تجمــــع طلاب Fort Lauderdale, FL

لودرديل <<<<<<<<<<<<<شكراااااااااااااااااااااااااا ع المعلومات اللي ونستني

الله يطمنك يا لودرديل
يعطيك ألف عافية

السلام عليكم
الي جميع الأخوة والأخوات الأعزاء بالمنتدى اقدم لكم خالص شكري وتحياتي طبعا انا وزوجتي العزيزه وجزاكم الله عنا خير الجزاء على كافة المعلومات المفيدة
والى الأمام
ومع اطيب الأمنيات...

الله يوفق الجميع ..
يا اخوان ,, ويأخوات ,, هذا الرابط للي وصل .. لايبخل علينا بالمعلومات .. الدعوى فيها أجر .. إن شاء الله ..
وبالذات المتزوجين ..

http://www.mbt3th.us/vb/forum127/thread159348.html



بالتوفيق

ريهام .. ريانة .. محمد .. بندر:
لا شكر على الواجب, واجبنا نفيد غيرنا, مثل ما غيرنا أفادنا

وأي سؤال حنا حاضرين, والله يوفقكم جميع

الأخت اللي تسأل عن السكن ..


ما أخفيك أن الأمر كان مربك لي للغاية أول ما وصلت, لكن برضو ما أنصحكم تستاجرون من النت, خلوا لين توصلون بالسلامة وتستاجرون بعد ما تشوفون الشقق وتقارنوها مع بعض, والمقارنة تختلف من شخص لآخر حسب إمكانيات كل واحد بالبداية: مثل وجود سيارة, توفر المادة قبل نزول المكافئة, القرب من الحضانات للي معهم أطفال .. إلخ

بالنسبة للي من معهد TALK أنصحكم تسوون الأمور التالية بالترتيب عشان ما تحسون بالإرتباك أول ما توصلون مثل ما صار مع صاحبكم <<< ولو سويتوها بتكون كل الأمور سهلة ميسرة إن شاء الله:

1- تحجزون من النت في فندق HomeStead لمدة يومين بسعر 90$ لكل يوم, أو تتصلون عليهم وتحجزون. والحجز بيكون على الرابط التالي:

http://www.homesteadhotels.com/hotels/fort-lauderdale-plantation.html

عنوانه:

7550 State Rd. 84
Davie , FL 33317

(تسجلون العنوان هذا بورقة وتخلونها معكم)

فيصير أول ما تنزلون مطار فورت لودرديل, تاخذون شناطكم وتروحون للبوابة اللي قدامكم على طول, وتطلبون تاكسي, وتعطونه الورقة تقولون نبغى نروح للعنوان هذا ..

* لما يوصلكم بيحاول يتمسكن يطلب Tip يعني بقشيش لا تعطونه أكثر من دولار أو دولارين زيادة على سعر العداد
** تقدرون تدفعون كاش وتقدرون تدفعون بالفيزا للي معهم فيزا

لما توصلون الفندق تخبرونه أنكم عندكم حجز وتدفعون حق الليلتين وتاخذون غرفتكم

* حاولوا قد ما تقدرون بعدها تخلصون الإجراءات الثانية -اللي بأتكلم عنها بعد شوي- بهاليومين, عشان لا تضطرون تمددون بالفندق وتضيع فلوسكم يوم بعد يوم, لسى قدامكم صرف يروع
** بالفندق مسموح لكم كل يوم إلين الساعة 11 قبل الظهر, ويمكن يعطونكم فرصة تطلعون الساعة 12 بعدها بيحسب يوم جديد. ماهو مثل بالسعودية مسموح إلين الساعة 4 العصر.


2- تروحون للمعهد وتعطونه الـ I 20 عشان تتأكدون أنتم بأي فرع لأن فورت لودرديل فيها فرعين لمعهد TALK فضروري تعرفون أنتم وين بالضبط قبل تحجزون الشقة وتتورطون بالعقد ..

* بتقول لكم مشرفة المعهد أنكم تقدرون تداومون بأي يوم قبل تاريخ الدراسة الموجود في الـ I 20 لكن بعد هذا التاريخ ما راح تقدرون تتأخرون, وهذي فرصة للي ناوين يجون بدري أنهم ياخذون بس يومين تجهيز شقة وترتيب أمور بعدين يبدأون بالدراسة.
** قدام المعهد على طول فيه بنك اسمه: Bank of America لما تخلصون من المعهد تمرون عليه تفتحون فيه حساب. بيعطيكم شيكات مؤقته اللي بترسلونها على الملحقية عشان ينزلون مكافئتكم على حسابكم, وبطاقة مؤقته.
*** البنك ما راح يعطيكم البطاقة المؤقته إلا لما تعطونه عنوان دائم لكم, فأنتم بس أفتحوا الحساب, ولما تستقرون بسكن معين أرجعوا له وعطوه العنوان ويعطيكم البطاقة.


3- بعد ما تعرفون معهدكم تبدأون بموضوع السكن. بالنسبة للي بيكونون في Davie لهم خيارين أساسيين:
Sunforest: للي ما معهم سيارة لأنه قريب من الجامعة, أنا أخذت شقة فيه تبعد عن المعهد مسافة 0.6 ميل يعني تقريبا 900 متر. بس ضروري لو أخترتوا المجمع هذا تخبرونه أنكم طلاب في نوفا وما معكم سيارة عشان يشوفون لكم من المباني القريبة للجامعة.
Palm Trace Landings: وهذا للي معهم سيارة لأنه بعيد شوي عن الجامعة, يمكن 2.2 ميل يعني تقريبا 3.5 كيلو.

* المجمع بيطلب منكم تأمين قدره أجار شهرين. يعني ما لا يقل عن 1900$, وبيطلب منكم تسوون تأمين على شقتكم عند شركة لو لا قدر الله صار لها حريق أو تلف بمبلغ 130$. وبتدفعون تأمين للكهرباء بمبلغ 210$. بعدين بيطلب منكم رسوم فتح ملف عن كل شخص 75$. وبيطلب منكم رسوم لعمال النظافة بمبلغ 25$ وبعدين أجار الشقة اللي هو يتراوح بين 950$ للغرفة مع ملحقاتها, 1100$ للغرفتين وملحقاتها, والأنترنت تقريبا بيكون 60$
يعني الأخت اللي كانت تسأل عن الأسعار تحسب حسابها الشهر الأول على 3500$
وبعدين تصير شهريا تدفع سعر الشقة مع رسوم النظافة بس.
** الشقة بالغالب بيكون فيها مكيف ,وثلاجة, وفرن, ومايكرويف, وغسالة صحون أو غسالة ملابس, ومفروشة موكيت, والباقي أنتم تشترونه أو تستاجرونه.


عند هذا الحد بتصير الحياة سهلة وحلوة
أعتذر على الإطالة بس كتبت لكم هالأمور بالتفصيل, لأنكم فعلا ببداية وصولكم هنا بتتوهون شوية, لأنكم بواشنطن بتكونون مع الطلاب السعوديين وكل شي ميسر وسواقين الملحقية معكم بكل مكان, لكن لما تروحون لمدينتكم بتصيرون لحالكم, فأتمنى هالسطور تنظم عليكم الرحلة, حتى تصبح ممتعة إن شاء الله
وأتمنى أكون أفدتكم, وإذا عندكم أي سؤال بأجاوبكم باللي أعرفه, وأنا بسألكم سؤال واحد بس: تدعون لي, والله يوفقكم جميع.

الف شكر على المعلومات القيمة ...

هلا بك اخوي بندر

سويت تعديل على المشاركة السابقة وأكملت فيها المعلومات

وموفقين إن شاء الله

هلا اخوي لودرديل
الله يعطيك الف مليون عافية ويستر عليك دنيا واخره على الإهتمام
ومع اطيب الأمنيات

الله يوفقك يالورديل دينا واخرة

وبصراحة عتبانين على عنفوان الشباب فين الي بيجبلنا الاخبار حقت معهدنا امباسي