ابغى سكن عائلي بشارلوت

اهلين وسهلين

ابغى احد يساعدني بإيجاد سكن عائلي بشارلوت ويكون قريب من المدينة الجامعيه لأني بمعهــــد ELIT

وهل صحيح اللي سمعت ان مافيها سيارات اجرة << الله يعين على تسحيب الرجلين

بليز احد يرد علي

قف مي سليوشن

كان الله في عون العبد ما كان العبد في عون أخيه


للناس الطيين فقط اللي في شارلوت ابي احد يساعدني بايجاد سكن عائلي ومستعد اعطيه فلوس على اتعااابه

انا جاي تقريبا ب 10/1/2010

هل من مجيب !!

هلا والله اخوي حمد ...
مرحبا وسهلا فيك بشارلوت ...
بخصوص موضوع ايجار السياره لا اخوي فيه شركات تأجير كثييره بس اهم شي تكون فوق عمر ٢١ ومعاك رخصة قياده سعوديه دوليه امريكيه مايهم ...وترا شركات الايجار قريبه من الجامعه بس الصراحه تحتاج السياره بشارلوت وخصوصا الايام الاولى...
اما عن السكن اعذرني ودي اساعدك لكن انا مسافر باجازه حاليا تقدر تكلم المعهد ويساعدوك ...
السكن الصراحه ما فهمتك تبي تسكن مع عائله او تبي سكن لك انت وعائلتك ...
في كم مجمع سكني نظام شقق وهو قريب من الجامعه فيه خيارات متعدده من الشقق .. الصراحه فيه كثير من هذا النوع من الشقق حوالي الجامعه بس كعائله وجوده انا اشوف تبحث عن سكن اسمه Thornberry او Highlands
اخيرا بالتوفيق والله يسهلها عليك واذا فيه اي سؤال اقدر افيدك فيه ابشر ولا تنسانا من الدعاء ...:)

هلا والله اخوي باربيكانا

انا والله جاي مع زوجتي والمشكله ان لغتي الانجليزيه ماعندك احد

عشان كذا ودي اعرف شيء عن نظام الشقق يكون عندي تصور موب رايح ادربي دميجتي لا ومعي زوجتي بعد

السؤال الذي يطرح نفسه استئجار الشقق يكون عند مكاتب ؟؟

وهل يمديني استأجر من السعوديه او من هناك افضل ؟؟

الله يعطيك العافيه واجازه سعيده يارب

جاري الانتظار . . .

الله يعطيكم العافيه ...

انا ابحث عن سكن مع عائله بشارلوت وتكون قريبه من معهد els

اخ احمد انشالله انك بخير شايفك ضايع لاتخاف ترا معهد اي ال اس بيجري وراك عشان تسكنو مع عائله بس بتدفع تقريبا 900
انا كنت بالمعهد قبل 3 شهور وتخرجت فيه شباب سعوديين يعجبوك على العموم حبيت بس اطمنك
انشالله بتعجبك شارلوت يا وحش
:)

النداء الأخيـــر للي في شارلوت

مابقى شيء على السفر وكما يقال بالأمثال اذا فات الفوت ماينفع الصــــــوووت

هل هناك مكان مفضل للسكن للعوائل السعوديه ؟؟

اللي عنده معلومات من هذا القبيل لا يبخل علينا


يارب احد يرد :dry: