اقتباس:
المشاركة الأصلية كتبت بواسطة نوره الحسن
ورب الكعبه معهد فاشل..
انا لي عنه 3 سنوات بس والله نفس السمعه الا الان بس ما احد يدري يمكن نغير في هاليومين
هلا أختي .. اول شي الله يحييك .. ونشكرك على تزويدنا بهالمعلومه ..
أنتي لك 3 سنوات وفاشل !
وتقولين للحين نفس السمعه ! << من قال لك ؟
للأمانة .. من تجارب اللي قبلنا ..
عرفنا إن النسبة الأكبر في تعلم اللغة ع الطالب ..
وهذا ( ديدن ) من يريد التعلم ! << متعوب على كلمة ( ديدن)
انا لي .. شهر ونص فالمعهد ..
يمكن ماأملك معايير ضعف أو قوة المعهد .. ولكن .. بقول رأيي ..
بشكل عام .. عن موقعه ومابداخله ..
المعهد : الموقع في وسط المدينه في مكان راقي ..
وسط المدينه عندهم ماهو مثل البطحا فالرياض .. والا البلد في جده ..
والمعهد آخذ دور كامل ( الدور السادس ) في مبني يتكون من 8 أدوار
والطلبه أجانب .. كوريا اليابان البرازيل تركيا وكولمبيا وفرنسا << الأغلب
مافيه عرب .. الا انا وواحد ثاني سعودي .. وسعوديه متزوجه ..
واليوم جاء سعودي .. ومعي في نفس الكلاس ..
نظامهم .. مستويات ..
يسوون لكم أختبار أول ماتجون .. ويحددون مستواكم ..
واول يوم مافيه دوام .. يعطونكم عصيرات .. وبساكيت ..
ويسوون لكم محاضرة عن كل شي .. وشرح للخدمات ..
الدوام ..
صباحي ,,
من 9 إلى 10:40 وبعدين فسحه نص ساعه < سنه أولى ..
ومن 11:10 إلى 12:50 محاضرة ..
^^ هذي محاضرة المستوى اللي أنتم فيه مثل 2 او 3 أو 4 حسب الأختبار ^^ وكلن ومدرسه أو مدرسته ..
فيه قراءة وكتابه وإستماع ومحادثه ولعب .. ووناسه ..
المحاضرة الجايه .. محادثه .. لأكثر من مستوى يعني يجمعون اللي مستوى 2 و3 مع بعض .. والمدرس واحد .. والـ 4 و 5 سوى ومدرس ثاني .. يعني فالكلاس الواحد تقريبا من 10 إلى 15
والمحاضرة تبدأ ..
بعد فسحة غداء ساعه ( 12:50 إلى 1:50 )
من 1:50 إلى 3:30 ..
محادثه .. سواليف .. ( إستماع وتحدث ) .. وتحديد موضوع .. وأبحر فيه ..
ولايمنع التذكير بالقواعد .. وأي سؤال ..
وبعدها صرفه .. ( طلعه ) ..
الجمعه الدوام إلى 12:50 .. يعني مافيه محاضرة محادثه ..
الفصول حلوه .. عدد الطلاب فالمستوى اللي أنا فيه اللحين 6
مستوى 2 .. طبعا حطوني مستوى 3 وكان عدد الطلاب تقريبا 6علشان ماتقولون تيس مايفهم ..
وقلت أبغى ابدأ من الصفر ..
وصراحه عندهم حركه تغيير المدرسين فالمستوى اللي أنا فيه .. مدري عن
المستويات الثانيه ..
المدرس أو المدرسه مو ثابتين ..
يعني أسبوع يدرسك صنهات .. الأسبوع الثاني تدرسك مزنه .. اللي بعده
يدرسك معيض .. بس الأسبوعين الأخيره .. مزنه ثابته وعساها ماتغيّر J
المعهد قريب منه كل شي . .
ستار بكس .. صب وي ( مطعم ) .. من غير المطاعم الثانيه
في منطقة حلوه ..
وبنوك .. واي شي تبغونه ...
أنا فتحت حساب في بنك قدام المعهد مباشره .. بنك أوف أمريكا
والباص يوقف قدام المعهد ..
ومدري .. لو إنك ماتقصدين إمباسي .. :) .. وبس ..
وسلام ..