مبتعثين ولاية جورجيا GA

الحمد لله خلصت المقابله
وتمت بنجاح
وعقبال الجميع

وانامستعد للجميع ان اجيب عن اي تساؤل بما يخص السفاره

والله ماشاء الله السعوديين يتكاثرون في اتلانتا بشكل ملحوظ =)

الله ييسر اموركم
بخصوص النادي ان شاء الله قريب يتم الاعداد له الله ييسر امره
وبخصوص الطلبه السعوديين فبالنسبه لاتلانتا تقريبا الي اعرفهم او شفتهم يوصلون 20 واحد
حتى ان هاليومين نفكر نفرق كوره لكثرتنا

بخصوص السكن اسمع الشباب يسولفون عن وحده من الحجاز اسمها نوره كانت عايشه مع امريكيه مسلمه
في نفس السكن القريب من جامعة ميرسر اظاهر تخرجت الله يوفقها

وبخصوص المعهد والله اذا نفس المعهد فهو صراحه واضح انهم موب من النوع الي مش حالك بس موب معناته
انك ماتقدر تمشي وتنجح لا تقدر بس عندهم حرص في التصحيح وماعندهم مجامله تكفى ومدري
الي احسه الان يعيب المعهد اللهم الشرق اسيويين النسبه العظمى منهم

والنطق عندهم خايس ياكلون حروف وينطقونها غلط بس في الكويزات خذ دفاره

ماكون قريتها مرتين بس الي اسمع الشباب يقولون ميكن او ميكون
واذا هي فهي الجامعه الاصل واما انا الان ادرس في الفرع في منطقه ثانيه اظاهر تبعد ساعه او ساعتين زي كذا
طبعا فيه تخصصات هنا وهناك فيه تخصصات تختلف

وبخصوص القوه والله ماعندي خبر بس بشكل عام غالبا ماتحصل جامعه قويه في كل التخصصات
لازم تحصل جامعه تتميز بتخصص عن جامعه اخرى ولاحظة ان جورجيا تتميز بالهندسه جامعاتها قويه

انت الان اهم شيء لغتك خلها اوكي وبعدها يمديك تحول اي ولايه واي جامعه الامر يسر ان شاء الله

وبخصوص الخوال زي كل مره لاتغرك مواقع النت نسبة الامان ونسبة الامان
كل امريكا فيها مناطق نسبة الامان فيها زيرو الله يكفيكم شرها

الرياض ومكه وجده كلها فيها جرايم تشيب الراس بس الوضع امان الحمد لله بس انت ابعد عن الاماكن المشبوهه
ولا تهايط وتتحرش وابعد عن الليل لان الذيابه يطلعون فيه

الخوال في هالديره زكرت لان اتلانتا يعتبرونها بلدهم الروحي مدري وش المسمى بس لان فيها تحرر السود وانتهى زمن التفرقه
بين السود والبيض ويقدرون هالشخص

صح ان اللون السماره هو الغالب في اتلانتا بس الالوان الثانيه ماتعتبر شاذه عاديه وعايشين متسالمين كل واحد
يخدم الثاني بدون عنصريه تذكر بس يمكن تسمع كلمة عنصريه بين فتره وفتره بس ميب معك
تحصلها مع الخوال والبيض

الاسلام عند الخوال معروف اكثر من البيض الخوال بشكل عام بينهم ترابط تحصل الابو مسلم والام والولد مسيحي عادي
وعايشين مع بعض ربع مع بعض وفيهم واحد مسلم عادي

الحمد لله من جيت لي تقريبا شهر وشوي الى الان ماصار لي موقف بايخ الا مره وحده والحمد لله فكنى الله
موقفين في محطه الساعه 1 الليل ونزل خوي يشتري من البقاله شوي الا فيه خال يمشي حركته مريبه ونظراته تنعرف

فهالخال يوم حس اننا نراقبه وقف على جمب ولا تحرك والحمد لله

الله يكتب لكم الي فيه الخير وييسر امركم

اخوي
x1000x
الله يوفقك يالغالي وعقبال الفيزا ...

الله يوفقك ان شاء الله

وبسألك اخوووي خلاص انا نويت ان شاء الله اسكن في سكن جامعة ميرسر في البداية
بسألك كيف السكن يؤهل اسكن فيه ولا ؟

ياخي محتار

كفيت ووفية يالغالي

واذا بروووح اتلانتا ترى بس عشانك ,,,, ههههه والله اتشرف

بس حبيت اسألك انت في جامعة ميرسر الجامعة على ماعتقد انها في وسط جورجيا يعني قريبة من الدون تون

السؤال انا في معهد ال ELS في شمال اتلانتا في منطقة اسمها مرياتا Marietta

اذا عندك معلومات عنها ياريت تفيدني يالغالي

وباسأل اذا ابي اسكن شيرنق كيف الاقية سهل والا صعب يعني نقط انا ومجموعة في شقة اتوقع اكثر حرية من السكن معا عايلة

وانت ادراى اتمنا انك تنصحني ياخوك والله شايل هم

وبالتوفيق يالغالي وعقبال مترجع بالشهادة اللي ترفع الراس ...

مبروووووك وعقبال الفيزا

وممعلييش ما شفت مشكاركتك ولا تمنيت اكون اول مهن لك


الله يوفقك

الاخ ياخي محتار كفى ووفى .

ولا تخاااف خالي عايش هناك له اكثر من عشر سنوات ولا قد اشتكى من المدينة ولا شي وعاجبته المدينة


وموعدك نفس موعد دراستي

بكالريوس ولا ماستر ؟

الوصف عاد لاتسالوني توني مادليت
وبخصوص مرياتا اشوف الشباب يروحون يتمشون فيها

=)

 المشاركة الأصلية كتبت بواسطة حمووده

مبروووووك وعقبال الفيزا

وممعلييش ما شفت مشكاركتك ولا تمنيت اكون اول مهن لك

ياخوي حموده كلامك اطيب هو يكفي ونشاء الله نتقا بل بأذن الله