الأعضاء الإشتراك و التسجيل

الملتقيات
ADs

تجمــــع طلاب Fort Lauderdale, FL

تجمــــع طلاب Fort Lauderdale, FL


NOTICE

تنبيه: هذا الموضوع قديم. تم طرحه قبل 2923 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الحمد لله ع السلامة عنفوان
    ننتظر ردك على احر من الجمر وان شاءالله تاتينا بالمفيد
    وشد حيلك بكرة دراستك تبدأ ............ بشرنا كيف الدراسة والمعهد
    opto انا دراستي ب 21|6 اسم المعهد the language academy شكلك معايا في نفس المعهد
    7 "
  2. السلامه والله يحفظكم كل ابووكم

    بصراحه أنتم أصدقائي والصديق وقت الوسع قصدي وقت الضيق

    وأقوولكم

    مشكلتي او أسئلتي هي

    بدت مشكلتي بعد ماصحيت من النوم يوم الأثنين ليلة الخميس عقب صلاة الجمعه الساعه 9

    العصر تقريباً

    وافطرت عاد بعد ماتعشيت جيت اشغل الكمبيوتر ماشتغل ليش مادري مع اني توني مغير

    مساحات

    السياره مادري هل السبب من المظله حقت الحوش هي اللي تنقط مويه على النخله ماظن لأن

    الكفر

    اللي ورا توني مركبه جديد مع ان العربسات عندي صافيه بس الثوب طلع ضيق ورجعته للحلاق

    عشان

    بغير فحمات الفرامل لأن مكيف غرفتي خلص فريونه ركبت الونيت ومشيت فجأه انفقع الكفر نزلت

    وفكيت الكفر عاد تعرفون جنط المرسيدس فيه خمس مسامير صلحت البنشر ومشيت قطعت

    الاشاره

    مادريت الا المرور وراي يقول على جنب ياراعي الكامري وقفت وعطاني قسيمه على طول مافيه

    تفاهم

    يقول الدكتور لازم نقلع ضرسك ولقيت فيش الكهرب حق الكمبيوتر مفصول عشان كذا خلص الخبز من

    المكتبه .

    ياليت تجاوبوني على سؤالي بس لا تقولون الله يخلف على اهلك لأن الوالده كل ماشافتني افكر قالت

    الله يخلف علي وانا امك لا تنسون تجاوبون على سؤالي اللي هو بعد كم ساعه بوصل للشرقيه وانا

    مسافر بالسياره ورايح اعتمر

    ((سكران بينزل موضوع في المنتدى ))
    7 "
  3. سلااام
    كيكغم ان شاء الله بخير وبأفضل حال

    كنت بشارك في القروب قلت كمان نشارك هنا عشان تعم الفائدة
    المهم
    ياجماعة مدري مين فيكم قلي بيروح عالخطوط الإمارتية
    ترا الوزراة ماتوفرلك استقبال إلا عالسعودية على حد علمي
    7 "
  4. أخيرا أرتحت من عناء السفر ونفضت عني غبار الحيرة, وتنفست الصعداء, بعد أن أدماني المسير, وتجلت الوعثاء على محياي ...

    <<< مسوي فيها أنيس منصور



    المهم أبشرووووووووكوووووم أخيرا طلعت التآشير (يعني جمع تأشيرة خخخخ), والله يعين على القادم المثير ..


    وإن كان باقي عمرنا مثل ماضيه * يا عنك ما تسوى ريالٍ حياتي


    قصدي ما تسوى دولارٍ حياتي ..


    <<< مستعجل عقله على دخول أمريكا


    أخوي عنفوان كن بخير حتى نلقاك ... <<< ماهو كأنه يقصد بعد ما نلقاك لا تصير بخير


    المهم كذا يقولون الأدباء وش أسوي فيهم


    سلم لي تكفى على أساتذتكم خصوصا خبزة أو خدود وصل لها كثير السلام


    وبالنسبة لرحلتك ننتظر منك بعد ما تريح تقرير مفصل عن كل الرحلة وكل المواقف اللي واجهتك وكل النصائح اللي بتواجهنا فيها


    دعواتي وأمنياتي لك بالتوفيق خيو
    7 "
  5. تحياتي للجميع...
    مع دعائي بالتوفيق للجميع,, وخصوصاً للاخ لودرديل وعنفوان والله يحميكم بغربتكم...
    بس عندي كم سؤال الاول / وش ياشباب السيفيز ؟
    السؤال الثاني / هل الاوراق اللي المفروض اخذها معي للسفارة ارسلها على موقهم والصورة الشخصية احملها لهم بعد؟
    اسؤال الثالث /وين القى النماذج الي اعبيها ومنهم نموذج DS-160؟
    ولكم شكري وتقديري
    7 "
  6. المشاركة الأصلية كتبت بواسطة الحاير 666
    تحياتي للجميع...
    مع دعائي بالتوفيق للجميع,, وخصوصاً للاخ لودرديل وعنفوان والله يحميكم بغربتكم...
    بس عندي كم سؤال الاول / وش ياشباب السيفيز ؟
    السؤال الثاني / هل الاوراق اللي المفروض اخذها معي للسفارة ارسلها على موقهم والصورة الشخصية احملها لهم بعد؟
    اسؤال الثالث /وين القى النماذج الي اعبيها ومنهم نموذج DS-160؟
    ولكم شكري وتقديري

    أهلا أخوي الحاير
    وألف حياك بين أخوانك


    بالنسبة للسؤال الأول: السيفيس أخوي هو رسم لازم تدفعه قبل ما تروح لموعدك بالسفارة مقداره 200$ وتدفعه عن طريق موقع أنترنت: يعني لازم كريديت كارد, ماستر كارد وألا أمريكان إكسبريس وألا فيزا وغيرها من بطاقات الكريديت كارد ..
    وهو بإختصار رسم لازم يدفع لأي قبول من أمريكا, لغة أو جامعة ويدفع لمرة واحدة فقط: يعني تقدر تعتبره نوع من أنواع الضرائب اللي لازم يدفعونها الطلاب الأجانب اللي بيدرسون بأمريكا.

    إذا دفعته عن طريق الموقع لازم تخلي الطباعة شغالة, وألا ما تطلع لك شاشة تأكيد الدفع تسوي أمر طباعة, وتاخذ الصورة معاك للسفارة يوم موعدك, وأصلا هو بيبين عندهم بالنظام إذا أنت دافع وألا لا, بسإحتياطا خل معك صورة من عملية التسديد, وبعد لأمر ثاني أني سمعت أنه يوم تروح للملحقية تعوضك عنه, فلذلك حاول تطبع أكثر من نسخه


    وبالرابط هذا بتلقى معلومات مفصلة عن السيفيس + الموقع اللي تقدر منه تسدد السيفيس

    تسديد رسوم الـSEVIS شرح كـامـل بالصور.

    * للمعلومية ما تقدر تسدد السيفيس إلا إذا كان عندك قبول,فتلقى على اليسار فوق مكتوب (SEVIS) وتحته مكتوب رقم يبدأ بحرف N ويكون بهالشكل مثلا: N0002342345
    فيصير من موقع سيفيس بيطلب منك الرقم هذا ويوم تسدده يسجل بالنظام أن هذا القبول مدفوعه له الضريبة

    فقط


    أما الأسئلة الباقية أخوي فما عندي خلفية عنها لأني أنا حجزت موعد بالسفارة على النظام القديم, لكن النظام الجديد هذا ما عندي خلفية عنه, والشباب بيفيدونك إن شاء الله


    كن بخير يا صديقي
    7 "
  7. اخي العزيز لودرديل ...
    هو المبلغ 100$ او 200$ << مو مشكلة اذا راحو يعوضونا ... بس المشكلة كيف اسدد لي ولزوجتي مرتين ,, يعني المبتعث والمرافق نفس الشي؟؟ ابي افهم هذه النقطه بس واسف عالاطاله ... << ترا قريت موضوع خطوات التسديد بس لم يتطرق عن المرافق او المبتعث .. حتى لو كان المرافق بيكمل دراسته ..
    والف الف شكر والله ماقصرت ربي يقبل دعوتي لك بظهر الغيب


    الله يحفظك مع فائق احترامي وتقديري
    7 "
37 من 134 صفحة 37 من 134 ... 323637384287 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.