مبتعثين ولاية جورجيا GA

يا اخوان


هي المدينة كذا مملة ؟؟

لي أكثر من ١٠ أيام وما اشوف فيها شيء ..

مسجد الفاروق .. أو مسجد عمر ... البيت ...!!
واليوم اللي يكون فيه تغيير نروح ماكدونالدز ...!!

توقعتها مدينة كبيرة وفيها تغيير جو .. بس صراحة مدينة طفش !!!

وش اسم المدينة اللي انت فيها

اذا عرفت المدينه زين ماراح تقول طفش

تقدر تروح لـ Six Flags وتنبسط هناك

تقدر تروح لهيلن تبعد ساعه عن اتلانتا المكان هناك روعه وهادي وطبيعه

تقدر تروح للداون تاون وتتمشى هناك .. فيه الايكيوريوم هناك .. وعندك اللتل فايف بوينت حلو

غير كذا عندك مطاعم عربيه كثيره وبتلقى كل الاكل اللي تبيه ..

وغيره وغيره وغيره ...

فيه اشياء كثيره بالمدينه مايعرفها الا اللي عاش فيها .. اسال الشباب السعودين اللي معك وبيدلونك

وشو اتلانتا مدينه ممله ؟؟
تدري ان هالمدينه استضافة الاولمبيات وتفكر انها تستضيف كاس العالم
واكيد مدينه بهالامكانيه تحتضن اماكن ترفيه كثيره
ثانيا حبيبنا عمر ماقصر

وازيد عليه عندك شارع البتش تري زي شارع العليا يكفي بس تاخذ لفه عليه
تكفي منطقة الاكواريم وعالم كوكاكولا واولامبك بارك والسي ان ان
اربع معالم سياحيه بجمب بعض

six flags ملاهي رحت لها تقريبا اربع مرات ولا مليت منها
فيه الوايت وتر الملاهي المائيه
عندك البحيرات من كل جهه
وعندك الاستون ماوتن وفيه منتزه تحته
وفيه متحف ذاك محرر العبيد نسيت اسمه
وعندك سوق الاندر قراوند بس لاتروح له الليل لانه في عقر الداون تاون
المترو خذ فيه لفه تفرج على العالم
فيه منطقه نسيت اسمها كان يذكرني فيها عمر
حول مسجد الفاروق مربع فيه عماير ومطاعم فخمه وكوفيات وفيه سينما وفي الوسط ساحه
وعندك البولنج ولا البلياردو وموسم البيس بول ما اتنهى اظاهر تقدر تحضر مبارات
وفيه عندك الـ zoo
والاسواق عندك واشهرها لينكس مول وفيه كذا سوق بس ناسي اسمها
وان شاء الله بعد اذكر اماكن غير ولا نحصل اماكن جديده ونقولك عنها عقب ماتخلص لفتك

سو لك جدول وسير على كل هالاماكن وعقب قلنا وش الي اعجبك والي ما اعجبك

الا اتلانتا ما نرضا عليها
=)

وشلون جامعة جورجيا تك؟؟

والله من أول صفحة في الموضوع أدور حرف عن هالجامعة أتمنى من إخواني يعطونا نبذة عن المدينة اللي فيها هالمعهد
كويسة ولا لا ..من ناحية الطفش...الغلا...الأمان؟

وبرضوا القبول هل هو زي ماسمعت انه صعب جدا؟؟؟
وشكرا لكم

ليه كل الشعب ماتبي تدخل قروب النادي السعودي في اتلانتا

Welcome to Facebook

هناك فيه اغلب الطلاب مشتركين فيه
وحتى فيه قبل يومين واحد يسال عن السكن القريب من جورجيا تك وردو عليه الاخوان

(( discussions ))
في هالخيار تحصل النقاشات وفيه صور عن المدينه

يعطيكم العافية كلكم

سؤالي عن جامعة mercer .. وش رايكم فيها ؟؟ تخصصي marketing
اللي يدرس فيها او يعرف عن قوتها يعلمني الله لا يهينكم ..

وانا برضوا في جامعة mercer
ياليت اللي يعرف عنها شي يقول لنا

Atlanta Travel Guide - Atlanta, Georgia Attractions, Events, Packages & More

موقع خاص بمدينة أتلانتا للتعريف بها وعن طريقة يمكنك التعرف على المناسبات والاحتفالات التي ستقام في المدينة


معليش مشاري على النقل بس عشان تعم الفائدة للجميع