رد: plymouth state university in New Hampshire معلومات
يا جماعه ،،
بالنسبه للسكن ،، عندكم خيارين ،،
الخيار الاول :
تقدر تسكن في سكن الجامعه ، عباره عن غرفه و لازم يكون معاك فيها شخص آجنبي ،،
حتى تقدر تنمي مهارتك و تتعود ع الآكسنت ،، و دورة المياه وحده كبيره مشتركه لـ جميع الطلاب ،،
طبعا الشباب لهم دورة مياه و الصبايا لهم دورة مياه ثانيه ،،
يتراوح السعر بحدود الـ ١٢٨٠ دولار شهريا ، شاملا الوجبات الثلاثه ،،
الخيار الثاني :
إنك تاخذ لك شقه ،، (( هذا الخيار للمتزوجين آو للي معاهم محرم او مرافق ))
الشقق هنا رخيصه نوعا ما مقارنة مع الولايات الثانيه ،، ع سبيل المثال شقه هنا في بلايموث سعرها ٧٠٠ دولار شهريا ،
لا تنسى إن الكهرب عليك و راح تتراوح فاتورته بحدود الـ ١٥٠ دولار (( على حسب استخدامك طبعا ))
و لا تنسى إنك تبي تفرشها من اثاث و انترنت و غيره و غيره .... الخ
يعني بحدود الـ ١٠٠٠ و زيادة مع مصاريف الاكل و فواتير ... الخ
-----------------------
* للي يبون يستآجرون شقه
حط في بالك إنك آجنبي ، و بالتالي لما تستآجر شقه لازم تروح لشركة الكهرباء و تفتح آكاونت جديد بإسمك ،،
و عشانك آجنبي راح ياخذون منك مبلغ تأمين بحدود الــ ٥٠٠ دولار ،، لما تنتهي عقدك و تطلع من الشقه يرجعونه لك ،،
آيضا هذا الكلام على الشقق ،، لما تبي تآجر ، راح يطلب منك صاحب السكن بمبلغ تآمين لين ما تغادر كليا من الشقه
و يرجعه لك ،،
--------------------------
الموضوع هذا كله تراه مو صعب ،، ع العكس ،، اقصد ما فيه اي تعقيد ،، راح تمشي امورك زي السلام عليكم و بسرعه ،،
و لا تنسون شغله مهمه و حلوه بنفس الوقت ،، هنا بآمريكا ،، كل آمورك تقدر تسويها عن طريق النت و بطاقة الصراف ،،
يعني الشغله مريحه للغايه ،،
آيضا لـ آصحاب الشقق ،، تقريبا المعهد مو بعيد ، يعني تقدر تمشي له على رجلك و خصوصا إن هالوقت ،، وقت الربيع
يعني الجو راح يكون حلو ،، و احس إن بلايموث ما تحتاج فيها سياره عشان تخلص آغراضك الشخصيه ،،
تقدر توصل للمكان اللي تبيه برجولك ،، (( يمكن عشاني نزلت ٥ كيلو من كثر المشي ههههههههههه ))
ترى حنا نحمسكم و نشجعكم للجيه و الدراسه ولا تنسون إن حنا مسؤولين عنكم قبل ما توصلون و واجب علينا
نعلمكم بكل صغيره و كبيره عن هالبلده ،، فــ بإسمي و بإسم صاحب الموضوع نقول لكم حياكم الله ،،
و موفقيـن يا رب
رد: plymouth state university in New Hampshire معلومات
طيب اللي بيسكن مع عائله قريب من المعهد
كيف اتواصل معهم واتفق من الان
رد: plymouth state university in New Hampshire معلومات
اتصل ع المعهد ، و خلهم يوفرون لك العائلة ،،
الامور هذي ينسقها لك المعهد ،،
إن شاء الله تتيسر معاك يا نواف ،،
تحياتي
رد: plymouth state university in New Hampshire معلومات
رد: plymouth state university in New Hampshire معلومات
مشكور اخوي برونز
حبيت استفسر عن موقع الحضنات في بلايموث تحتاج سياره وكم اسعاره اذا عندك فكره
وهل تخصص اللغه لانجليزيه مرحله الماجستير معترف فيه ببلايموث لان الرابط مايظهر
ودمتم بحفظ الرحمان
رد: plymouth state university in New Hampshire معلومات
هلا عاطف .. حياك الله عزيزي ..
بالنسبه لسؤالك عن الحضانات ، اللي آعرفه إن في شخص عندنا حاط عياله في حضانه ،، لكن بعيده شوي
اقصد انك تروح لها بسياره يعني ،، بالسياره تاخذ معاك ٥ دقايق ،، و الشخص هذا معاه طفلين و ياخذون منه بحدود
الــ ١٥٠٠ دولار تقريبا بالشهر ،،
بالنسبه لتخصصك للأسف ،، مو معترف فيه الا للبكالوريوس بس ،، مو متوفر عند الملحقيه تخصص ماجيستير ،،
اتمنى اكون افدتك يا الغالي ،، و ربنا يوفقك
رد: plymouth state university in New Hampshire معلومات
يعطيك العافيه اخوي برونز
انا التخصص المبتعثين فيه الاهل هو الماليه اوالتمويل
وناوي احوله للغه الانجليزيه
كيف المعهد؟
يعطيك العافية وبارك الله فيك
رد: plymouth state university in New Hampshire معلومات
يعافيك ربي عزيزي
بالنسبه للتحويل هذا شي راجع لكم ،، فــ شي أكيد إنك لو بتحول لـ ماستر إنجليزي ، راح تغير الجامعه
و تشوف لك جامعه معتمده عند الملحقيه بالماستر الإنجليش ،،
و ع طاري المعهد ، آنا آشوف إنه حلو بحكم إنه مافي زحمه بالعدد لــــــــــكــــــــــن
بدا يكتظ بالطلاب السعوديين ،، لكن لا بأس به و آحس إنه آحسن من غيره ،،
بالتوفيـــق
رد: plymouth state university in New Hampshire معلومات
رد: plymouth state university in New Hampshire معلومات
شباب استفسار .. رايكم بجامعة Southern New Hampshire University
ومدينتها مانشستر .... لاني افكر ادرس فيها Master in Finance
بانتظار ردودكم