تجمــــع طلاب Fort Lauderdale, FL

طيب حلو نروح على ميامي اول نروح نشوف البلد وبعدين نروح لبلدنا عشان نبدا الدراسه

أنا كمان شايفه انه بالم تريس أفضل بس اللي بعرفه هي الشقه مفروشه زي الصور ولا لا ؟؟

صح عليك ..
لكن نزور ميامي لما نضبط أوضاعنا بمدينتنا أول ونخلص من هم السكن فيها ..
يعني أصلا أنا دراستي تبدأ في 8 مارس, ورايح بدري بس عشان أحل موضوع السكن وموضوع السيارة وأتعرف على المستشفيات اللي بتأميننا الطبي, وأعرف المعهد وطريقه .. وبعدين لاحقين على التمشيات ..

لكن كوني أبدأ رحلتي بتمشية !!! أكون ساعتها ضيعت غايتي اللي عشانها رحت بدري .. ومثل ما قالوا يخسر اللي يقدم الوسائل على الغايات ..

كل المجمعين فيه شقق غير مفروشة ..
والتأثيث اللي مبين بالصور بس عشان يغرون الناس, ويورونهم حالة الشقة بعد ما تتأثث

الشقة ياخذها الواحد بلاط, وما تحتوي إلا على أدوات المطبخ: ثلاجة, وغاز. بالإضافة إلى المكيفات هذي متوفرة بكل شقة من ضمن السعر المذكور ..

شيء آخر:
السعر المذكور بكل الشقق ما يشمل الفواتير: الكهرباء والنت ..
وعلى كلام الشباب النت 50 $ شهريا, والكهرباء تتراوح بين 70-100$ بالشهر

لكن:
لو حب الواحد ياخذ شقة مفروشة, سمعت أنهم يأجرونه أثاث بـ 500$ بالشهر زيادة على سعر الشقة, وأتوقع أنه هالمبلغ كثير .. يعني الواحد يشتري له أثاث أوفر له (يعني لو أفترضنا أن الواحد بيسكن بالشقة 6 شهور: بيكون سعر أجار الأثاث 3000$ , وهالمبلغ يقدر الواحد يشتري فيه أثاث أفضل من أثاثهم أيا كانت حالته, ويبقى الأثاث بالنهاية له وين ما نقل ياخذه معاه)

مساء الخير على الجميع
اتمنى من الجميع المساعده في كل شي بالنسبة للسكن والحضانه كل شخص يبحث ومن يريد اي اعداد يراسلني وانا ابلغه انا جالس ابحث وراسلت كذا جهه لكن اتمنى ان اشوف الكل يهتم ولا احد يرمى على احد يد الله مع يد الجماعه انتظر تقاعل الكل من جميع المعاهد وليس معهد امباسي فقط
لان الشي اللي عندي تجميع أعداد عشان مايكون هنالك لخبطه وليس تأمين 100% يعني أنا فقط بس حصر اعداد (والمراسلة بقدر المستطاع) لان ممكن شخص ثاني يشوف مكان مشفته ويكون افضل هذا المقصود وانا في جدة وماني في فورت لودردايل عشان كذا لازم التكاتف وليس الاتكاليه
لودرديل ربي يعطيك العافيه دائم عضو فعال بكل مشاركاتك
عنفوان شباب الله الله في العلوم الزينه انا جايك قريب ان شاء الله ولاتخاف العجه بعيده عنا اذا الله راد

ياجماعة اش احسن معهد لغة في فورت لودرديل لاني ابا اجيب قبول في معهد من المعاهد هناك بس مش عارفة اش احسن شي ياريت اللي عندو خبرة يجاوبني ...الشي التاني اش احسن من حيث رخص الاسعار والمعاهد تامبا ام فورت لودرديل؟؟؟ تحياتي

سلام..
كيف حال الجميع؟
الله يسهل امورنا يارب

اتمنى من طلاب معهد امبسي يراجعو صفحه 24 لأني حطيت هناك 3 روابط للسكن رائعه لأنها تعتبر الاقرب للمعهد والارخص وغير انه ثاني رابط كمان عندهم داي كير بنفس السكن
وان شاءالله راح احاول ابحث زياده واتمنى من طلاب امبسي يشدو حيلهم عشان نسوي زي الأخ لودرديل يعطيه العافية
نحاول نجمع معلوماتنا ونقارن ونستفيد من بعض
واغلبنا ماشاءالله تبدأ دراستنا 5ابريل
الله يوفق الجميع

الله يوفقكم
أحرصوا تكونون بمكان واحد, أنفع وأيسر لكم ..
والسكن اللي كان فيه الحضانة يعتبر خيار رائع جدا, زيادة على أن سعره حلو وموقعه قريب من معهدكم
وبالتوفيق لكم جميعا

طلاب معهد TALK

فيه طالبتين وصلوا إلى فورت لودرديل وأختاروا مجمع Palm Trace Landings

وهذا يزيد كفة هالمجمع أكثر ..

على العموم حطوا هالمعهد ببالكم, وإذا رحت هناك أكيد بأدور عليها كلها وبأكتب لكم تقرير وبأخبركم وين أستقرينا إن شاء الله

هذا البرنامج برعاية:

زين عالم جميل: (توتي تيتي تيتيتي) <<<ما يدري كيف بتنقري بس أقروها على أنها موسيقى شركة زين

اخوي لودرديل انا اشوف ان هالمجمع زين بما ان اخونا الساموراي يمدحه هو مجرب وادرا مننا

وفكرة انكم تسكنون حول بعض فكره حلوه عشان تساعدون بعض وتكونون يد وحده

اما بالنسبه لي انا طالع لوحدي وودي باستوديو صغير يكون قريب من المعهد عشان اروح مشي

ولو فيه سكن في المعهد يكون احسن

والله يوفق الجميع لما يحب ويرضى