضعف لديك في إختبار مستوى 112 لمدة 6 أشهر كاملة وعندما ترغب في معرفة الضعف لديك برؤية ورقة الإجابة يأتيك الرد مليووووون لا يمكنك ذلك لأن هذا من قوانين وأنظمة المعهد وهو أصلاً في نظام أو قانون وغير...

عموما لدي الأيميل ولدي قائمة بأسماء الناس المتضررة بنسبة كبيرة في المعهد تتجاوز أسمائهم 20 شخص إلى أنه توجد لدي جميع النتائج الشهرية والريبورتات الأكاديمية وكل ما يدعم الموقف من المعهد يوجد له دليل وإثبات .

خير الكلام في النهاية لا أنصح أي طالب جديد بالأنظمام للمعهد خصوصا بأن جميع الطلاب الأن في مرحلة التحويل والإنتقال إلى معاهد أخرى وجامعات أخرى وتحصل هنا مماطلة في إنهاء إجراءات النقل ليتم الإستفادة من الضمان المالي بسحب شهر أو شهرين ....

لمن أراد التواصل معي بالإمكان ذلك من خلال المنتدى أو الجوال أو الأيميل بعد التواصل على الخاص على المنتدى

مع التحية / مشاري الغامدي

السلام عليكم ...

ياليت اي شخص يعطينا معلومات عن مستوى الجامعه،، واي احد بتخصص pupblic administration
هل هم سهالات ومتعاونين.

شباب انا جي على روجر وليام ان شاء الله بعد شهرين
بغيت افضل المجمعات السكنيه للشقق غرفتين وتكون سعرها حدود ال1500
وتفضل تكون في بريستول واذا في بروفيدنس ممكن بعد بس عطونا المواقع لا هنتو

افكر احول لها , ادرس بكالريوس finance ..

ايش رايكم؟ تستاهل من يحول لها؟ وكيف التدريس في الجامعة؟
ماذا عن الامان ؟ اسعار السكن؟ المواصلات؟