تجمــــع طلاب Fort Lauderdale, FL

( عــــــــــــــــــــــاجــــــــــــــــل جــــــــــــــــــــــــــــدا وللاهـــــمــــــــــيــــــــــــــــة)
أخواني وأخواتي الجدد حياكم الله حبيت إني أبلغكم بأننا من فتره شبه إتفقنا بالنسبة للحضانه والسكن للفائدة للجميع ولله الحمد وصلنا لعدد مره ممتاز إذا حبيتم أن تنضموا معنا
و من حب أن يطلع على الموضوع كامل العودة إلى المواضيع السابقة وسيشاهد المواضيع بخصوص السكن والحضانه وماإتفقنا عليه مبدئياً
طلب واعتبروه رجاء على الجميع ارسال المعلومات بشكل دقيق وعاجل وهي
أ - اسم الشخص وليس القب (النك نيم)
ب- اسم المعهد وبدية الدراسه
ج- عدد الاطفال واعمارهم واجناسهم ( ولد - بنت )
د- عدد افراد الاسره للسكن
هـ -ارقام الجوالات حتى الاخوات اللي داخلين المنتدى اذا امكن ارقام رجالهم
اشياء واضحه جدا عشان نقدر نرتب كل شي بشكل المطلوب والذي فيه الفائده للجميع
ويكون الإرسال على الخاص لسرية المعلومات
وبالتوفيق للجميع

انا في معهد Embassyces

إعجاز مدري إنجاز مدري إيجاز مدري وش أسميه


اليوم أصدروا لي قرار الأبتعاث, وأخذته وعلى أمر الإركاب وأصدروه بعشر دقايق, وبعدين أخذته على مكتب الطيار وطلع لي التذكرة في دقيقتين


وقالوا لي الله معك وتروح وترجع بالسلامة


لكن //

قلت له أحجز لي من الرياض إلى واشنطن, وبعدها بيومين من واشنطن على فورت لودرديل (وخبري بها فيها مطار), قال لي مبين عندي بالنظام أنه ما فيه رحلات من واشنطن على فورت لودرديل, قال لكن بأحجز لك على ميامي, وهي قريبة من هناك تروح لمدينتك, قلت لاااااااا
بعدين راح ورجع لي قال أبشرك طلع مطار ميامي هو أصلا موجود في فورت لودرديل .. ضحكت وقلت له أدري تزحلقني, بس يالله عطني التذاكر والله يعين


فالآن يا عنفوااااااااااااااااااان يا خبرتنا أنت مطلوب للأهمية بالسؤال الآتي ذكره:


صح مطار ميامي موجود في لودرديل, وألا لودرديل فيها مطار باسمها ؟؟؟

أهااااا


النصاب ضحك علي, بحثت في قوقل ماب وخرجت بالنتائج المدونة أدناه


المسافة بين مطار ميامي ومدينتنا 40 كيلومتر, بس فورت لودرديل فيها مطار خاص فيها, بأروح لأي مكتب سياحي وأخليهم يغيرون لي المسار ..


وأنتبهوا يا شباب يمشي عليكم نفس الحركة اللي مشاها علي


آليت على نفسي أن أعود إليه وأوسعه ضربا حتى تقول الهامة أسقوني <<< أقعد يا سالم الزير


خخخخخخخ


الله يهديك يا عنفوان لو أنك كاتب لنا تقرير عن رحلتك كان وفرت علي هالتوهه


بس على العموم كن بخير حتى نلقاك يا صديقنا

المعــــــــــذرة يا أخوان ..

<< منحآآآس مع الدراسه

صح مطار ميامي موجود في لودرديل, وألا لودرديل فيها مطار باسمها ؟؟؟

فيه مطار في فورت لودر دايل أرجع له وأوسعه رفسا <<< بدري يالأخووووو

المدينــــة روعه ..
أجواء ملكيـــــــــــــــة ... أكثرها شيّاب وعجز ..
الجو معتدل .. لا حر ولابرد .. وفيها شاطي .. ماودّك إن في شي اسمه ملابس خخخخ << صيغة فسق ومبالغة
يعني جيب معك جاكيت علشان واشنطن .. وفالطياره ( طشّه ) مع الشباك إذا فتحت معك ..

المعهد فيه أنا وسعودي وسعوديه ... وبس .. هذولا العرب ..


وودي أقرقر كثير لكن .
ماأقول .. الا ..

الحظ عجه والحبايب قراطيس ..
من يمسك القرطاس وقت العجاجي ..

<< تطلع المواهب في بلاد برآآآآ




الله يوفقكم ..

لي رجعه .. حسب الوقت << أوخص يالأمريكي : )

الله يوفقك يا عنفوان


ما عليك ركز بدراستك والله يوفقك, ولو صار عندك وقت عطني رايك بالمجمع اللي اسمه Palm trace Landings


لأني مخطط أحجز فيه إن شاء الله, فعطني رايك فيه هل هو مناسب أو لا

صحيح حاليا لو احنا بنقضي ملاابس للسفر
نشتريها عاديه
ولا شتووي
؟؟؟؟؟؟؟؟؟؟؟

الرحلة لازم تكون بداية على واشنطن عشان تمرون الملحقية وتفتحون فيها ملف, وتاخذون بواشنطن يوم وبالكثير يومين.
فواشنطن الآن برد ولازم الواحد يحسب حسابه على ملابس شتوية ليومين فقط ..
بعدين فورت لودرديل حسب ما قالوا الشباب يقولون الآن الجو فيها معتدل, وبعد شهر أبريل بيكون فيها حر ورطوبة ..


الخلاصة أن الواحد يحسب حسابه على ملابس شتوية تكفيه يومين بس إذا بيروح بهالفترة إلى شهر أبريل, والباقي صيفي.


لكن نصيحة لا تكثرون من الملابس من هنا, خذوا اللي ما يزود عليكم وزن العفش عشان ما تتخسرون قيمتها وقيمة شحنها بعد, وبعدين اللي بينقص عليكم من هناك يقولون أرخص وأحلى


والله يعيننا ويعينكم

مثل ماتفضل أخوي لودردايل .. اللبس صيفي في فورت لودر دايل ...
وبالنسبة للسكن .. يالودردايل ..
بحاول أشوف لك .. وأنت لاتعتمد علي ..

<< بلشان بروحهـ ..



الله يوفق الجميــــــــــــع .. وأي سؤال أنا حاضر ..
وإذا حسيت إني ضبطت أموري .. كتب ماتستفيدون ومالاتستفيدون منه .. << اسلوب تشويق