تجمــــع طلاب Fort Lauderdale, FL

والله معهد فاشل بكل المقاييس نصيحة ياناس الي يمديه يحول من المعهد التجاري السياحي

مشاكل امبسي خصوصي من الطلبة السعوديون

السلام


حاب اعرف نصيحتك بشكل اوضح ليه المعهد فاشل تدري انا افكر انقل له هذا الاسبوع وضح لي بشكل اوضح اذا ممكن




Embassy CES الي في مدينة Fort Lauderdale

يااخوان انا بنقل لهذا المعهد ارجوكم ردو اتوكل على الله وله المعهد كلو عرب وفاشل انا بنقل من المعهد الي انه فيه لان العرب وخاصه السعوديين الله يوفقهم 90%


اسم المعهد

Embassy CES الي في مدينة Fort Lauderdale


ولو فيه غيره افيدوني افادكم الله

أخي الكريم انا لا ادرس بالمعهد ولم اذهب الى المدينة ولكن من خلال قراءتي عن المعهد وعن المدينة وانا لست متأكد من كلامي ان هناك عدد كثير من اخواننا المبتعثين يدرسون بهذا المعهد وبالتالي انت من يقرر الالتحاق به او التحويل لمدينة اخرى .
وهذه بعض الروابط انشالله تفيدك:
http://www.mbt3th.us/vb/forum8/thread198881.html

http://www.mbt3th.us/vb/forum8/thread189195.html

http://www.mbt3th.us/vb/forum8/thread202274.html

وبالتوفيق انشالله للجميع

معهد امبسي مليان سعوديين يعني بالفصل معي 7 والاجانب 3 وش الفايدة والمدرسه ماتعرف تشرح نفسي اغيرة وكمان في حصه المحادثة اللي هيه يجمعواعدة طلاب من مستويات مختلفه بكلاس يكون عدد السعوديين كثير كيف نتكلم مع بعض نص الوقت يصير تعليقات عربي وش الفايدة مدري .... لو تغير لمعهد تابع لجامعه افضل لك من المعهد التجاري ..حبيت انصحك وانت حر بالاختيار ..والله يوفقك

الاخت طابهـ علمـ ..فيه بفورت ثلاث مدار اسلاميه هي نور الاسلام و مدرسة الازهر ومدرسه اتوقع اسمها صلاح توفيق انا رحت للاخيرة وسألتهم عن كيفيه الدراسه عندهم قالت كل المواد بالانجلش ماعدا القران وعندهم اتوقع مواد دين بس ما أدري بالعربي او لا وباقي المدارس ما ادري عنها بس سمعت عنها من البنات ونور الاسلام كبيرة مرة ,,بس بالذمه ما أدري عن كل هالمدارس هل هي سنيه او لا ..لانه في واحد حذرنا قال تاكدوا قبل تسجلون ولدكم طبعا ولدي عمرة 5 سنوات يعني لازم روضه ماتقبله الحضانه ,,ارحم من وضع ولدكم ,,وتوصلون بالسلامه واعذريني اذا مارديت عليك لانه ماعندي نت بس اطلع لمكتب الاستقبال حق المجمع ..

أخوي الكريم ..إن كان على العرب والسعوديين خصوصا فهم في كل مكان..لو انت حاط في بالك انك ما ح تتعلم بوجود السعوديين فإنت عمرك ماراح تتعلم..الإنجليزي ممكن تتعلموا حتى وانت في السعودية ابدا مهو شرط عدم وجود السعوديين..المعهد مستواه متوسط مهو سيء ولا هو ممتاز ..وإدارتو من وجهة نظري سيئة..والمدرس هوة اللي يفرض عليك انك ماتتكلم عربي وبالتالي مافي احد يتكلم داخل الكلاس عربي..حبيت اطرح وجهة نظري..تحياتي

ماهو افضل معهد في المدينه من وجهة نظركم ؟؟

معهد Talk اوقف تسجيل السعوديين للتكدس بالمعهد لفتره من الزمن .. ممكن بعد الصيف يفتحون التسجيل

بقي اثنين ... اي واحد فيهم افضل ؟؟

الأخوان اللي فوق وأمثالهم كثير .. ما خلوا معهد في أمريكا الا ذموا فيه
ايش هذي السلبية
اذا واحد اتعرض لموقف معين في المعهد راح ذمه وقال ما يصلح
حقين امباسي يذموا في امباسي وحقين تالك يذمو في تالك وهلم جرا

اي مكان له ايجابياته وسلبياته
واللغة تجي بمجهودك انت ودور المعهد 30% بس .. وزي ما قال الاخ اللي يبي يتعلم ، يتعلم وحتى لو هو في السعودية بين طلاب كلهم سعوديين ومدرس سعودي كمان
وانت في امريكا على الاقل اسمك بين الامريكان وغيرهم اللي يتكلموا انجليزي
ومع المخالطة وغيره تجي اللغة اذا انت تبي

هذي السلبية ونقل هذي السلبية للناس شي مؤسف
واذا انتم محبطين لا تحبطوا الناس الثانيين

اعرف اكثر من خمسة أشخاص عاشوا في امريكا اكثر من 10 سنوات ..
كلهم ينصحوني وقالوا لي ابعد عن السعوديين السلبيين والمحبطيين واللي ما في راسهم اصلا لا تعلم ولا غيره ..
وعشان لا ينقلوا لك هذا الشي
قالولي كلنا درسنا وعرفنا طلاب درسوا في معاهد مليانه سعوديين وكان مستوى معاهدهم من سيء ومتوسط .. لكنهم جابوا اللغة وجابو التوفل بالدرجات اللي تطلبها الجامعات
والسبب انهم ناس جوا يبوا يتعلموا.. وما التفتوا إلى أي احباطات وسلبيات وواجهوها واتغلبوا عليها


بالمناسبة امباسي افضل معاهد فورت ..
وكثير شباب قالوا انه افضل من تالك وذا لانقويج ...
لكن ما جات فرصة انهم يكتبوا هذا الكلام هنا


يا عمي الواحد اذا يبا يتعلم انجليزي يتعلم وهوا في بيته .. من التلفيزيون والافلام والاغاني والكتب والرويات والانترنت وغيرها
لا احد يحسب انه حتى لو راح افضل معهد لغة على مستوى امريكا راح يتعلم انجليزي وهو بهذي العقلية الخربانة
تراهم مو حيجيبوا آلة خرافية ويحطوا اسلاك في خشمك عشان توصل لك المعلومات ... لااا
لازم انت تبذل مجهودك .. وقلت دامك وسط امريكا والامريكان يساعد انك تتعلم اكثر .. اذا تبا طبعا
اعرف ناس رجعوا من امريكا وهما دارسين في معاهد لغة وكملوا في الجامعات ماجسيتر ورجعوا ولغتهم تعبانه لامهم اصلا ناس تعبانيين وما في راسهم ، وناس عمرهم ما طلعوا من السعودية لغتهم افضل من دولا عشرة مرات


سيبوكم من الهرج الفاضي .. والسلبية هذي اللي راح تخليكم في مكانك قففف

سنة كااااملة ونصص تجلس في امريكا وانت في معهد خلينا نقول متوسط .. وما تتعلم انجليزي؟؟
ايش معناه .. المشكلة من المعهد ولا منك : )